Nipadrelane 12:15 - Ngudradreadrekadhane Ka Sisiu 魯凱語聖經

¹⁵ Kwini sulrau yakai ilrilrikudru ki ababai, si patwalai ki ngudui burusu palriau ku acilai, ka apakialudrane ki alisu.

Nipadrelane 12:15 Iomraidhean Croise

Tabekacane 3:1

Kai sulrau yai ikai ki bekace ki Tamatama ka Twaumase sanaka waudriwdripi malrilrigilinga ku salrilrigilane. Ku sulrau la kivaga kwini ki ababai, “Ku Twaumase tengane ka madha kanekane amia numiane kikai sanaka madru ki angatu ikai mawivaivai?”

Lasenai 18:4

Ku calrisi ki apacadhane walrepelrepe nakwane; ku carungucungu ki akamudane walrudrulu nakwane.

Lasenai 65:7

Paisaselebanesu ku lisiane guruguru ki laveke si bikabiki; paidrengeresu ku rariavane ki sanaka umawmase.

Isaiya 28:2

Ku Tamatama padulrunga kudra sapukwane ka umawmase kulri kainganai kikaruburu liniane. Kwini lasu lu kela, lri mia ki valrigi, lri mia ki umuku, lri mia ki lriau salraelre sanaka kadaengane.

Isaiya 59:19

Twalai talrawane mwa talriwgane, sanaka umawmase lri kakiwcu ki Tamatama si madrau ka pukuini. Lri mia ki telebe, lri mia ki alrilrawgu kainganai.

Isaiya 8:7

Lakamani, kwaku ka Tamatamasu lri ililukaku ki tinuhika ki swa Asiria si lakwapingini kainganai kikaruburu ki swa Yuda; ku takikaruburane lini lri mia ki walrialriau ka acilai kadravane Yuparati, swadrau ku tadrakwasane.

2 Kurintu 11:3

Ai amani lu kipangilisiane kwi kidremedreme numi, si cilri ku tasalikavaevane arakai ku bulane kilibake ki Kirisitu, mia ki Iva kilrilrigili ki sulrau.

Nipadrelane 12:16

Ai kai kadaengane paralubu kwini ki ababai, la manunganga si malra therepe kwini burusu ki baralebale kwi acilai.

Nipadrelane 12:9

Ku baralebale ala kiverevere pulebe; ka amani kudra sidrumane ka sulrau, ku nagane sia Akema sia Satange, ka amani ku walrilrilrigili sanaka umawmase. Sa kiverevere pwa kai kawmasane; ku sasiakawluini la mialri kiverevere pulebe.

Nipadrelane 17:15

Ku sasiakawlu belenge la iyana kai nakwane, “Kwini drelesu ki pairairange ka neneini ki mwalrawlrawdru ka acilai amani ki laminzuku, lazuku, lakuni, si makaelaela ku vaga ka umawmase.

Nipadrelane 20:2

Kwi lasu waruthuku kwini ki baralebale, kaamani kudra sidrumanane ka sulrau, ka Akema, la si Satange, wakerenge iniane patara kudrulu ka caili.