Nipadrelane 12:12 - Ngudradreadrekadhane Ka Sisiu 魯凱語聖經

¹² Lakamani, kunumi ka swa subelebelenge si yakai kwini, nai kiraragai numi! Ai, kai kadaengane si laveke matisalregesege ki amatikurwane! Asi lwiyane kai Akema mailukunga ku girimucane si mulebe mwa numiane kwini, asi lwiyane ngiathathingale ka kai lri tarathaynunga ku vaini.”

Nipadrelane 12:12 Iomraidhean Croise

Isaiya 44:23

Lasubelebelenge, putariria! Adringi ki kadaengane, akwadrava senai! Laangatungatu lalregelrege, bwala kainganadha makanaelre si putariri! Ikai angatungatu ka laangatu, bwala kainganadha makanaelre si senai! Ku Tamatama palribulunga ki Yakubu; kwi lasu ngwakainga ki swa Iseraylri pathingalane ku madrau ku pukuini.

Isaiya 49:13

Lasubelebelenge, senadha! Kadaengane, putariria! Lalregelrege, akwadrava drengedrengere! Asi lwiyane ku Tamatama lri sasa ki kawkawluini, lri kakalithi ki kwalrialri ka kawkawluini.

Luka 15:10

Thadalrane, lri pelaelaku numiane, ku sasiakawlu ki Twaumase lri mialri ngwalai kudra ki tangea ka pasalrisalriu ka umawmase ku tangitatupelaneini si kiraragai.”

Luka 2:14

Ku lrigu ani papia ki sabebeelengenga ka Twaumase! Ku sulivatane ani baai papia ki yakawmasane sanaka kathalraini ka umawmase!

Hiburu 10:37

Asi lwiyane ikai ki Sisiu amia kai: Lri kai tarathainunga, kudra lri kainganai lri kela, kailri pwadailane.

2 Pitiru 3:8

Ai, kinilibakane ka laretesane, yakai ku taingeane ku kaika akarimurane numi: Lu drele ku Tamatama, ku tinarakudrulane ka caili mia ki minaka vavaalane, ku minaka vavaalane mia ki tinarakudrulane ka caili.

Nipadrelane 10:6

si papia ki amani ku wabekace belenge, kadaengane, laveke, si yakai adringi sanaka manemane ka palralrawthu panianiake ka Twaumase kiketekete iya kai, “Kai lri pwigananenga!

Nipadrelane 11:10

Kai kawmasane kai umawmase lri ngwalai ku tapacadhane lini si kiraragai. Lai akakadra si mabaibalrithi ku saaceacebe, asi lwiyane kikai tadrusa ka yuginsia napakwalringa ki yakawmasane ki umawmase.

Nipadrelane 11:14

Ngialribatenga ku mwasakadrusa ku matikurwane; kwini sakataitulrwane ku amatikurwane lri kelaanga.

Nipadrelane 12:9

Ku baralebale ala kiverevere pulebe; ka amani kudra sidrumane ka sulrau, ku nagane sia Akema sia Satange, ka amani ku walrilrilrigili sanaka umawmase. Sa kiverevere pwa kai kawmasane; ku sasiakawluini la mialri kiverevere pulebe.

Nipadrelane 13:6

Kwini waudriwdripi la avavaga tusinalreme ki Twaumase, tudreadrekase ku naganeini, si taikaiyaneini, si sanaka yakaai subelebelenge patuelre.

Nipadrelane 18:20

Swa subelebelenge, kiraragadha! Asi lwiyane kwi alisu mamudunga! Ku laumawmase ki Twaumase, lanisikawlane, si layuginsia, kiraragadha! Asi lwiyane ku Twaumase pusakainga numiane, pathavungunga iniane!

Nipadrelane 8:13

La masiasiraraku, si kilaalranga ku vaeva ka takanga ku ngiapalapalai ikai belenge si akwadrau iya kai, “Asiamia! Asiamia! Kai lebe kai umawmase lri matisalregesege! Kudra drumane ka tatulru ka sasiakawlu belenge lri ngirapanga!”

Nipadrelane 9:12

Ku aswalaalanga ku amatikurwane ngialribatenga; ukalava, lubibilrili yakaiyana ku taidrusane ku amatikurwane ku lri kela.