Nipadrelane 11:9 - Ngudradreadrekadhane Ka Sisiu 魯凱語聖經

⁹ Twalai ki laminzuku, lacacekele, la makaelaela ka vaga, si lakuni, yakai ku umawmase ku lri kainganai drele ku kinawmasane lini makatulrulu si apararamau, kai pawabangalre ki umawmase dralreke liniane.

Nipadrelane 11:9 Iomraidhean Croise

1 Latalialalai 13:22

la siwlrisu si la kane ungulu, ikai ki kaika palraingi muswane kane si ungulu. Lakamani, lri kipapacaisu, ku kinawmasanesu kai lri kidralreke pikai ki takidralrekane ki wacekecekelesu.’ ”

Wabulru 6:3

Ku tangea ku umawmase adravane taidai ku lalalake, si kalragi ku niake ku taikaiyane kawmasane, kwi lasu alaiyasi kai maka kisupilri ku naika amalrane ku akaesadhane, lu pacai la kai kipudriadringai kidralreke, lu mia kwini, adravane kalragi ku tapanianiakane ku caili, manemane ku vai? Lu kidremedremaku, ku kialribate ka daini mathaithariri iniane.

Isaiya 33:1

Ku badhata lri kipadradresengenga ku amatikurwane! Kwi lalasu tararavaravase ku palrapalrane, ai kaiyana kiaravase ki umawmase; kwi lalasu watavuvulrucu ki umawmase, ai kaiyana kiatavuvulrucu ki umawmase. Ai lu kelanga ku kaika adulrwanenga lini ravase tavuvulrucu, kwi lalasu lri ki bilringa kiravase kitavuvulrucu ki palrapalra.

Yerimia 7:33

Ku laadhadhame si lawaudriwdripi lri kainganai si kane ki kinawmasane ki wapacai, kadrwa ku umawmase ku lri dulru pakatwase liniane.

Matai 7:2

Asi lwiyane, lu pangitumane numi raeraeratenge ki umawmase, ku Twaumase lri mialri raeratenge saibange numiane, lu arakai numi ku manemane aceacepange ki umawmase, ku Twaumase mialri arakai ku tapangimiane numi ki umawmase si aceacepange numiane.

Nipadrelane 10:11

Kwi sasiakawlu belenge la iyana kai nakwane, “Lri tara pelanasu pelaela ku tayugingane ki Twaumase ki laminzuku, lakuni, si amiamia ku makaelaela ku vaga ku laumawmase si latalialalai.”

Nipadrelane 11:11

Lu ngilribatenga ki makatulrulu si apararamau, ku la yakai ki niake lri twalai ki Twaumase kainganai, si mu adringi liniane, kwi lalasu lai lri acegecege; ku wadrele ku umawmase lai lri ngituluku kathathiburu turamuru.

Nipadrelane 13:7

Kwini waudriwdripi kiapalraingi ku akikaruburaneini ki umawmase ki Twaumase, si pamalebe liniane; la kibaai ku puku ku aerecane ki cacekeceekele, ki laminzuku, ki lakuni, si lamakaelaela ku vaga ka umawmase.

Nipadrelane 17:15

Ku sasiakawlu belenge la iyana kai nakwane, “Kwini drelesu ki pairairange ka neneini ki mwalrawlrawdru ka acilai amani ki laminzuku, lazuku, lakuni, si makaelaela ku vaga ka umawmase.

Nipadrelane 5:8

Sa pia kikai, ku supate ka waudriwdripi si ta 24 ka ciwru la guruthungane icucubungu ki Lrulai ka Kiu. Kwini laciwru la ecenge makanaelre ku patungutungu si nipasueteane ku sangwalreeme pikai ki kingi ka talamalamane; kikai sangwalreeme amani ku inulri ki lasinzia.

Nipadrelane 5:9

Kwi lalasu la senai ku vaeva ku bavane ka senai: Kathaanesu ka swadalepe tarumara kwini nibalrulane ka hungu, si mucaebe kwi hange belenge; asi lwiyane nakiapapacaingasu! Ngwalai ku tangicacilrianesu tueraerai, patwalaisu ki cacekecekele, ki makaelaela ku vaga, ki laminzuku, ki lakuni, walangaisu sawlri si malra ki umawmase, la baai ki Twaumase.