Nipadrelane 11:4 - Ngudradreadrekadhane Ka Sisiu 魯凱語聖經

⁴ Kwini tadrusa ka lri akasi amani kwidra acegecege icucubungu ki Tamatama ki yakawmasane ka drusa ka ulrive si drusa ka tatinakiane.

Nipadrelane 11:4 Iomraidhean Croise

1 Latalialalai 17:1

Yakai ku yuginsia ka sia Ilria, ka swakai Tisebi ka Gileade. Kwini lasu kawariva ki talialalai ka Ahabe, “Lri papiaku ki musakeneli ka Tamatama ka palralrawthu panianiake ka Twaumase ki swa Iseraylri kiketekete. Lukabibilrili ki nitarapiane ka caili, kai subelebelenge kai lri udale, kai lri mulebe ku lamu, lu kitubiaku kai belenge lri udale.”

Lasenai 52:8

Ala kwaku yai, miaku ki angatu ka ulrive ka wacebecebe ikai ki daane ki Twaumase; lri palralrawthaku satalu ku kai lri kaela palralrawthu ka sakialibake.

Takatwasane Izipiti 8:22

Ai ikai ki taikaiyane ki mapapangaleli kavai Gusenge lalri kakadrwa kanavaevanga ku alralrangau. Ku piali kikai ani thingale amiaku muswane, amaniaku ku Tamatama kikai ki kadaengane.

Isaiya 54:5

Ku wabekace muswane ka Tamatama yai taelrelresu ka sawvalai; ku naganeini yai Tamatama ka abebeelengenga ki sanaka kwapingi. Ku saniange ka Twaumase ki swa Iseraylri yai amani ku palribulu muswane; warathudu sanaka yakawmasane.

Yerimia 11:16

Napaswadalepenga naku liniane ka twavasau ka laricingi ka mwalabece turamuru ku madru ka mathariri ka ulrive ka angatu, ai kaiasasanenga lri miaku ki lrikace lama patuelre ku vasauini, si celra ku ricingini.

Mika 4:13

Ku Tamatama amia kai, “Swa Yerusalrime ka umawmase, katwasa! Lu pathavunga ki badha numi! Lri pakagarangaku numiane, mia ki twalawngu ka lwange. Lri utu numi papacai ki takaalra ka kuni, lai malra numi ku arakai lini ku ngikarakacanane ravase ku lawbubulu si patarumara baai nakwane ka magagemegeme kawmasane.”

Luka 11:33

“Kadrwa ku umawmase ku padalai ku tinaki si sekete pumakadringane si ku pwadringi ki balrungubungu; ngiabalre kamani, kwini lasu lri tara maalra pubelenge kwini tinaki pikai ki tatinakiane, ku lrika akuledrane ki mwadaane ku umawmase.

Luka 21:36

Kunumi kasimeameaca, kai reteretege ku ainulriane, lanu maka sapukwane kiadili kudra lrika angimiane patuelre, si dulru acegecege icucubungu ki Lalake ki Umawmase.”

Ruma 11:17

Yakai kudra la kiacelra ku ricingi ki angatu ka ulrive, la pwa cungulu arakai kudra singiubulane ka ricingi ki ulrive ka angatu. Kunumi ka sakamaelanane ka umawmase miyaiya numi ki singiubulane ka ulrive ka angatu, kisupisupilri ku ngiaradhekane ka apanianiakane ki swa Yuda.

Tapelane Drekase 10:8

Sa ikai lregelrege Hurebe, ku Tamatama la pilri sikawlu ki swa Lrivi ka zuku kamani ku wabaca ku Langiane, si abarakalai kipuawngane, la pangukai ki naganeini subulrubulru. Pakela kaikameane, ku lagagane ki Lrivi sakamiana ka amani ku kiapuawawngane kikai awngane.

Nipadrelane 1:20

Ku drelesu, kikai yavanale nakwane ka pitu ka tariau si pitu ka kingi ka tatinakiane ku patharevane ka kaika athingalane ka matiasamaimali miyaiya kikai: Kwi pitu ka tariau yai sasiakawlu belenge ki pitu ka kiwkai; kwi pitu ka tatinakiane amani kwini pitu ka kiwkai.”