Nipadrelane 11:19 - Ngudradreadrekadhane Ka Sisiu 魯凱語聖經

¹⁹ Sakamani kai kwidra, ku Twaumase ikai belenge mwaelebenga ku daane ki Twaumase; ku Langiane mwataluvaivai ikai kwini. La pacungulu, ikai ku lrikace dreredrere, elrange, lingilingi, si maadrau ka kananu.

Nipadrelane 11:19 Iomraidhean Croise

Lasenai 105:32

Ku Twaumase pwalebe ku kananu pawbalrithi ki udale, la salraelre kawmasane ku lrikace.

Lasenai 18:12

ku kananu, si lrangele ka apwi twalai cucubunguini ledra, walregese kudra ki makudremelre kaicelrenge ka ememe.

Isaiya 28:2

Ku Tamatama padulrunga kudra sapukwane ka umawmase kulri kainganai kikaruburu liniane. Kwini lasu lu kela, lri mia ki valrigi, lri mia ki umuku, lri mia ki lriau salraelre sanaka kadaengane.

Isaiya 29:6

Ku Tamatama ka abebeelengenga ki sanaka kwapingi lri arakai ku pakialringau ku dreredrere si lingilingi, lri sikawlu ki kwadrau ka lingau, maadrau ka valrigi, si kelrabe ka apwi kainganai palribulu muswane.

Isaiya 30:30

Ku Tamatama lri pakilalra sanaka umawmase ku lingau ki lrekemeini; ku Twaumase lri arakai ku apwi, ku ememe, ku kananu, si udale pathingale ki umawmase ku elathaneini.

Isaiya 32:19

(Ai ku kananu lri mulebe ikai ki angatungatu, ku cekele lri kikabebetethe.)

Izikile 13:11

Pelaela ki layuginsia, kudra pia lini ku balingibingi lri mukadrulunga. Lri ara umukaku si maadrau ka kananu sititi ki balingibingi,

Izikile 13:13

Lakamani, amia kai ku abebeelengenga ka Tamatama, “Lri ikaiyaku ki lisiane, la arakai ku umuku si maadrau ka kananu kabebetethe kai ki balingibingi.

Izikile 38:22

Lri arakaiyaku ku swalrubu si atueraeradhane pathavungu iniane. Lri arakaiyaku ku maadrau ka udale, kananu, maadrau ka apwi, si balaru pulebe pwa ki kinawmasane ki ililukuini ka lakwapingi si marasikaikaini ka langiaelre ka kwapingi.

Taasipane 10:33

Ku swa Iseraylri matwase kidaili ki saniange ka lregelrege Sinai, si aru cucubungu makatulrulu ku vai. Ku Langiane ki Tamatama sacucubungu liniane, pasikai liniane si silape ku tapakaiyane tutasuladhane.

Taasipane 4:15

Lulri musuburu kwini tasuladhane, ku zuku ki Kuhathe lri mukalava ki Arungu si lalalakeini malra si kabungunga kikai la nitusaniangane ka lawbubulu si la nipatupalrapalrane ka lawbubulu, ala lri bulri. Ku umawmase ki zuku ki Kuhathe lutuumane kai lri maka sucipau kikai la tinusaniange, amani lwiyasi pacai. Lulri patalula kai Alrivilrivi ka balrawbau, ku zuku ki Kuhathe lrika amani ku waangeale kilakikai lawbubulu.

Taasipane 4:5

Ku Tamatama peaelaela ki Musi, lulri musuburu kwini tasuladhane, ku Arungu si lalakeini lri mudaane ki Alrivilrivi ka balrawbau, si mwalra kwini yacucubungu ki Langiane ka makalrilau, si kabungu ki Langiane.

Yesua 10:11

Sa kisaladhaladha ki swa Iseraylri kwini swa Amuri, mwabere papia kwini tangutikiane ki lregelrege, ku Tamatama la pawruru ku kananu tarakadadalranane papacai liniane, daruru kavai Azeka. Ku kiapapacai ki kananu takakalra ki kiapapacai ki kwapingi ki swa Iseraylri.

Nipadrelane 11:13

Sakamani kwidra icengecenge, walingilingi kai kadaengane, kwini cekele la kaburuku ku taingeane ki nipaumangealane, ku ngwakai ki lingilingi si pacai wadaruru ki ta 7,000 ku umawmase. Ku tedranenga la makitu kakiwcu la drengedrengere ki yabelenge ka sanianiangenga ka Twaumase.

Nipadrelane 11:15

Ku mwasakapitu ku sasiakawlu belenge sangirapa, ka belenge la ikai ku akwadrau ku lingau iya kai, “Ku maadrau ka puku ku sarathudane ki lepawngane Tamatamanengata si cegecegeini ka Kirisitu; Kwi lasu lri magagemegeme ku puku, kai lri kaelanga palralrawthu!”

Nipadrelane 12:1

Kikai kwidra, kai belenge adrelane ku vaeva ku maadrau la matisamali ku tangimiane: Yakai ku tangea ku ababai ku siapalimemelre ki vai, ku drapale la dredre ki dramare, la sipagamucu ku yakai ku 12 ku tariau ka pagamucu.

Nipadrelane 16:1

Kialalraku ku lingau ku akwadrau twalai ki daane ki Twaumase si papia ki tapitu ka sasiakawlu belenge iya kai, “Kunumi lu mwa, la malra kwini akupitu ki kisi kwi elathane ki Twaumase si gugu pwa kawmasane!”

Nipadrelane 16:18

Ala kirimu ikai ku lrikace, elrange, dreredrere, si matiukukuludru ka lingilingi. Ku taikaiyane ki umawmase kai kawmasane, kadrwana ku miyaiya kai ku pakilringavane ku lingilingi!

Nipadrelane 16:21

Ku latadradrau ka kananu la twalai belenge mucilri si makakai ki laumawmase, ku vaeva ku telregane masupatele ka kukingi. Ngwalai kikai pakilringavane ulebe ki kananu, kai umawmase twadreadrekase ki Twaumase.

Nipadrelane 19:11

Sakabilrilanenga, wadrelaku ngwaelebane ka subelebelenge. Drela, ka vaeva ka lrawlrapungu ka rigi, kavai ngwarigirigi amani kudra kiapasi “Patengatengane” si “Asudralrwalrwane”; siatangadrane ki dringelresane kainganai saibange si kikaruburu.

Nipadrelane 4:1

La pacuungulu, si tarumaraku kudra vaeva ku maburusi, la drelaku ku ngwaelebane ku lrawlrawdru ka subelebelenge. Kudra nakilalrali mia ki warapapa ku lingau la iyanga kai nakwane, “Bwala mubelenga mwa kai, lri pelaelaku muswane ku lrika angimiane lubibilrili.”

Nipadrelane 4:5

La lrikace, siange, si dreredrere twalai ki taetalane. Pitu ku nipadaladhane ku taliwlare icucubungu ki taetalane; amani kudra pitu ka Ri ki Twaumase.

Nipadrelane 7:15

Ngwalai kai, kwi lalasu acegecege icucubungu ki taetalane, si pivai pimaungu ikai ki daane ki Twaumase kawaungu pasikai iniane. Kwini wanene ikai ki taetalane ka Twaumase lri ngikakamani palribulu liniane.

Nipadrelane 8:5

La pacuungulu, ku sasiakawlu belenge waecenge ku salamalamane ki sangwalreeme, la malra kwini salamalamane ki sangwalreeme si pwa pasaela pasuete ku apwi ki tapatarumaramarane, la verevere pwalebe. Ala kirimu ikai ku dreredrere, elrange, lrikace si lingilingi.

Nipadrelane 8:7

Ku aswalaalanga ka sasiakawlu belenge sangirapa, yakai ku kananu si apwi, ka eraeradhane, la pwa gugu pulebe. Kai kadaengane ku taingeane ki nipau tulrwane, si angatu ka taingeane ki nipau tulrwane, la kulama patueelre; sanaka ubulu la kulama patuelre.