Nipadrelane 11:17 - Ngudradreadrekadhane Ka Sisiu 魯凱語聖經

¹⁷ la iya kai: Kunadruma, si kaiasasane ka Tamatama ka sapupukuanenga ka Twaumase! Kiaseasene nai muswane; asi lwiyane arakaisu ku maadrau ku puku, rathudu.

Nipadrelane 11:17 Iomraidhean Croise

Tabekacane 17:1

Ku Aberame satara 99 ku cailini yai, ku Tamatama adrelane iniane. La iya kai, “Amaniaku ku wadulru sanaka manemane ka Twaumase. Lri pasalaladhasu nakwane, kamani ku twakapatengatengaane ka mwalecege ka umawmase.

Lasenai 21:13

Tamatama, paadrelana ku pukusu! Lri drengedrengere nai senai ku madrau ka pukusu.

Lasenai 57:11

Twaumase, ku matiwsakenanesu ani utaluvaivai ikai subelebelenge; ku lrigusu ani salraelre ki kadaengane!

Isaiya 52:10

Ku Tamatama lri arakai ku saniange ka puku palribulu ki kawkawluini; kai kiacaebe ki belenge kai umawmase lri drele makanaelre ku sapalribulane ki Twaumase.

Daniele 2:23

Twaumase ki cucungulaneli, kiaseasenaku muswane, wadrengedrengeraku muswane! Patarwamarasu baai nakwane ku thingalane si puku; kialalrangasu ku kitubili, si pelaela ku apangimiane nai papia ki talialalai lalrwai.

Daniele 6:10

Ku Daniele sa kilalra ka pinuhangeanenga kwini apakatwasane kwi drekase, la katwase mutavanane. Ikai belenge ki daaneini yakai ku vaeva ku taikaikaiyane, ku lribange papia Yerusalrime. Ku Daniele la ikai ki nimuelebane ki lribange pidruru, la singikai ku tapiapiane ka twalrawngaini, lukakaiya kingitulrulu papia ki Twaumase kiaseasene si inulri.

Matai 11:25

Sakamani kwidra, ku Yesu la iya kai, “Ama ka yabelenge, ka Tamatama ki belenge si kawmasane! Kiaseasenaku muswane; asi lwiyane kudra balabalaisu papia ki malrigili, ki yakai ku thingalane ka umawmase, padrelengasu putaluvaivai papia kudra ki la kadrwa ku thingalane ka umawmase.

Luka 10:21

Ikai kikai kwidra, ku Yesu kiakandu ki Siri si kisuete ki sakiararagai, si iya kai, “Ama ka yabelenge, ka Tamatama ki belenge si kawmasane, kiaseasenaku muswane; asi lwiyane kudra balabalaisu papia ki malrigili, ki yakai ku thingalane ka umawmase, peaelaelangasu putaluvaivai papia kudra ki la kadrwa ku thingalane ka umawmase. Ama, unu, kudra takangimiyaiyane kai ku kelretesu patueelre twalai muswane ka mathariri!

Yuhani 11:41

Kwini lalasu ala kirimu patanuela kwini lrenege. Ku Yesu la paswabelenge, si iya kai, “Ama, kiaseasenaku muswane, asi lwiyane kialalrangasu nakwane.

2 Kurintu 2:14

Ai, maelanenga ki Twaumase! Asi lwiyane tasangilukane mitane, kuta ka ravase ki Kirisitu la maka dulruta kipaelre si kiibu ki takwaputaritariri kela ka Kirisitu. La arakai mitane si papia kidruanga sabulu kudra ngwalai ku tathingalane ki Kirisitu si ikai ku sangulremane.

2 Kurintu 9:15

Takiaseasene ki Twaumase! Piakai ku kaika amaka aravagane pelaela ku migemi!

1 Timuthi 1:12

Kiaseasenaku ki Tamatamata ka Yesu Kirisitu; asi lwiyane wabaai ku puku nakwane, la maka sudralru nakwane, si pakamani nakwane pasikai iniane kaungu.

Nipadrelane 1:4

Kwaku ka Yuhani watigamiaku baai ki swa tali Asia ka talupitulu ka kiwkai: Kudra amani ka yakai kunadruma, la ikai kaikameane, lubibilrili lai lri ikai palralrawthu ka Twaumase, si kudra yacucubungu ki taetalaneini ka pitu ka Ri, si kudra lataraakasi pakaelre ku kidremedreme, ka aswalaalanga twalai ki wapacai si sielane panianiake, ka warathudu ki latalialalai kawmasane ka Yesu Kirisitu, ani baai numiane ku migemi, ku sulivatane! Kwi lasu madalame mitane, pasiakai mitane ngicacilri si tueraerai, la patwalai ki pasalrivane pulatadre mitane,

Nipadrelane 1:8

Yakai kunadruma, la ikai kaikameane, lubibilrili lai lri ikai palralrawthu ka Tamatama ka sapupukuanenga ka Twaumase amia kai, “Alepaku, ka sapathagili, Umigaku, ka satwalrepenge!”

Nipadrelane 11:15

Ku mwasakapitu ku sasiakawlu belenge sangirapa, ka belenge la ikai ku akwadrau ku lingau iya kai, “Ku maadrau ka puku ku sarathudane ki lepawngane Tamatamanengata si cegecegeini ka Kirisitu; Kwi lasu lri magagemegeme ku puku, kai lri kaelanga palralrawthu!”

Nipadrelane 15:3

La senasenai ku senai ki sasiakawlu ki Twaumase ka Musi si senai ki Lrulai ka Kiu iya kai: Tamatama ka sapupukuanenga ka Twaumase, ku takaunganesu ala matiasalru si matisamali turamuru! Talialalai ki sanaka kuni, ku kadalrananesu ala patengane ka mwalecege!

Nipadrelane 16:14

Kwi lalasu amani kudra ri ki Akema, wadulru pia ku matiasamaimali. Kilakikai ngialisiane ka ri matwase silape ki talialalai kai kawmasane, si malra sarubu pataelre liniane, si padulrudulru ku akikaruburane ikai kudra ki maadrau ka vai ki sapupukuanenga ka Twaumase.

Nipadrelane 16:5

Kialalraku kwidra taramarasikaikai ki acilai ka sasiakawlu belenge amia kai, “Sanianiangenga kunadruma si kaiasasane! Amanisu ku madringelrese ka tarasaibaibange.

Nipadrelane 16:7

La kilalra naku ku twalai ki tapatarumaramarane ku lingau ku amia kai, “Tamatama ka sapupukuanenga ka Twaumase! Ku tasaibanganesu tengatengaane ka madringelrese!”

Nipadrelane 18:8

Amani sakamiyaiya kikai, ikai ki vaivaai, ku amatikurwane lri mulebe mwa iniane: Yakai ku atubiane, ku silravane, ku apacadhane! Kwi alisu lri ikai ki apwi si kilamalama, asi lwiyane ku amani ka wasaibange ka Tamatama ka Twaumase maadrau ku puku!

Nipadrelane 19:11

Sakabilrilanenga, wadrelaku ngwaelebane ka subelebelenge. Drela, ka vaeva ka lrawlrapungu ka rigi, kavai ngwarigirigi amani kudra kiapasi “Patengatengane” si “Asudralrwalrwane”; siatangadrane ki dringelresane kainganai saibange si kikaruburu.

Nipadrelane 19:6

La kilaalra naku ku mia ki twalai ki laumawmase ku lingau, ku elrange mia ki maadrau ka tuturu si dreredrere, iya kai, “Haliluya! Asi lwiyane ku Tamatamata ka sapupukuanenga ka Twaumase atalialalainga!