Nipadrelane 11:15 - Ngudradreadrekadhane Ka Sisiu 魯凱語聖經

¹⁵ Ku mwasakapitu ku sasiakawlu belenge sangirapa, ka belenge la ikai ku akwadrau ku lingau iya kai, “Ku maadrau ka puku ku sarathudane ki lepawngane Tamatamanengata si cegecegeini ka Kirisitu; Kwi lasu lri magagemegeme ku puku, kai lri kaelanga palralrawthu!”

Nipadrelane 11:15 Iomraidhean Croise

Lasenai 110:4

Ku Tamatama kiaketekete, kai lri akabalrithi ku takidremedremane lutumane: Lri singikaisu ki ngwakai ki Milikizidike, kapalralrawthu abarakalai.

Lasenai 146:10

Ku Tamatama lri palralrawthu atalialalai! Ziyungu, ku Twaumasesu lri palralrawthu magagemegeme ku puku! Haliluya!

Lasenai 2:2

Ku latalialalai lini maredededele kainganai; ku lakiacapili ki kuni taelre mapelaelaela, lri kikaruburu ki Tamatama si pilrini cegecege ka talialalai.

Lasenai 72:11

Ku latalialalai lri ikai cucubungu iniane sukubu; sanaka kuni lri sukubu iniane.

Lasenai 82:8

Twaumase, kiatubiaku muswane ngidrakala si saibange kai kawmasane, asi lwiyane kai sanaka kuni muswane patuelre.

Lasenai 86:9

Ku bekacesu ku lakuni lri papia muswane pidruru sukubu; kwini lalasu lri senai drengedrengere ku takasanianganesu.

Takatwasane Izipiti 15:18

Tamatama, lrika palralrawlrawthusu atalialalai!

Isaiya 27:13

Kwini vai sana kela, kudra lingau ki rapa, lri dawlu pakainganai makanaelre ki acaicali ikai Asiria si Izipiti ka la swa Iseraylri. Kwi lalasu lri ikai Yerusalrime ka lregelrege ki Tamatama sukubu iniane.

Isaiya 44:23

Lasubelebelenge, putariria! Adringi ki kadaengane, akwadrava senai! Laangatungatu lalregelrege, bwala kainganadha makanaelre si putariri! Ikai angatungatu ka laangatu, bwala kainganadha makanaelre si senai! Ku Tamatama palribulunga ki Yakubu; kwi lasu ngwakainga ki swa Iseraylri pathingalane ku madrau ku pukuini.

Isaiya 55:5

Kaiasasane lri sarubusu ki lakuni; kwi lalasu kunadruma kai wathingale muswane, kikainga lri satalu muswane makanaelre. Kwaku ka Tamatama, ka Twaumase numi lri pangimiaku kikai; ku saniange ki swa Iseraylri ka Twaumase lri patarumara baai muswane ku lrigu.

Isaiya 9:7

Ku lrekeme ku taatalialaladhaneini lri aru adiadili; ku kunini lri kisupisupilri ku rathudane apalralrawthu. Kwi lasu lri mucungulu ku taetalane ki talialalai ka Davidi; kwi lasu lri arakai ku aparamaramavane si dringelresane tukarwalai ki arathudane, twalai kaiasasane pakela lumamilringi. Ku Tamatama ka abebeelengenga ki sanaka kwapingi malrithethe ku lrika apangimianeini kikai patuelre.

Yerimia 16:19

Tamatama, kusu yai pukuli si kepaleli; amanisu ku takilakebaneli lu matikurukurwaku. Sanaka kuni lri twalai kai kawmasane kidruanga kainganai mucucubungu muswane, si iya kai, “Ku cucungulane nai wasukubu ki kaika patengane ka latwaumase, si sukubu sikakathane ki kadrwa ku paluludane ka lasamiamiange.

Izikile 37:25

Kwi lalasu lri ikai kwidra patarumarali baai ki sasiakawluli ka Yakubu ku kadaengane, ka amani kudra nataikaiyane ki cucungulane lini kudra kadaengane. Kwi lalasu lrika palralrawthunga ikai kwini, ku mwabaibalrithi liniane lai lri mialri ikai kwini. Yakai kudra tangea ku mia ki sasiakawluli ka Davidi ka talialalai lrika palralrawthunga rathudu liniane.

Izikile 47:5

Kwi lasu la peelanga twalai kwini papucucubungu lekete tu 500 ka mituru, ku mwadringane ki acilai kaidu wadulrunga pangu talubalre, lu langudhane maka wadulru madu lribate.

Daniele 7:14

si tarumara ku puku, lrigu, si puku ki talialalai, ku lrika apasikaiyane kaungu iniane ki lakuni, zuku, si kawarivariva ku makaelaela ku vaga ka umawmase. Ku sarathudaneini lrika palralrawthu ikai; ku pukuini kadrwa ku taalikaiyane.

Daniele 7:18

Ai ku kawkawlu ki Abebeelengenga ka Twaumase lri tarumara ku kindri ki talialalai, lri ngipapikai kikai kindri ki talialalai, pakela lu palralrawlrawlrawthu.”

Daniele 7:22

Sakabilrilinga, la kela kudra yakai palralrawthu, si pusakai ki kawkawlu ki Abebeelengenga ka Twaumase. Ku atarumarane ki kawkawlu ki Twaumase ku kindri ki talialalai wakelanga.

Daniele 7:27

Ku kawkawlu ki Abebeelengenga ka Twaumase lri tarumara ku puku ki kawmasane ki lakuni; ku kindri ki taatalialaladhane lini lri kai kaelanga, ku latararathudu ki kawmasane lai lri kauawngunga pasikai liniane, si pasalaladha liniane.”

Husia 2:23

Lri malraku ki kawkawluli si lredreke pikai kai ki kadaengane; lai lri papiaku ki “Kai kiakilibake” Athingalane kilibake; lri papiaku ki “Kai ka kawkawluli” Iya kai, “Kunumi yai kawkawluli.” Kwi lalasu lri masiasilange tubalre, “Kusu yai Twaumase nai.”

Ubadaiya 1:21

Kudra la akaci ka umawmase lri mwa ka Yerusalrime, si twalai kwini rathudu ki swa Idume. Ku Tamatama lri ngikakamaani atalialalai.

Mika 4:7

Lri tusapaivadhaku si lri kamaninga ku ngiaradhekane kudra tedratedrane ku laumawmase, ku twaramuru si saraunga, amaninga ku magarange ka kunu, lri ngikakamaniaku ikai Ziyungu rathudu liniane, twalainga kwini pakela palralrawthu.”

Zakaria 14:9

Ku Tamatama lri atalialalai ki yakawmasane; sanaka umawmase lri pelaela pathingale ala ka vaeva ka Tamatama, ka mwakalrivili ku naganeini.

Zakaria 2:11

Lukamaninga kwidra, lri takaalra ku kuni kulri papia ki Tamatama, si akawkawlunga iniane. Kwi lasu lri ikainga numiane, ala lri thingale numi ka siakawlu nakwane ku Tamatama ka abebeelengenga ki sanaka kwapingi mwa numiane kwini.

Malaki 1:11

Ikai kidruanga ku umawmase mwasaakene nakwane makanaelre. Kwi lalasu la ikai kiinunga papiapia nakwane lama ku sangwalreeme, si patarumaramara ku mabula ku lamanemane. Kwi lalasu mwasakene nakwane makanaelre ka Tamatama ka abebeelengenga ki sanaka kwapingi!

Matai 24:31

Ku lingau ki rapa lri kwadrau elraelrange, kwini lasu lri sikawlu ki sasiakawlu belenge pamwa sanaka ininunga, lri patwalai ki talrawane kai kawmasane pakela ki talriwgane kai kawmasane, si sarubu ku pilrini ka laumawmase.”

Matai 6:13

Madha pakipadradresedresenge naiane ku kai ka amalralremeane nai siamece ku akikituthiathingalane; la palribula naiane pakidaili ki alrima kudra ki ngialisiane.

Luka 1:33

Lrika palralrawthu atalialalai ki tai Yakubu, ku lrika pukuini atalialalai kadrwa ku apalikaiyane pakela lumamilringi!”

Luka 15:10

Thadalrane, lri pelaelaku numiane, ku sasiakawlu ki Twaumase lri mialri ngwalai kudra ki tangea ka pasalrisalriu ka umawmase ku tangitatupelaneini si kiraragai.”

Luka 15:6

si iluku putavanane, ala dawlu ki latalragilragini si pasiagiagisi, si iya kai liniane, ‘Bwala taelreaili kiraragai, kudra amuli ku kiuli kiadringainga naku!’

Nisikawlane 4:26

Kai talialalai kawmasane ngiararukudrunga makanaelre ku akiecebane, kwidra la maerece ki cekele la makitu irubu taelre, lri kikaruburu ki Tamatama si kwidra kiapulawlau ka Kirisitu.

Hiburu 1:8

Pangukai ki Lalake, la iya kai: Twaumase! Ku taetalanesu lri ikai palralrawthu! Arakaisu ku paramaramavane magagemegeme ki puku.

Nipadrelane 10:7

Lu ngirapa ku mwasakapitu ku sasiakawlu belenge, ku Twaumase lri pangimianga ku pelaelangaini papia ki layuginsia ka sasiakawluini kudra kaika athingalane ka matiasamaimali.”

Nipadrelane 12:10

La kilaalranga naku ka belenge yakai ku akwadrau ku lingau iya kai, “Kikai asasane amani ku apalribulane ki Twaumase! Ku Twaumase pwataluvaivainga paadrelane ku lrekeme si sarathudaneini; ku cegecegeini ka Kirisitu la mialri paadreelane ku lrekemeini. Kudra piavaiyane pimaungu icucubungu ki Twaumase si kukusu ki laretesaneta, twalainga ka belenge kiverevere pulebe.

Nipadrelane 15:4

Tamatama, aneane ku lri lreme kai musakene si mukuludru muswane? Aneane ku lri kai drengedrengere ki naganesu? Kathaanesu ku amani ku sanianiangenga. Sanaka kuni lri kela makanaelre, si ikai cucubungu muswane sukubu, asi lwiyane ku takaungane ki dringelresanesu athingalanenga utaluvaivai.

Nipadrelane 16:17

Ku mwasakapitu ka sasiakawlu belenge la malra kwini kisi si gugu pikai belenge. La ikai ku akwadrau ka lingau ku twalai ki daane ki Twaumase ka taetalane ki Twaumase, iya kai, “Malrepengenga!”

Nipadrelane 17:14

Kwi lalasu lri makakaruburu ki Lrulai ka Kiu; ai kwi Lrulai ka Kiu pamalebe liniane, asi lwiyane kwi lasu amani ku Tamatama ki sanaka tamatama, Talialalai ki sanaka talialalai. Kudra pilrini, si savaeva ku kidremedreme tupapalra iniane ku umawmase lai lri mialri pamalebe.”

Nipadrelane 19:1

Kikai sangilribatenga, kialalraku ku akwadrau ku lingau, miakau la wariariariange ka yabelenge iya kai, “Haliluya, tadrengedrengere ki Twaumase! Ku sapalribulane, ku lrigu, ku lrekeme patuelre twalai ki Twaumase kainganai!

Nipadrelane 19:6

La kilaalra naku ku mia ki twalai ki laumawmase ku lingau, ku elrange mia ki maadrau ka tuturu si dreredrere, iya kai, “Haliluya! Asi lwiyane ku Tamatamata ka sapupukuanenga ka Twaumase atalialalainga!

Nipadrelane 20:4

La dreelenga naku ku lataetalane; kwini lawanene ikai belenge ku umawmase la malra makanaelre ku kingidri ki asaibangane. La mialria ku drele ku abake kudra ki la ngwalai ku tatarumarane ku padrele ki Yesu ku patengane ka sabulrwane si vaga ki Twaumase si kipapacai ka laumawmase. Kwi lalasu kaiyana wasukubu kwini ki waudriwdripi si tinuwaudriwdripane ka samiamiange, ku punu si alrima la kakadrwa ku nagane kwini ki waudriwdripi. Kwi lalasu la makitu sielanenga panianiake, si taelre ki Kirisitu atalialalai tarakudrulu ka caili.

Nipadrelane 8:12

Ku mwasakasupate ku sasiakawlu belenge sangirapa, ku taingeane ki nipautulrwane ki vai, ku taingeane ki nipautulrwane ki dramare, si taingeane ki nipautulrwane ki tariau kiapungupungu patuelre. Ku vai, dramare, tariau la kawlrau ku taingeane ki nipautulrwane ku ledra; ku taingeane ki nipautulrwane ki vaiyane kadrwa ku ledra, ku taingeane ki nipautulrwane ki maungu laka kadrwa ku ledra.

Nipadrelane 9:1

Ku mwasakalrima ku sasiakawlu belenge sangirapa, wadrelaku ku vaeva ku tariau ku twalai belenge tuverevere mulebe, si mucilri mwa cakena. Kikai tariau tarwamara ku sawsi ki valrulrange.

Nipadrelane 9:13

Ku mwasakaeneme ku sasiakawlu belenge sangirapa, kialalraku ku lingau ku twalai ki lapiyu ki kingi ka tapatarumaramarane ikai cucubungu ki Twaumase.