Nipadrelane 11:12 - Ngudradreadrekadhane Ka Sisiu 魯凱語聖經

¹² Kwi tadrusa ka yuginsia kialalra ku twalai belenge ku akwadrau ku lingau ku amia kai liniane, “Bwala mubelenga mwakai!” Kwi lalasu sa dredredrele ku badha la ngukai ki ememe mubelenge.

Nipadrelane 11:12 Iomraidhean Croise

2 Latalialalai 2:1

Wadarurunga ku akelane ki Tamatama malramalra ki Ilria arakai ku alrilrawgu. Ku Ilria si Ilrisa singikai Gilegale katwase;

2 Latalialalai 2:11

Kwini lalasu la katwatwase takumakawrivarivariva. La pangitutuluku, ikai ku apwi ka larigi bilibilibili ki apwi ka palridingi kela mukabicelrakane kwini ki tadrusa, ku Ilria la kimalra iluku pubelenge ki alrilrawgu.

2 Latalialalai 2:5

Yakai ku mapaangale ku layuginsia ka yakaikai Yeriku la mwa drele ki Ilrisa, la kivaga iniane, “Wathingalesu kaikameane ku Tamatama lri malra iluku ki sinsisu?” Ku Ilrisa la iya kai, “Wathingalaku; ai takai matikai kikai.”

2 Latalialalai 2:7

Yakai ku tamalrimale ku yuginsia la tupapalra liniane mwa ka kadravane Yuredange. Ku Ilria si Ilrisa la idrengere ibabiabila ki kadravane; kwini tamalrimale ka yuginsia acegecege ikai thili liniane.

Lasenai 112:10

Ku mangangace ka umawmase lri drele lu kagaragarange ku madringelrese ka umawmase lai kwalri ku kidremedreme; kwi lalasu lri apararitaiti ki lisiane si pacai; ku sidramadrama lini lri kawlrau.

Lasenai 15:1

Tamatama, aneane ku lri dulru mudaane ki daanesu? Aneane ku lri ikai ki saniange ka lregelregesu Ziyungu?

Lasenai 24:3

Aneane ku yakai ku puku mubelenge ki lregelrege ki Tamatama? Aneane kulri dulru mudaane ki daane ki Twaumase?

Lasenai 86:17

Tamatama, kiatubiaku muswane papiaili padrele ku sapelaelane ku sulrapelanesu, kudra malisilisi nakwane ku laumawmase lani kainu, asi lwiyane paralubusu nakwane la sasangasu nakwane.

Takatwasane Izipiti 14:25

La pawthene ki dulrailraki ku palridingi ki swa Izipiti, kai maka ngipalrici. Ku swa Izipiti la iya kai, “Tamatama ka paralubu ki swa Iseraylri kikaruburu mitane. Ila takirarimu mubere!”

Isaiya 14:13

Kingivalesu kidredreme ku amubelenganesu mwa ka subelebelenge, si pikai belenge ki latariau ki Twaumase ku taetalanesu; kiasanu nenesu ikai belenge lregelrege tapalikaiyane tali dradha, ka taikaiyane yelrelre ki latwaumase.

Isaiya 40:31

ai ku satalu ki Tamatama ku umawmase, ku puku kai maelaela. Kwi lalasu lri mia ki takanga paipai ku sapakepake; kwi lalasu lu lailai kai kiadulrudulru; kwi lalasu lu dadavace kai siacaecaemane.

Isaiya 60:8

Lakikwini mia ki ememe ngipalai kainganai, mia ki tavagu ka wakela mwa ki lalisisuku, lakikwini laka aneane?

Malaki 3:18

Lukamaninga kwidra, ku kawkawluli lri peelana drele ku la takipadradresengane ki madringelrese ka umawmase si manganga ka umawmase luka manemane ku tamakakaelane, si luka manemane ku tamakakaelane ki la pasiakaikai nakwane kaungu si kai pasiakaikai nakwane kaungu ku umawmase.”

Luka 16:23

Kikai satacekecekelane la ikai swadriadringi kipakwalrialri turamuru; kikai lasu la paswabelenge drele si drele ki Aberahame ikai adaaili ku taikaiyane, si la drele ki Lazaru ithili iniane,

Nisikawlane 1:9

Sa maka kawrivanga kikai vaga, ku Yesu la ikai cucubungu ki maca lini kimalra pusubelebelenge; yakai ku vaeva ku ememe ku wakabungu liniane, la kai maka drelenga kwini lalasu.

1 Tisaruniki 4:17

lai pacungulu, kuta ka la panianianiakeana ka umawmase lai ikaita taelre liniane si kiiluku pwa ki ememe, ikai belenge lai madredresengeta ki Tamatama. Twalainga kwini, laika apalralrawthungata taelre ki Tamatama.

Nipadrelane 12:5

Kwini ababai la tulalake ku sawvalai; kikai lrulai lubibilrili lri arakai ku adreme ka ukudru rathudu sanaka kuni. Ai, kikai lrulai kia pubelenge pwa ki taetalane ki Twaumase.

Nipadrelane 3:21

Kudra pamalebe ku umawmase, lri baadhaku iniane ku maelane ka puku, lri taelre nakwane nene ikai ki taetalaneli, mia nakwane ka pamalebenga, kaiasasane tadrusa nai nene ki Ama ikai ki taetalaneini.

Nipadrelane 4:1

La pacuungulu, si tarumaraku kudra vaeva ku maburusi, la drelaku ku ngwaelebane ku lrawlrawdru ka subelebelenge. Kudra nakilalrali mia ki warapapa ku lingau la iyanga kai nakwane, “Bwala mubelenga mwa kai, lri pelaelaku muswane ku lrika angimiane lubibilrili.”