Nipadrelane 11:10 - Ngudradreadrekadhane Ka Sisiu 魯凱語聖經

¹⁰ Kai kawmasane kai umawmase lri ngwalai ku tapacadhane lini si kiraragai. Lai akakadra si mabaibalrithi ku saaceacebe, asi lwiyane kikai tadrusa ka yuginsia napakwalringa ki yakawmasane ki umawmase.

Nipadrelane 11:10 Iomraidhean Croise

1 Latalialalai 18:17

Sa drele ku Ahabe ki Ilria la kawriva, “Asu ka yakai kai, kusu ka pamatiakuru ki swa Iseraylri ka umawmase!”

1 Latalialalai 21:20

Ku Ahabe sa drele ki Ilria, la iya kai, “Kusu ka makakabadhali, kiadringaingasu nakwane?” Ku Ilria la tubalre, “Unu. Kiadringainga naku muswane. Tapikidremedremanesu ranau pia ku ngialisiane lu drele ku Tamatama.

1 Latalialalai 22:18

Ku Ahabe la iya kai ki Yehusapate, “Kainaku ka amianga, kai lasu kadrwana ku taiyane nakwane ku mathariri ku vaga? Kai lasu taiyane ku malisi ku vaga!”

1 Latalialalai 22:8

Ku Ahabe la kawriva, “Yakaiyana ku tangeanga, amani kudra lalake ki Imela ka Mikaia. Ai magirimucaku iniane, asi lwiyane kwini lasu kai kawrivariva ku mathariri ku vaga; kwini lasu takawrivane ku malisi ku vaga.” Ku Yehusapate la kawriva, “Kaisu lri maka iya kwini kawriva!”

Lasenai 13:4

Madha palrailraingi ki badhali ku aiyane kai: Pamalebenga nai liniane! Madha pangwalalai ku tatubakebakaneli si pakiragai liniane.

Lasenai 35:19

Madha palrailraingi ki lawatavuvulrucu ka badha pakiraragai lu amakiaku. Madha palrailraingi ki lawavutha kalisi nakwane ngwalai ki takwalrianeli si malrikalrikace ku maca.

Lasenai 89:42

Paakacisu ki badha iniane, pakiararagaisu turamuru ki labadhaini makanaelre.

Kavagavagane 24:17

Lu drelane lu matikurukuru ku badha madha kiragaragai; lu tubakebake ku badha madha kiragaragai.

Yerimia 38:4

Ku latabebelenge ala katwase mwa kikawriva ki talialalai, amia kai iniane, “Kiatubi nai muswane papacadha kai ki umawmase; asi lwiyane kai lasu pakalrupi kai ki yakai ki cekele ka kwapingi si laumawmase ku akusangane, la amalremenga. Kai lasu kai kiadremedremedreme ku akaesadhane ki mapapangale, kiasanu papacapacai sikakathane liniane.”

Yerimia 50:11

Ku Tamatama amia kai, “Swa Babilunia, wadrikisisu ravase ki kunili, la ngwalaisu kikai si kirararagai, mia ki yatapagwaguane ka tikiyane ka lwange ka wadredredre ki taleke si marariariau ka larigi;

Ubadaiya 1:12

Ku retesanesu ka swa Yuda sa icengecenge matikurukuru, nai kaisu lengethe drele. Saka takamudane lini ka vai, nai kaisu ngwalai ku tamatikurwane lini si kiragai. Kwi lalasu sa icengecenge kipakwalrialri, nai kaisu ulralrakai.

Mika 7:8

Badha nai asingithaanga dradrarane. Adravane tubakebake nai, lri ngidrakaaleana nai. Ki kikai yakai nai ki kadradridrimitane, ai ku Tamatama lri patarumara naiane ku ledra.

Matai 10:22

Ngwalai nakwane kai laumawmase lri kalisi numiane; ai kudra maka kiadili patulrepenge ku umawmase lri tara kipalribulu.

Yuhani 16:20

Lri pudriadriingadhaku pelaela numiane, lri tubi numi si karaleale, kai yakawmasane lai lri kiraraagai; lri kwalri kwi kidremedreme numi, ai kwi sakwalrialri ki kidremedreme numi lri akabalrithi asakiaragai.

Yuhani 7:7

Kai kawmasane kai lri kalisi numiane, ai maliisi nakwane, asi lwiyane kainaku watelrai putaluvaivai ku tangilisianane ki kakwakudhane lini.

Nisikawlane 5:33

Kudra yakai ki gikai ka lagiingi sa kilalranga kikai vaga, la kagirimucu turamuru, si la kalrithethe ku apapacadhane kwini ki lanisikawlane.

1 Kurintu 13:6

Kai madalame ki kai makalecege, madalame ki patengane ka sabulrwane sikakathane.

Nipadrelane 12:13

Kwini baralebale sa ngithathingale ka kiaverevere pikai lebe, matwase saladha ki twalalake ku sawvalai ka ababai.

Nipadrelane 13:14

Kwi waudriwdripi tarwamara ku lrekeme, la ikai cucubungu ki aswalaala ka waudriwdripi pia ku matiasamali, ngwalai kai la lrilrigili sanaka umawmase kai kawmasane. Kawariva ki yakawmasane ki umawmase ku apasikaiyane kudra ki kia aralrabu kadula ai panianianiakeana ka waudriwdripi pia tusamiamiange.

Nipadrelane 13:8

Ku sanaka umawmase kai kawmasane, sakaiyana bekace kai kawmasane kudra nagane la kai kiapacase pikai ki niake ka mibu kudra ki kiapapacai ka Lrulai ka Kiu, lri sukubu kwini ki waudriwdripi.

Nipadrelane 16:10

Ku mwasakalrima ka sasiakawlu belenge la malra kwini kisi si gugu pikai ki taetalane ki talialalai ki waudriwdripi. Ku dradrimitane la kirimu kabungu ki kuni ki waudriwdripi, ku umawmase la ngwalai ki takiangeangane takipakwalriane si ngikakacenga ku lridame lini.

Nipadrelane 3:10

Asi lwiyane paluludusu ku drekaseli, si patulrepenge kiadili, lakamani lu kelanga ku akwalriane kai kawmasane, lu kikilrialrialringaunga sanaka umawmase, lri palakebaku muswane.