Nipadrelane 10:6 - Ngudradreadrekadhane Ka Sisiu 魯凱語聖經

⁶ si papia ki amani ku wabekace belenge, kadaengane, laveke, si yakai adringi sanaka manemane ka palralrawthu panianiake ka Twaumase kiketekete iya kai, “Kai lri pwigananenga!

Nipadrelane 10:6 Iomraidhean Croise

Tabekacane 14:22

Ku Aberame la tubalre, “Lri papiaku ki Tamatama ka Abebeelengenga ka Twaumase, ka amani ka wabekace belenge si kawmasane si kiketekete,

Takatwasane Izipiti 20:11

Kunaku ka Tamatama yakaiyaku kai ki minakanemelane ka vai bekace kai belenge, lebe, laveke si lamaneemanenga, ai ikai ki samakapitulu la isadra. Lakamani, kunaku ka Tamatama swabulrubulrwaku ki Taisadrasadrane ka vai, si cegecege tusaniange ka vai.

Takatwasane Izipiti 6:8

Napwavagaku ki Aberahame, Isake, Yakubu, lakamani lri tara ilukaku liniane mwa kwini ki kadaengane, kwini kadaengane lri kamani ku tacekecekelane numi. Kunaku Tamatamaku.’ ”

Izikile 20:5

Papia liniane pelaela, kwaku ka abebeelengenga ka Tamatama ka amia kai: Sa pilriaku ki swa Iseraylri, nakiaketeketenga naku papia liniane; nayakainga naku Izipiti pelaela liniane, si kiketekete iya kai: Tamatamaku ka Twaumase numi.

Daniele 12:7

Kwini sasiakawlu belenge la cidingi ku drusa ku alrima, si papia belenge, pangukai ku nagane ki palralrawthu panianiake ka Twaumase kiketekete. Kialalraku ki lasu amia kai, “Lri taratulru ka caili si apararamau. Lu palikainga ku takihakegadhane ki kawkawlu ki Twaumase, kilakikai lri ngilribate patuelre.”

Taasipane 14:30

Napalraingaku paikai numiane kavai; ai kathane ka Kalebe si Yesua, kadrwa ku natangeanga kulri maka mudaane.

Nipadrelane 1:18

Palralrawthaku ikai! Nawapacainga naku, ai panianianiakenga naku kaiasasane, si ka palralrawthunga panianiake. Wagemegemaku kai sawsi ki apacadhane si swa swadriadringi.

Nipadrelane 12:12

Lakamani, kunumi ka swa subelebelenge si yakai kwini, nai kiraragai numi! Ai, kai kadaengane si laveke matisalregesege ki amatikurwane! Asi lwiyane kai Akema mailukunga ku girimucane si mulebe mwa numiane kwini, asi lwiyane ngiathathingale ka kai lri tarathaynunga ku vaini.”

Nipadrelane 16:17

Ku mwasakapitu ka sasiakawlu belenge la malra kwini kisi si gugu pikai belenge. La ikai ku akwadrau ka lingau ku twalai ki daane ki Twaumase ka taetalane ki Twaumase, iya kai, “Malrepengenga!”

Nipadrelane 21:6

Ku Twaumase la iyana kai nakwane, “Malrepengenga! Amaniaku ku Alepa si Umiga, ka sapathagili si satwalrepenge. Lri baadhaku paungulu vuutha ku berai ki niake ki makadhame ka umawmase.

Nipadrelane 4:10

Sakamani kwidra, kwi ta 24 ka laciwru, la icucubungu ki wanene ikai ki taetalane si amani kwidra panianiake palralrawthu guruthungane sukusukubu, kwi lalasu la malra kwi pagamucu lini sarare pikai cucubungu ki taetalane, si iya kai:

Nipadrelane 4:11

Tamatama nai, Twaumase nai! Swadalepesu tarumara ku lrigu, ku kiwsakenane, si puku ka lrekeme. Wabekacesu sanaka manemanenga; ku takibekacane ki sanaka maneemanenga, ala maka dulru panianiake, singikai ki takidremedremanesu patuelre.

Nipadrelane 4:9

Kwi supate ka panianianiake ka waudriwdripi wasenasenai ku lrigu, ku kiwsakenane, ku sakiaseasenane ka senai, patarumaramara ki wanene itaetalane, ka amani kudra palralrawthu panianiake.

Nipadrelane 6:11

Kwi lalasu la tarumara makanaelre savavaeva ku lrawlrapungu ka laimai, la kilalra ku vaga ku peaelaela liniane, ku aisadrane lini padaalru, ukalava pakela kudra ki redelane lini kawaungu pasikai ki Tamatama si kudra laretesane ku lrika angimiane liniane kipapacai, si padarurunga ku atathane ku umawmase.