Nipadrelane 1:8 - Ngudradreadrekadhane Ka Sisiu 魯凱語聖經

⁸ Yakai kunadruma, la ikai kaikameane, lubibilrili lai lri ikai palralrawthu ka Tamatama ka sapupukuanenga ka Twaumase amia kai, “Alepaku, ka sapathagili, Umigaku, ka satwalrepenge!”

Nipadrelane 1:8 Iomraidhean Croise

Tabekacane 17:1

Ku Aberame satara 99 ku cailini yai, ku Tamatama adrelane iniane. La iya kai, “Amaniaku ku wadulru sanaka manemane ka Twaumase. Lri pasalaladhasu nakwane, kamani ku twakapatengatengaane ka mwalecege ka umawmase.

Tabekacane 28:3

Ku wadulru sanaka manemane ka Twaumase ani subulrubulru ki akarudranganesu, la tulalake tuthathatha, si acucungulane ki taikaalra ki minzuku!

Tabekacane 35:11

Ku Twaumase amia kai iniane, “Amaniaku ku wadulru sanaka manemane ka Twaumase; lri baadhaku muswane ku mapapapangale ku lamwabaibalrithi. Lrika taikaalra ku kuni ku lri twalai ki lamwabaibalrithi muswane ngiradhekane; lri kamanisu ku tatwaladhane ki latalialalai.

Tabekacane 43:14

Ku wadulru sanaka manemane ka Twaumase ani pakakalithi numiane ki lasu, lani tara pasiwlri ki Biniyamingi si tangea ka betakaneini. Ala kunaku, alaiyasi lri kaulrasaku ku lalake, kiavanga ku angimiane!”

Tabekacane 48:3

Ku Yakubu la pelaela ki Yusepe, “Ku wadulru sanaka manemane ka Twaumase nayakai Kanange kadalranane ka Luze adrelane nakwane, subulrubulru nakwane.

Tabekacane 49:25

Amani ku Twaumase ki tamasu ka paralubu muswane, ku wadulru sanaka manemane ka Twaumase swabulrubulru muswane. Wabaai muswane ku twalai subelebelenge ku udale, ku berai twalai ki kadaengane, twaredelane ku lwange rigi, kapangale ku lamwabaibalrithi.

Takatwasane Izipiti 3:14

Ku Twaumase la iya kai, “Amaniaku kudra pathagilane si satwalrepenge ka magagemegeme. Lu mwa pelaela liniane, ‘Kwidra sia pathagilane si satwalrepenge ka magagemegeme siakawlu nakwane kela kai.’

Takatwasane Izipiti 6:3

ka amani ku wadulru sanaka manemane ka Twaumase. Adrelanengaku ki Aberahame, Isake, Yakubu. Ai, kadrwana ku takirimwaneli pelaela liniane kikai saniange ka naganeli ka Tamatama.

Isaiya 41:4

Aneane ku pangiamia kikai? Aneane ku twaringaringau ku apapiane ki lrikisi? Kwaku ka Tamatama twalai ki sapathagili yakainga naaku kwini, ikai ki satwalrepenge la mialriaku ikai kwini!

Isaiya 43:10

Iseraylri, amani numi kulri siwmi nakwane; wapilriaku numiane ka sasiakawluli, ku lrika athingalane numi nakwane, kipawtenga nakwane, thingale nakwane ka vaeva ka Twaumase. Kathanaku, kadrwa ku drumane ku Twaumase; ku ngialribatenga kadrwa, lukabibilrili la mialri kai lri ikai.

Isaiya 44:6

Ku Tamatama ka talialalai ki swa Iseraylri, abebeelengenga ki sanaka kwapingi ka Takipalribulribulane amia kikai: Amaniaku ku sapathagili, amaniaku ku satwalrepenge; kathanaku kadrwanga ku drumane ku twaumase.

Isaiya 48:12

Yakubu, kilalra kai aiyaneli! Pilrili ka swa Iseraylri, kilalra! Twaumasaku, ka sapathagili, ka satwalrepenge; kathanaku ka Twaumase!

Isaiya 9:6

Yakai ku vaeva ku lrulai ku pasiakai mitane kitulalake! Yakai ku vaeva ka lalake ka sawvalai lri patarumara baai mitane! Kwi lasu lri kela rathudu mitane. Kwi lasu lri kipasi, “Matiasamali ka tarabulrubulru”, “Wadulru sanaka manemane ka Twaumase”, “Palralrawlrawlrawthu ka Tama”, “Rathudane ka talialalai,”

Taasipane 24:4

maka kialalra ka tumana amia ku vaga ki Twaumase. Yakaiyaku ki mia ki sipi lengethe drele, kwini maburusi ka twalai ki wadulru sanaka manemane.

2 Kurintu 6:18

Lri a Tamaku numiane; lai ka lalalakeli numiane. Kikai vaga yai amaniaku ka sapupukuanenga ka Tamatama ka amia.

Nipadrelane 1:11

“Ku drelesu pacasa, ala alra kikai nibalrulane ka hungu si pakatwase baai ki swa Ipisu, Semirena, Peregamu, Tiatira, Saradi, Piladilapia si swa Lawdikia ka pitu ka kiwkai.”

Nipadrelane 1:17

Sa drelaku iniane, la gurapanganaku ikai cucubungu ki drapaleini, si mia ki wapacai ka umawmase. Kwi lasu la arakai ku vanaleini ansu nakwane, si iya kai: “Madha ukuludru! Amaniaku ku sapathagili, si satwalrepenge.

Nipadrelane 1:4

Kwaku ka Yuhani watigamiaku baai ki swa tali Asia ka talupitulu ka kiwkai: Kudra amani ka yakai kunadruma, la ikai kaikameane, lubibilrili lai lri ikai palralrawthu ka Twaumase, si kudra yacucubungu ki taetalaneini ka pitu ka Ri, si kudra lataraakasi pakaelre ku kidremedreme, ka aswalaalanga twalai ki wapacai si sielane panianiake, ka warathudu ki latalialalai kawmasane ka Yesu Kirisitu, ani baai numiane ku migemi, ku sulivatane! Kwi lasu madalame mitane, pasiakai mitane ngicacilri si tueraerai, la patwalai ki pasalrivane pulatadre mitane,

Nipadrelane 11:17

la iya kai: Kunadruma, si kaiasasane ka Tamatama ka sapupukuanenga ka Twaumase! Kiaseasene nai muswane; asi lwiyane arakaisu ku maadrau ku puku, rathudu.

Nipadrelane 15:3

La senasenai ku senai ki sasiakawlu ki Twaumase ka Musi si senai ki Lrulai ka Kiu iya kai: Tamatama ka sapupukuanenga ka Twaumase, ku takaunganesu ala matiasalru si matisamali turamuru! Talialalai ki sanaka kuni, ku kadalrananesu ala patengane ka mwalecege!

Nipadrelane 16:14

Kwi lalasu amani kudra ri ki Akema, wadulru pia ku matiasamaimali. Kilakikai ngialisiane ka ri matwase silape ki talialalai kai kawmasane, si malra sarubu pataelre liniane, si padulrudulru ku akikaruburane ikai kudra ki maadrau ka vai ki sapupukuanenga ka Twaumase.

Nipadrelane 16:7

La kilalra naku ku twalai ki tapatarumaramarane ku lingau ku amia kai, “Tamatama ka sapupukuanenga ka Twaumase! Ku tasaibanganesu tengatengaane ka madringelrese!”

Nipadrelane 19:15

Twalai ki ngudwini putaluvaivai ku vaeva ku marangisi ka dramu; kwi lasu lri arakai kikai dramu pamalebe ki lakuni. Kwini lasu lri arakai ku adreme ka ukudru rathudu liniane, si lai lri pe ku makecenge ka bava ikai ki tapepeane ka elathane ka bava ki sapupukuanenga ka Twaumase.

Nipadrelane 19:6

La kilaalra naku ku mia ki twalai ki laumawmase ku lingau, ku elrange mia ki maadrau ka tuturu si dreredrere, iya kai, “Haliluya! Asi lwiyane ku Tamatamata ka sapupukuanenga ka Twaumase atalialalainga!

Nipadrelane 2:8

“Kusu tigamia si baai ki sasiakawlu belenge ki Semirena ka kiwkai, iya kai: “Kudra amani ku sapathagili si satwalrepenge, wapacai si la siela panianiake, amia kai kawriva:

Nipadrelane 21:22

Ikai ki cekele kainaku wadrele ku yakai ku daane ki Twaumase, asi lwiyane ku Tamatama ka sapupukuanenga ka Twaumase si Lrulai ka Kiu amani ku daane ki Twaumase kikai ki cekele.

Nipadrelane 21:6

Ku Twaumase la iyana kai nakwane, “Malrepengenga! Amaniaku ku Alepa si Umiga, ka sapathagili si satwalrepenge. Lri baadhaku paungulu vuutha ku berai ki niake ki makadhame ka umawmase.

Nipadrelane 22:13

Amaniaku ku Alepa si Umiga, ka aswalaalanga si abibiilrilinga, ka sapathagili si satwalrepenge.”

Nipadrelane 4:8

Kwini supate ka panianianiake ka waudriwdripi, eneme ku sapakepake lini makanaelre, ku taiadringane ku taibelengane swaete ku maca. Kwi lalasu la pivai pimaungu senasenai kai idrengedrengere iya kai: Sanianiangenga! Sanianiangenga! Sanianiangenga! Tamatama ka sapupukuanenga ka Twaumase, yakai sakanadruma, la ikai kaiasasane, lubibilrili lai lrika palralrawthu ikai!