Nipadrelane 1:7 - Ngudradreadrekadhane Ka Sisiu 魯凱語聖經

⁷ Drela! Ngwakaikai ki ememe kainganai! Lri drele sanaka aneanenga iniane, adravane kudra waculrulu iniane kudra laumawmase lri mialri drele iniane. Kwi lasu lu kela, kai kawmasane sanaka umawmase lri pasikai iniane tubi. Ki kikai lri tara ngimia! Amingi.

Nipadrelane 1:7 Iomraidhean Croise

Yubu 33:26

Kwi lasu lu inulri, ku Twaumase lri pukawnu; kwi lasu lri kiraragai ku kidremedreme sukubu ki Twaumase; ku Twaumase lri siwlriwlriane makakadalru iniane.

Lasenai 22:16

Ku lamanganganga yaelrelre si lringulu nakwane, mia ki makalrakalra ka talilisi ka tawpungu upupungu nakwane; kwi lalasu wathirace ki alrimali si drapaleli.

Lasenai 68:1

Ku Twaumase ngiadrakale saladha pathirakupu ki labadhaini; ku malisilisi iniane ku umawmase twalai cucubungu iniane mawbebere makanaelre.

Lasenai 97:2

Ku makecege ka ememe, ku dradrimitane yakai ngithalringulu iniane; ku dringelresane, ku aparamaramavane yai karwalai ki kunini.

Isaiya 19:1

Kai lebenga ngwakai ki swa Izipiti ka vaga. Ku Tamatama ngwakai ki mariaridare ka ememe kela mwa Izipiti. Ku samiamiange ki swa Izipiti ikai cucubungu iniane manwagiligili; ku laumawmase ki swa Izipiti maulrau ku garangane.

Daniele 7:13

Ikai ki maungu ki maburusi, wadrelaku ku vaeva ku mia ki Lalake ki Umawmase, ngukakaikai ki ememe kainganai. Kwi lasu kiaililuku mucucubungu kudra ki palralrawthu ikai,

Nahumu 1:3

Ku Tamatama kai lri kaelaelathe capange, ai maadrau turamuru ku puku; lutumane kai lri tukakadrwa ku pasalrivane ki yakai ku pasalrivane. Ku tadadavacane ki Tamatama, makecenge ku valrigi; ku ememe la athuvugu ki tapudrapalaneini!

Zakaria 12:10

“Ki lamwabaibalrithi ki Davidi si drumane ka laumawmase ka yakaikai Yerusalrime, kwi lalasu lri pasueteaku ku kalithane si inulri ka ri. Kwi lalasu lri drele paswabelenge kudra ki culrulu lini si alra papacai kwini ki lasu, lai tubi iniane, mararaamau kudra ki wapacai ku vaeva ka lalake; kwi lalasu lri kwalri tubi turamuru, mia kudra ki maulrase ku takatakanga ka sawvalai ka lalake.

Zakaria 12:11

Ikai kwini ki vai, ku Yerusalrime lri tubi kwalri ku kidremedreme mia ki yakaai dratane Migidu ka swa Hadade Rimungu ku takwalriane tubi.

Taasipane 24:17

Pwadailaku drele kwini ki bilrilane; wadrelaku ki kuni ki swa Iseraylri. Yakai ku vaeva ku waleedra ka tariau twalai ki Yakubu mutaluvaivai; Yakai ku tangea ku talialalai twalai ki swa Iseraylri acegecege. Lri tatuithi ki latarasangililuku ki swa Muabe, si paukadrulu demedeme ki umawmase ki swa Sethe.

Matai 16:27

Ku Lalake ki Umawmase lubibilrili lri ikai ki lrigu ki Tamaini, si karededele ki sasiakawluini subelebelenge kainganai. Lu kamani kwidra, kwi lasu lri singikai ki kakwakudhane ki tangeea pangibilri iniane.

Matai 16:28

Nau pudriadriingai pelaela numiane, ku acegecege ikai kai ku umawmase, yakai kai lu kaiyana pacai lri dreleana ki Lalake ki Umawmase lu mulebe mwa liniane si magagemegeme ku puku.”

Matai 24:30

Lukamaninga kwidra, ku sapatuthingalane ku akelane ki Lalake ki Umawmase lri adrelane ikai belenge. Kai kawmasane sanaka zuku si umawmase lri tubi makanaelre; kwini lalasu lri drele ki Lalake ki Umawmase ku kiasuete ki puku si lrigu la ngukaikai ki ememe mulebe.

Matai 25:31

“Lu atalialalainga ku Lalake ki Umawmase, si kainganai karededele ki sasiakawlu belenge, kwini lasu lri nene ikai ki lrigu ka taetalane;

Matai 26:64

Ku Yesu la tubalre iya kai, “Kikai yai amanisu ka amia. Ai nau pelaela numiane, twalainga kikai, lri drele numi ki Lalake ki Umawmase ku wanene ikai tali vanale ki sapupukuanenga, si ngukaikai ki ememe kainganai mulebe!”

Maruku 13:26

Lu kelanga ku vai, ku Lalake ki Umawmase lri adrelane, si kisuete ku puku si lrigu lalri ngukai ki ememe mulebe.

Maruku 14:62

Ku Yesu la tubalre, “Amaniaku! Lri drele numi makanaelre ku Lalake ki Umawmase wanene ivanale ki sapupukuanenga, si ngukakai ki ememe mulebe!”

Luka 21:27

Lukamani kwidra, ku Lalake ki Umawmase lri mutaluvaivai, si kisuete ku puku si lrigu ngukakai ki ememe kela mulebe.

Yuhani 19:34

Ai, yakai ku tangea ku kwapingi ku ara idiri culrulu pakai ki tali cigianeini, la makakaai kainganai mwaludru ku erai ka acilai.

Yuhani 19:37

La ikaiyana ku taiyane kai ki Sisiu, “Kwi lalasu lri paswabelenge drele kudra ara idiri lini culrulu ka umawmase.”

1 Tisaruniki 1:10

la sidramadrama ki Lalakeini ka Yesu Kirisitu twalai belenge si mulebe. Kikai Yesu amani kwidra pasiela ki Twaumase patwalai ki wapacai, amani ku pakiadaili mitane ku naika akelane ku sakaelaelane ki Twaumase.

1 Tisaruniki 4:17

lai pacungulu, kuta ka la panianianiakeana ka umawmase lai ikaita taelre liniane si kiiluku pwa ki ememe, ikai belenge lai madredresengeta ki Tamatama. Twalainga kwini, laika apalralrawthungata taelre ki Tamatama.

Hiburu 10:29

Si kudra, pangukai ki siadrekase ki Lalake ki Twaumase, twatikiane ki Twaumase ku sakiketeketane ku erai, kaamani kudra wabula ki pasalrivaneini ka erai, si kudra twasinalreme ki migemi ka Ri, ku miyaiya kwini ku umawmase lai tumane pathavungu iniane? Kidremedrema, kai lrika mapakilrialringau ku akipathavunganeini?

Hiburu 6:6

ai kiadailiana ki madringelrese ka kadalranane. Kikai miyaiya kai ku umawmase kaika adulrwanenga pasiwlriwlri liniane, si ngitatupela; asi lwiyane kai lalasu peaeelanga kedrekedre pwa ki ziwzika ki Lalake ki Twaumase, padredrele pakiarubwane iniane.

1 Yuhani 3:2

Nikathalradhane ka latalrailragi, kikainga amaningata ku lalalake ki Twaumase, lukabibilrili lrika ngitwatumane, kaiyana athingalane. Ai, wathingaleta, lu utaluvaivainga ku Yesu, lrika ngimiyaiyata iniane makanaelre, asi lwiyane lri dreleta ku tangimiamianeini.

Yuda 1:14

Ku saka ngusipitulanenga ka lamwabaibalrithi ki Adame ka Inuke, papia kai ki lalasu yakainga ku tasakaladhaneini pelaela, amia kai, “Drela, ku Tamatama lri iluku ki tathathatha ki sasiakawlu belenge karedele kainganai.

Nipadrelane 22:20

Kudra amani ku pasiakai kikai patuelre pelaela yai amia kai, “Unu, lri kelanga naku!” Amingi, Tamatama ka Yesu! Bwala kela!

Nipadrelane 22:4

Kwi lalasu lri mwa drele ki Twaumase, ku naganeini lai lri pacase pikai ki punu lini.

Tamagarange 5:31

Tamatama, ku labadhasu ani ka thadalrane kamudu makanaelre! Ku latalrailagisu ani mia ki vai thelare! Kikwini swakai kwini la kasulivalivatenga taramasupatele ka caili.