Nipadrelane 1:4 - Ngudradreadrekadhane Ka Sisiu 魯凱語聖經

^4-5 Kwaku ka Yuhani watigamiaku baai ki swa tali Asia ka talupitulu ka kiwkai: Kudra amani ka yakai kunadruma, la ikai kaikameane, lubibilrili lai lri ikai palralrawthu ka Twaumase, si kudra yacucubungu ki taetalaneini ka pitu ka Ri, si kudra lataraakasi pakaelre ku kidremedreme, ka aswalaalanga twalai ki wapacai si sielane panianiake, ka warathudu ki latalialalai kawmasane ka Yesu Kirisitu, ani baai numiane ku migemi, ku sulivatane! Kwi lasu madalame mitane, pasiakai mitane ngicacilri si tueraerai, la patwalai ki pasalrivane pulatadre mitane,

Nipadrelane 1:4 Iomraidhean Croise

Lasenai 90:2

Kai lalregelrege sakaiyana kibekace, kai kadaengane si kawmasane sakaiyana ngidarepe, twalai ku nadrumadrumadruma pakela palralrawlrawlrawthu, amanisu ku Twaumase.

Takatwasane Izipiti 3:14

Ku Twaumase la iya kai, “Amaniaku kudra pathagilane si satwalrepenge ka magagemegeme. Lu mwa pelaela liniane, ‘Kwidra sia pathagilane si satwalrepenge ka magagemegeme siakawlu nakwane kela kai.’

Isaiya 11:2

Ku Ri ki Tamatama lri mulebe ikai ki kinawmasaneini, si patarumara baai iniane ku thingalane si lrigilane, lri patarumara baai iniane ku thingalane kikake si puku, lri patarumara baai iniane ku tathingalane si usakenane ukuludrane ki Tamatama ku kidremedreme.

Isaiya 41:4

Aneane ku pangiamia kikai? Aneane ku twaringaringau ku apapiane ki lrikisi? Kwaku ka Tamatama twalai ki sapathagili yakainga naaku kwini, ikai ki satwalrepenge la mialriaku ikai kwini!

Isaiya 57:15

“Kwaku ka sabebelengenga, ka saniange ka Twaumase; palralrawthaku ikai. Yakaiyaku ki abebeelengenga ka saniange, ai mialriaku ikai ki kiangeangeange ngitatasiwlriwlri si ngitatupela si ngiatatwalebe ka umawmase. Kudra ki ngiatatwalebe ku umawmase lri pasiwliwlianaku ku salrwane ku kidremedreme, ku kiangeange ngitatasiwlriwlri si ngitatupela ku umawmase lani malra ku sasiadradrama.

Mika 5:2

Ku Tamatama amia kai, “Swa talikai Iparathe ka Bithelrihime, ikai ki cekele ki swa Yuda vaevasu ka tikiyane ka cekele. Ai lri patwaladhaku muswane kwini, pasikai ki swa Iseraylri pilri si pacegecege ku tangeea kulri rathudu; ku tatwaladhane ku daaneini sakwa ka talialalai kunadruma.”

Zakaria 3:9

Lri pikaiyaku cucubungu ki Yesua ku vaeva ka tinukucingalrane ka lrenege, kikai tinukucingalrane ka lrenege pitu ku lringau, lri papacasaku kai ki tinukucingalrane ka lrenege. Lri ikaiyaku ki minakavavaalane ka vai si mwalra ku pasalrivane kai ki kadaengane. Kikai yai pelaela ki Tamatama ka abebeelengenga ki sanaka kwapingi.

Zakaria 4:10

Kwi lalasu masulri, asi lwiyane ngiabalai turamuru kwi takaungane, ai lu drele ki Zerubabele ka pacungucungulu tudaane kwi daane ki Tamatama, kwi lalasu lri kiraragai.” La iya kai nakwane ku sasiakawlu belenge, “Kai pitu ka tinaki maru pitunga ka maca ki Tamatama, ka wadredredrele kai kawmasane palraelre.”

Zakaria 6:5

Kwi lasu la tubalre, “Kikai yai supate ka valrigi, ka tau twalalai cucubungu ki Tamatama ki kiacaebe ki belenge kainganai.”

Yuhani 1:1

Sa kaiyana kibekace kai lepawngane, kai Vaga yakaiinga. Kai Vaga si Twaumase matatapalra; kai Vaga yai Twaumase.

Nisikawlane 19:10

Kikai miyaiya kaika awngane la pacungulu tara drusa ka caili, ngwalai kikai, sanaka yakai Asia ku umawmase, anika swa Yuda ka sakamaelanane ka umawmase, kialalra ku vaga ki Tamatama makanaelre.

Nisikawlane 2:9

Ikai mitane yakai kai swa Parethia, Media, si swa Ilame; la ikai kai twalai Mesuputamia, Yuda, si Kapadukia; la ikai ki twalai Puntu si Asia,

Ruma 1:7

Wapacasaku sukubu numiane makanaelre ka yakai Ruma, ka kilibake ki Twaumase, ka nipilriane ka lrika kawkawluini. Ku migemi si sulivatane ki Tama ka Twaumase si Tamatama ka Yesu Kirisitu ani baai numiane.

1 Kurintu 1:3

Ku Tamaita ka Twaumase si Tamatama ka Yesu Kirisitu ani baai numiane ku migemi si sulivatane!

2 Kurintu 1:2

Ku migemi si sulivatane ki Tamaita ka Twaumase si Tamatama ka Yesu Kirisitu ani baai numiane.

Hiburu 13:8

Ku Yesu Kirisitu, adravane kwiya, adravane kaikameane, pakela lumamilringi, thadaalrane.

Yakubu 1:17

Patuelre kai mathariri kai lamanemane si makaelaela ka kiatulrepenge ka nibaadhane ka akaesadhane twalai subelebelenge patuelre, ka twalai ki Tama ka yabelenge; amani ka wabekace sanaka leedra. Ku Twaumase kai lri akabalrithi, la kakadrwa ku tangibangulane ngivelevele ka alalingu.

Nipadrelane 1:1

Kikai hungu wapacase ku tapelaelane ki Yesu Kirisitu. Ku Twaumase peaelaela iniane, ku lrika apelaelaneini ki lasasiakawlu ki Twaumase ku lrika angimiane kai ki kaika atarathainwanenga ka vai. Ku Kirisitu siakawlu ki sasiakawlu belenge si padrele ki sasiakawluini ka Yuhani kilakikai.

Nipadrelane 1:11

“Ku drelesu pacasa, ala alra kikai nibalrulane ka hungu si pakatwase baai ki swa Ipisu, Semirena, Peregamu, Tiatira, Saradi, Piladilapia si swa Lawdikia ka pitu ka kiwkai.”

Nipadrelane 1:17

Sa drelaku iniane, la gurapanganaku ikai cucubungu ki drapaleini, si mia ki wapacai ka umawmase. Kwi lasu la arakai ku vanaleini ansu nakwane, si iya kai: “Madha ukuludru! Amaniaku ku sapathagili, si satwalrepenge.

Nipadrelane 1:20

Ku drelesu, kikai yavanale nakwane ka pitu ka tariau si pitu ka kingi ka tatinakiane ku patharevane ka kaika athingalane ka matiasamaimali miyaiya kikai: Kwi pitu ka tariau yai sasiakawlu belenge ki pitu ka kiwkai; kwi pitu ka tatinakiane amani kwini pitu ka kiwkai.”

Nipadrelane 1:8

Yakai kunadruma, la ikai kaikameane, lubibilrili lai lri ikai palralrawthu ka Tamatama ka sapupukuanenga ka Twaumase amia kai, “Alepaku, ka sapathagili, Umigaku, ka satwalrepenge!”

Nipadrelane 1:9

Yuhaniaku ka retesane numi. Yakaiyaku adringi ki Yesu si kisapalrapalra ku akwalriane, taelre kiadili, si kisupilri ku pukuini. Pakai ku apelaelane paswadrau ku vaga ki Twaumase si ku pelaela ki Yesu ka patengane ka sabulrwane, nakiaemengenga naku ikai vuvugu ki laveke ka sia Patemuse.

Nipadrelane 16:5

Kialalraku kwidra taramarasikaikai ki acilai ka sasiakawlu belenge amia kai, “Sanianiangenga kunadruma si kaiasasane! Amanisu ku madringelrese ka tarasaibaibange.

Nipadrelane 2:12

“Kusu tigamia si baai ki sasiakawlu belenge ki Peregamu kiwkai, iya kai: “Kudra piakai ku maecebe ka taadremane ka marangisi ka dramu, amia kai kawriva:

Nipadrelane 2:18

“Kusu tigamia si baai ki sasiakawlu belenge ki Tiatira kiwkai, iya kai: “Lalake ki Twaumase, ka amani kudra mia ki wakelrakelrakelrabe ka apwi ku maca, ku drapale mia ki niurathane ka lriwlu ku ledrane, amia kai kawriva:

Nipadrelane 2:8

“Kusu tigamia si baai ki sasiakawlu belenge ki Semirena ka kiwkai, iya kai: “Kudra amani ku sapathagili si satwalrepenge, wapacai si la siela panianiake, amia kai kawriva:

Nipadrelane 22:16

“Kwaku ka Yesu siakawlaku ki sasiakawluli belenge, ikai ki sanaka kiwkai pelaelaela numiane kilakikai. Amaniaku ku mwabaibalrithi ki tai Davidi; amaniaku ku malealedra ka sapakataleare.”

Nipadrelane 22:8

Kwaku ka Yuhani kialalrangaku si drelengaku kilakikai patuelre. Sadrelenga naku, kilalranga naku, la gurapanganaku icucubungu ki peaelaela nakwane kilakikai ka sasiakawlu belenge sukubu iniane.

Nipadrelane 3:1

“Kusu tigamia si baai ki sasiakawlu belenge ki Saradi kiwkai, iya kai: “Kwini yakai ku pitu ka Ri si pitu ka tariau ki Twaumase, amia kai kawriva: Wathingalaku muswane patuelre; wathingalaku yakai kwi umawmase kwi panianianiakeana amia muswane, ku patengatengane wapacaisu!

Nipadrelane 3:14

“Kusu tigamia si baai ki sasiakawlu belenge ki swa Lawdikia kiwkai, iya kai: “Kudra amani ku ‘Amingi’, ka taraakasikasi ka patengane ku kidremedreme kudra amani ku tatwaladhane bekace ka Twaumase, amia kai kawriva:

Nipadrelane 3:7

“Kusu tigamia si baai ki sasiakawlu belenge ki swa Piladilapia kiwkai, iya kai: “Kudra amani ku saniange si ka patengatengane, ka magagemegeme ku sawsi ki Davidi, sana muelebe kadrwanga ku umawmase ku lri dulru elebe, sana elebe ku lrawlrawdru la kakadrwa ku umawmase ku lri dulru muelebe, amia kai kawriva:

Nipadrelane 4:5

La lrikace, siange, si dreredrere twalai ki taetalane. Pitu ku nipadaladhane ku taliwlare icucubungu ki taetalane; amani kudra pitu ka Ri ki Twaumase.

Nipadrelane 4:8

Kwini supate ka panianianiake ka waudriwdripi, eneme ku sapakepake lini makanaelre, ku taiadringane ku taibelengane swaete ku maca. Kwi lalasu la pivai pimaungu senasenai kai idrengedrengere iya kai: Sanianiangenga! Sanianiangenga! Sanianiangenga! Tamatama ka sapupukuanenga ka Twaumase, yakai sakanadruma, la ikai kaiasasane, lubibilrili lai lrika palralrawthu ikai!

Nipadrelane 5:6

La pacungulaku drele kudra ki taetalane ka ngiathalringulu ki supate ka panianianiake si laciwru, ku Lrulai ka Kiu la ikai acegecege. Kwi Lrulai ka Kiu mia ki nakiapapacainga, yakai ku pitu ku lawngu, laka pitu ku maca, amani kudra pitu ka Ri ki Twaumase, ka kiasikawlu mwalebe sanaka inunga.

Nipadrelane 8:2

Ala kirimwa ku drele ku acegecege ikai cucubungu ki Twaumase ka tapitu ka sasiakawlu belenge; kwi lalasu tarwamara ku pitu ku rapa.