Nipadrelane 1:16 - Ngudradreadrekadhane Ka Sisiu 魯凱語聖經

¹⁶ Ku vanale ku alrimaini waecenge ku pitu ku tariau, ku ngudwini la upa ku vaeva ka maecebe ku taadremane ka marangisi ka dramu. Ku lringauini mia ki mwalringedele ka ledra ki vai.

Nipadrelane 1:16 Iomraidhean Croise

Yubu 38:7

Kwini ki vai, ku latariau ki malialiare masiasilange senai; ka belenge ku lalalake ki Twaumase mialri kiraragai makanaelre.

Lasenai 45:3

Saniange ka talialalai, silrabwa; swaete muswane kwi lrigu matisalru.

Senai 6:10

Kwini mia ki walrawlrau lu masiasirare drele yai aneane? Kwi alisu paledra ki umawmase, mia ki dramare ku tharirane! Mia ki vai ku ledrane! Mia ki watilibi ka kalralradha athingaalane!

Isaiya 11:4

Kwi lasu lri arakai ku aparamaramavane palakebe ki matiakukuru;. Kwi lasu lri palakebe ku akaesadhane ki kwalrialrialri ka kadrwa ku paralubu. Kwi lasu lri drekase pathavungu ki pasalriu ka umawmase; kwi lasu lri pathavungu si papacai ki manganga ka umawmase.

Isaiya 24:23

Ku dramare lri kadradrimiti, ku vai lai lri kakadrwa ku ledra. Asi lwiyane ku Tamatama ka abebeelengenga ki sanaka kwapingi lri ikai Yerusalrime, lri ikai Ziyungu lregelrege magagemegeme ku puku; ku la tarasangililuku ki cekele lri drele makanaelre ku lriguini.

Isaiya 49:2

Ku Twaumase pangiamia ki dramu kai vagali; ngiakakamani ka palakebe nakwane. Ku Twaumase wabekace nakwane pangimia ki rangirangisi ka lraili, si lri dulru ngisasingikai pakaduai ku alrailane.

Daniele 12:3

Ku ngiathingale ka latarasangililuku lri tupapalra ki tatwaladhane ki ledra masiasilange ledraedra. Kudra la wabulrubulru ki laumawmase ku akadringelresane, lri mia ki latariau palralrawthunga ledra.

Daniele 8:10

Kudra pukuini madrau ka lri dulru kikaruburu ki kwapingi belenge si latariau, si verevere kudra ki la drumane ki kwapingi belenge si tariau pwa kai lebe, la dredre iniane.

Malaki 4:2

Ai papia numiane ka la mwasakene mukuludru nakwane, lri ikai ku palribulu ka vai ku lri paledra numiane, lri sulrau pawdringai numiane. Lri ngimia numi kudra ki twalai ki niravadrane ka talwangane si kipulatadre ka tikiyane ka lwange itituku, si kiraraagai.

Matai 17:2

Ikai cucubungu liniane, ku Yesu la akabalrithi ku tangimiamianeini: Ku lringawini mia ki vai ku taledrane, ku laimai ku takapuliane mia ki ledra.

Nisikawlane 26:13

Talialalai, salri ikaai kau mwalringedele, sa ikaiyaku kadadalranane wadrelaku ku sivale ka ledra, ka silrialribateana ki vai ka ledra, twalai belenge paledra nakwane si ngithalringulu kudra ki papalrali.

Ipisu 6:17

Kunumi sitalrupuna arakai ku sapalribulane ki Twaumase, la arakaiya ku vaga ki Twaumase ka dramu ka baai ki Siri.

Hiburu 4:12

Ku vaga ki Twaumase mapapidiki ka yakai ku angimiane. Marairangisi ki dramu, adravane ka ri si abake, ka pararegeregane si lusu, wadulru pwadringi culrulu. Wadulru thingale ku urikai si takidremedremane ki kidremedreme ki umawmase.

Nipadrelane 1:20

Ku drelesu, kikai yavanale nakwane ka pitu ka tariau si pitu ka kingi ka tatinakiane ku patharevane ka kaika athingalane ka matiasamaimali miyaiya kikai: Kwi pitu ka tariau yai sasiakawlu belenge ki pitu ka kiwkai; kwi pitu ka tatinakiane amani kwini pitu ka kiwkai.”

Nipadrelane 10:1

La dreelenga naku ku tangea ku maadrau ku puku ka sasiakawlu belenge ku twalai belenge mulebe. Kwi lasu siapalimemelre ku kwakulavane ka ememe, ku belenge ki awlru yakai ku sivale ku balrilawlau; ku lingauini mia ki vai, ku drapale mia ki apwi ka ulrudru.

Nipadrelane 12:1

Kikai kwidra, kai belenge adrelane ku vaeva ku maadrau la matisamali ku tangimiane: Yakai ku tangea ku ababai ku siapalimemelre ki vai, ku drapale la dredre ki dramare, la sipagamucu ku yakai ku 12 ku tariau ka pagamucu.

Nipadrelane 19:15

Twalai ki ngudwini putaluvaivai ku vaeva ku marangisi ka dramu; kwi lasu lri arakai kikai dramu pamalebe ki lakuni. Kwini lasu lri arakai ku adreme ka ukudru rathudu liniane, si lai lri pe ku makecenge ka bava ikai ki tapepeane ka elathane ka bava ki sapupukuanenga ka Twaumase.

Nipadrelane 19:21

Kudra kwapingi lini kiapapacai demedeme ki twalai ki ngudui ki ngwarigirigi ku lrawlrapungu ka rigi utaluvaivai ka lrabu; sanaka adhadhame la kainganai ngipalai, si kane eleme ku beate lini.

Nipadrelane 2:1

“Kusu tigamia si baai ki sasiakawlu belenge ki Ipisu ka kiwkai, iya kai: “Kudra amani ku waecenge pavanale ku pitu ka tariau, si ikai kabicelrakane ki pitu ka kingi ka tatinakiane dadadavace, amia kai kawriva:

Nipadrelane 2:12

“Kusu tigamia si baai ki sasiakawlu belenge ki Peregamu kiwkai, iya kai: “Kudra piakai ku maecebe ka taadremane ka marangisi ka dramu, amia kai kawriva:

Nipadrelane 2:16

Lakamani, kusu ngitatupela, lu kaisu ngitatupela, lri makakaiyaku kela, si arakai kai yakai ki nguduili kai dramu si kikaruburu kai ki laumawmase.

Nipadrelane 3:1

“Kusu tigamia si baai ki sasiakawlu belenge ki Saradi kiwkai, iya kai: “Kwini yakai ku pitu ka Ri si pitu ka tariau ki Twaumase, amia kai kawriva: Wathingalaku muswane patuelre; wathingalaku yakai kwi umawmase kwi panianianiakeana amia muswane, ku patengatengane wapacaisu!

Tamagarange 3:16

Ku Ihude la tulrabu ku dramu ka lrabu, ku lragiane pararamau ka mituru, la pakerenge pikai ki vanale ki drapale, si balai pitaiadringane ki laimai,

Tamagarange 5:31

Tamatama, ku labadhasu ani ka thadalrane kamudu makanaelre! Ku latalrailagisu ani mia ki vai thelare! Kikwini swakai kwini la kasulivalivatenga taramasupatele ka caili.