Nipadrelane 1:15 - Ngudradreadrekadhane Ka Sisiu 魯凱語聖經

¹⁵ ku drapaleini mia ki nithalethalane si niurathane ka lriwlu ku ledrane; ku lingauini mia ki siange ki tuturu ka acilai.

Nipadrelane 1:15 Iomraidhean Croise

Lasenai 93:4

Ku Tamatama yakai belenge rathurathudu, si drepete ki siange ki telebe, akaci ki bikabiki ki laveke.

Isaiya 17:13

Ku tagagarange ka kuni lu kikaruburu mia ki bikabiki; ai ku Twaumase lri telenge liniane, lai lri aru theredre kwi lalasu, mia ki thuvugu ka yakai ki valrigi lregelrege valrwalru, mia ki sangukimugiane ka kiapalai ki alrilrawgu.

Izikile 1:24

Kialalraku kwini lalasu sa ngipalapalai ku lingau ku twalai ki sapakepake; kwini lingau mia ki bikabiki ki laveke, la mia ki tamakakaralealane ki maadrau ka kwapingi, la miana ki lingau ki wadulru sanaka manemane ka Twaumase. Kwi lalasu lu idrengere kai ngipalai la malra cikipi kwini sapakepake,

Izikile 1:7

Ku drapale lini madringeelrese, ku lrubungu mia ki lrubungu ki lwange, patuelre mia ki niselredrane ka lriwlu likalikathe.

Izikile 40:3

Ku Twaumase wailuku nakwane mwa kwini; la drelaku ku tangeea ka umawmase mia ki lriwlu ledra, ku alrima la ecenge ku calrisi si lekete ka angatu, la acegecege ikai sawalatadre ki lrawlrawdru.

Izikile 43:2

Wadrelaku ku lrigu ki Twaumase ki swa Iseraylri ku twalai talrawane kainganai. Ku lingauini mia ki bikabiki tugengegenge; kai kadaengane ngwalai ki lriguini si ledra.

Daniele 10:6

Ku kinawmasaneini mia ki tinukucingaalrane ka lrenege ledra, ku lringau mia ki lrikace ledra; ku macaini mia ki apwi ledraedra, ku alrima si drapale mia ki niselredrane ka lriwlu likalikathe; ku lingau waelraelrange mia ki laumawmase ka maralealeale.

Nipadrelane 10:1

La dreelenga naku ku tangea ku maadrau ku puku ka sasiakawlu belenge ku twalai belenge mulebe. Kwi lasu siapalimemelre ku kwakulavane ka ememe, ku belenge ki awlru yakai ku sivale ku balrilawlau; ku lingauini mia ki vai, ku drapale mia ki apwi ka ulrudru.

Nipadrelane 14:2

La kilalraku twalai belenge ku lingau, mia ki siange ki tuturu, mia ki dreredrere. Kudra kilalrali kwi lingau la mia ki lingau ki patungutungutungu.

Nipadrelane 19:6

La kilaalra naku ku mia ki twalai ki laumawmase ku lingau, ku elrange mia ki maadrau ka tuturu si dreredrere, iya kai, “Haliluya! Asi lwiyane ku Tamatamata ka sapupukuanenga ka Twaumase atalialalainga!

Nipadrelane 2:18

“Kusu tigamia si baai ki sasiakawlu belenge ki Tiatira kiwkai, iya kai: “Lalake ki Twaumase, ka amani kudra mia ki wakelrakelrakelrabe ka apwi ku maca, ku drapale mia ki niurathane ka lriwlu ku ledrane, amia kai kawriva: