Nipadrelane 1:13 - Ngudradreadrekadhane Ka Sisiu 魯凱語聖經

¹³ Ikai kabicelrakane ki tatinakiane la ikai ku tangea ku mia ki Lalake ki Umawmase, si acegecege ikai kwini, sialaimai ku wakela ki pakilri, la pituku erece ku niara kingiane ku saererecane.

Nipadrelane 1:13 Iomraidhean Croise

Takatwasane Izipiti 39:5

Kwini nicaisane paraisi ki Ipude, sarakaiyane lrithethe ka lakete, ka niarakaiyane ku thadalrane ku sarakaiyane darepe, arakai darepe ku kingi ka valrai, salesese, thilalatadhane, maduduli ka gialrane, si kaimadhane. Kikai yai singiakai ku tacunane ki Tamatama ki Musi si pangimia.

Isaiya 11:5

Kwi lasu lri arakai ku dringelresane rathudu; kwi lasu lri arakai ku kapatengatenganane kaungu ki kunkwane.

Daniele 10:16

Kwini mia ki umawmase ka sasiakawlu belenge ala taale ku alrima si ecenge ki bibianeli, la iyaku kai iniane, “Tamatama, kikai maburusi pakamamelre nakwane ka kadrwa ku puku, si manugiligiligili.

Daniele 7:13

Ikai ki maungu ki maburusi, wadrelaku ku vaeva ku mia ki Lalake ki Umawmase, ngukakaikai ki ememe kainganai. Kwi lasu kiaililuku mucucubungu kudra ki palralrawthu ikai,

Daniele 7:9

Sa icengecengaku dredredrele, wadrelaku ku piya ku nipikaiyane kwini ku taetalane. Kudra yakai palralrawthu wanene ikai kwini ki vaeva ki lataetalane. Ku laimaini mia ki pasabu ku bulane, ku isiu mia ki ubale ki kiu ku lrapungane. Ku taetalaneini yai wakelrakelrakelrabe ka apwi, swatelrai ikai belenge ki madrareeange ka apwi ka palridingi.

Lrivi 8:7

La pasilaimai ki Arungu ku sapakadringane, palimemelre, pasilakete. La malra ku Ipude pasilaimai ki Arungu, nitumatharirane caisi ka lakete la paraisi pwa ki kinawmasaneini ku Ipude.

Hiburu 4:15

Ku abebeelengenga ki barakalaita kaika kailri dulru kakalithi ki turamuraneta; ngiabalre kamani, namiyaiya mitane ikai ki maneemanenga kipadradresenge ku akikituthiathingalane, ai kai pasalriu.

Nipadrelane 14:14

La pelana naku drele, si drele ku taingeane ka lrawlrapungu ka ememe, belenge ki ememe la nene ku tangea ku mia ki Lalake ki Umawmase, siapagamucu ku kingi, la ecenge ku marangisi ku takawkau.

Nipadrelane 15:6

Kudra arathungu ki taipitwane ki amatikurwane ka tapitu ka sasiakawlu belenge twalai ki daane ki Twaumase kainganai, si silaimai ku waeleelethe ka lalasare ka kaimadhane ka laimai, ki tuku waerece arakai ku kingi ka lakete.

Nipadrelane 2:1

“Kusu tigamia si baai ki sasiakawlu belenge ki Ipisu ka kiwkai, iya kai: “Kudra amani ku waecenge pavanale ku pitu ka tariau, si ikai kabicelrakane ki pitu ka kingi ka tatinakiane dadadavace, amia kai kawriva: