Nipadrelane 1:1 - Ngudradreadrekadhane Ka Sisiu 魯凱語聖經

¹ Kikai hungu wapacase ku tapelaelane ki Yesu Kirisitu. Ku Twaumase peaelaela iniane, ku lrika apelaelaneini ki lasasiakawlu ki Twaumase ku lrika angimiane kai ki kaika atarathainwanenga ka vai. Ku Kirisitu siakawlu ki sasiakawlu belenge si padrele ki sasiakawluini ka Yuhani kilakikai.

Nipadrelane 1:1 Iomraidhean Croise

Lasenai 25:14

Ku Tamatama siatalragi ki mwasakene mukuludru iniane ka umawmase, si pelaela papia liniane ku sakiketeketaneini.

Daniele 8:16

Kialalraku ku lingau ku watawtawtau twalai kadravane Ulai, “Gaberaile, papia iniane lalrwai kudra dreleini ku maburusi.”

Daniele 9:21

Sa icengecengaku inulrinulri, kudra naadrelane ku paswalala ikai ki maburusili ka Gaberaile la kirarimu ngipalai mwa nakwane kai; kudra zikange yacengeecenge ka tapatarumaramarane ki maungane.

Daniele 9:23

Sa pathagilisu papia ki Twaumase kitubi, palraingi muswane. Madalame muswane, lakamani ku kelali papia muswane pelaela kai vagaini. Kaiasasane kicacaligira kai alalrwadhaneli kwini maburusi:

Amuse 3:7

Ku abebeelengenga ka Tamatama lulri ngivelevelenga, lri tara paswala pelaela ki sasiakawluini ka layuginsia ku kikakeini.

Yuhani 12:49

Asi lwiyane kadrwa ku ngisasingikaili si kawriva ku manemane, amani kudra siakawlu nakwane ka Ama ka wadrekase nakwane ku aiyaneli kawriva.

Yuhani 15:15

Lri kainaku tusasiakawlunga numiane, asi lwiyane kai sasiakawlu kai wathingale ku tapiapiane ki tawki. Ku tatutalragianeli numiane, amani sa pelaelanga naku patuelre numiane ku kilalrali patwalai ki Ama.

Yuhani 17:8

Ku baaisu nakwane ku vaga patuelre wabaadhaku liniane, kwi lalasu la tarumaranga. Kwi lalasu wathingale ala ka tengatengane ka twaladhaku muswane kainganai, la kasalru ka amanisu ka pakainganai nakwane.

Yuhani 3:32

Kai lasu pasiakai pelaela kudra dreleini kilalraini, ai kadrwa ku tarwamara ku pelaelaini.

Yuhani 8:26

Pangukai numiane, makaalra ku naika akawrivaneli, naika asaibangane. Ai, kudra amani ku siakawlu nakwane yai tengatengane; peaelaelaku sikakathane ki yakawmasane ku kilalrali patwalai iniane.”

Ruma 16:25

Ku lrigu ani papia ki Twaumase! Lri dulru singikai kai pelaelaelali kai hukuingi si pakakecenge ki salrwane ki kidremedreme numi. Kikai hukuingi yai patharukai ki Yesu Kirisitu ka matiakiragai, pathingale ku twalai kunadruma ka kaika athingalane ka matiasamaimali.

Galatia 1:12

Kadrwa ku patwalaili ki naneeanenga tarumara kikai hukuingi, la kainaku kibulru ki naneeanenga, amani ku Yesu Kirisitu ka ngiakakamani pelaela nakwane.

Ipisu 3:3

Peaelaela nakwane, la dulrwaku thingale ku kaika athingalane ka matiasamaimali. (Wapacasenga naku ngubebeelenge kikai ki kaika athingalane ka matiasamaimali,

Titu 1:1

Kwaku ka Pawru ka sasiakawlu ki Twaumase si Yesu Kirisitu. Wapilri nakwane si sikawlu nakwane mwa paralubu ku takisuswane ki pilri ki Twaumase ka laumawmase, ililuku liniane pathingale ku sabulrwane ki takisuswaneta ka patengane ka sabulrwane,

Nipadrelane 1:19

Ku drelesu, ku angimiane kaiasasane ku lrika angimiane lukabibilrili, pacasa patuelre.

Nipadrelane 1:9

Yuhaniaku ka retesane numi. Yakaiyaku adringi ki Yesu si kisapalrapalra ku akwalriane, taelre kiadili, si kisupilri ku pukuini. Pakai ku apelaelane paswadrau ku vaga ki Twaumase si ku pelaela ki Yesu ka patengane ka sabulrwane, nakiaemengenga naku ikai vuvugu ki laveke ka sia Patemuse.

Nipadrelane 17:1

Ikai kwini ki tapitu ka wamalraku pitu ka kisi ka sasiakawlu belenge, yakai ku tangea ku kaiyanganai si iya kai nakwane, “Bwala, lri padrelaku muswane ku lrika akipathavungane kai ki pairairange; kwi alisu amani kudra twacekele ku maadrau ka cekele pikai ki babiabila ki kadravane.

Nipadrelane 19:10

La pidruraku icucubungu ki drapaleini, kisanu sukubu iniane, ai kwi lasu amia kai nakwane: “Madha piapia kikai! Kunaku si kusu, si ladrumane ka sinzia, sanaka palakelakebe ku padreele ki Yesu ku patengatengane ka sabulrwane, maramaraamau ka sasiakawlu. Kusu lri tara sukubusu ki Twaumase.” Asi lwiyane ku padrele ki Yesu ku patengane ka sabulrwane amani kudra wakandu ki layuginsia ka patengane ka sabulrwane.

Nipadrelane 19:9

Ku sasiakawlu belenge ala iya kai nakwane, “Kusu pacasa: Ku kia kidrele kidawlu ku akipaelreane ku akarudrangane ki Lrulai ka Kiu ku umawmase lri kaesai.” Kwi sasiakawlu belenge la iyana kai, “Kikai vaga ki Twaumase patengatengane patuelre.”

Nipadrelane 21:2

La dreelenga naku ku Alrivilrivi ka cekele, amani kudra bavane ka Yerusalrime, twalai ki Twaumase, twalai belenge kainganai mulebe, mia ki ngiaragelane ka kiarakerakete ka ababai ka kaiyanganai kidredresenge ki taelrelreini.

Nipadrelane 21:9

Kudra wamalra ku taipitwane ka kisi, si pasuete ku taipitwane ku amatikurwane lubibilrili, ikai kwini ki tapitu ka sasiakawlu belenge, yakai kudra tangea ku kaiyanganai iya kai nakwane, “Bwala, lri padrelaku muswane kai ki kiarakerakete, amani ku taelrelre ki Lrulai ka Kiu.”

Nipadrelane 22:1

Ku sasiakawlu belenge la padrelenga nakwane ku sivale ku vaalru ki niake, ku talikalikathane mia ki walikalikathe ka lrenege, twalai ki taetalane ki Twaumase si Lrulai ka Kiu mwalwaludru,

Nipadrelane 22:16

“Kwaku ka Yesu siakawlaku ki sasiakawluli belenge, ikai ki sanaka kiwkai pelaelaela numiane kilakikai. Amaniaku ku mwabaibalrithi ki tai Davidi; amaniaku ku malealedra ka sapakataleare.”

Nipadrelane 22:6

Ku sasiakawlu belenge amia kai nakwane, “Kilakikai vaga tengatengane ka asudralrwalrwane. Kudra amani ka wakandu ki layuginsia ka Tamatama ka Twaumase siakawlu ki sasiakawluini, la pelaela ki lasasiakawluini ku lrika angimiane kai ki kaika atarathainwanenga ka vai.”

Nipadrelane 22:8

Kwaku ka Yuhani kialalrangaku si drelengaku kilakikai patuelre. Sadrelenga naku, kilalranga naku, la gurapanganaku icucubungu ki peaelaela nakwane kilakikai ka sasiakawlu belenge sukubu iniane.

Nipadrelane 22:9

Ai kwi lasu amia kai nakwane, “Madha piapia kikai! Kunaku si kusu, si laretesanesu, kamani kudra layuginsia si palululudu kudra taiyane kai ki hungu, maramaraamau ka sasiakawlu. Sukuba kamani ki Twaumase!”

Nipadrelane 4:1

La pacuungulu, si tarumaraku kudra vaeva ku maburusi, la drelaku ku ngwaelebane ku lrawlrawdru ka subelebelenge. Kudra nakilalrali mia ki warapapa ku lingau la iyanga kai nakwane, “Bwala mubelenga mwa kai, lri pelaelaku muswane ku lrika angimiane lubibilrili.”

Nipadrelane 5:7

Kwini Lrulai ka Kiu la arwa cucubungu, si patwalai ki vanale kwini ki wanene ikai taetalane malra tarumara kwi nibalrulane ka hungu.