Nihimi 9:8 - Ngudradreadrekadhane Ka Sisiu 魯凱語聖經

⁸ Wathingalesu ka savaeva ku kidremedremeini papia muswane; makaketeketesu iniane. Palraingisu baai iniane ku kadaengane ka Kanange, Hite, Amuri, kadaengane ki Perizi, Yebuse Giregasi, ka amani ku taikaiyane ki lamwabaibalrithi iniane ka kadaengane. Pangiamiasu ku tapuvaganengasu, asi lwiyane amanisu ku dringelresane.

Nihimi 9:8 Iomraidhean Croise

Tabekacane 12:7

Ku Tamatama la adrelane ki Aberame, la iya kai iniane, “Lri baadhaku kikai kadaengane ki mwabaibalrithi muswane.” Ku Aberame la ikai kwini ki taadrelanane iniane ki Twaumase raedre cegecege ku taluvale ka tapatarumaramarane.

Tabekacane 15:6

Ku Aberame masalru ki Tamatama, ku Tamatama la tumadringelrese iniane ka umawmase.

Tabekacane 22:12

Ku sasiakawlu belenge la iya kai, “Madha pwalrimalrima, madha duladula ki lalake! Kikai wathingalaku aka mwasakenesu mukuludru ki Twaumase; asi lwiyane kaisu wamalra ki lalakesu, kwini vaeva ka lalake ka sawvalai, suru si kai baai nakwane.”

2 Samuile 22:31

Kikai Twaumase, ku takaunganeini kiatulrepenge turamuru! Ku vagaini matiasudralru turamuru! Ku Twaumase mia ki alathare palakebe ki sanaka satalu iniane ku umawmase.

1 Lacaili 1:14

Kai Kanange mialri ka cucungulane ki swa Yebuse, swa Amuri, swa Giregasi,

1 Lacaili 16:16

Lri kasalru palakebe ku tamakaketeketaneini ki Aberahame, pasusu ku kiketeketeini ki Isake.

Izera 9:15

Tamatama ka Twaumase ki swa Iseraylri, amanisu ku madringelrese; la papanianiakeanasu naiane ka lri pacainga. Papia nai muswane ngipapelaela ku pasalrivane nai; kadrwa ku kindri nai kela mucucubungu muswane.”

Nihimi 9:33

Lu pathavungusu naiane yai naika angimiane, pangiamiamiasu, la pasalrisalriwnga nai.

Lasenai 116:5

Ku Tamatama kialibake ka mathaithaariringa; ku Twaumaseta swaete ku kalithane.

Takatwasane Izipiti 3:17

Lri tara sangilukaku liniane katwase Izipiti. Makakelretenga ku takipakwalriane lini; lri ilukaku liniane mwa kwidra mwalwalwaludru ku mireke si valu ka kadaengane, ka amani ku taikaikaiyane ki swa Kanange, swa Hite, swa Amuri, swa Perizi, swa Hivi si swa Yebuse ka laumawmase.

Takatwasane Izipiti 3:8

lakamani ku mulebeli, ku apatwaladhane ki alrima ki swa Izipiti malra palribulu liniane, sangiluku liniane mwa kwidra ki malrange swaadrau ka kadaengane, mwalwalwaludru ku mireke si valu ka kadaengane: Kavai amani ku taikaiyane ki swa Kanange, Hite, Amuri, Perizi, Hivi si Yebuse ka laumawmase.

Izikile 33:24

“Lri tara kawlrau ka umawmase, ikai ki swa Iseraylri kudra la yakaikai ki taulrakavane ki cekele ku laumawmase amia kai, ‘Ku Aberahame tangeangeea si malra kai ki kadaengane, kai takalrata turamuru, nai kamanita ku wamalra kikai kadaengane.’

Taasipane 13:29

Ku swa Amaleke yakai tali lrawdru; ku swa Hite, swa Yebuse si swa Amuri yakai tali lregelrege; ku swa Kanange yakai tali babiabila ki laveke Miditerania si babiabila kadravane Yuredange.”

Taasipane 23:19

Ku Twaumase makaela ki umawmase, kai lri tavuvulrucu kawriva; Kai ka paramia ki langumawmase, kai lri tupela ku takidremedremaneini. Ku palraingingaini ku vaga, lri tara pangimia; Sana avavaga, ngiamia ku awngane.

Nisikawlane 13:22

Sa kicilringa ku Saule, ku Twaumase la pasikai liniane cegecege ki Davidi paatalialalai. Pangukai ki Davidi, amia kai ku Twaumase, ‘Kiadringaingaku ki lalake ki Yesi ka Davidi, mamamwa ki kidremedremeli, sanaka maneemane pasalaladha ki kidremedremeli.’

Tapelane Drekase 26:3

Lri mwa numi kidrele kwini ki wadrangalrungalru ka barakalai, la iya kai iniane, ‘Kaiasasane wakelaku kiaseasene ki Tamatama ka Twaumaseli, mwadaanenga naku ki pukawnunga ki cucungulane nai ka kadaengane.’

Tapelane Drekase 32:4

Ku Tamatama amani kudra sapupukuanenga ka tarapalakebe, ku tapianeini kiatulrepenge, aparamaramau. Ku Twaumase patengatengane, matisudralru, ku tasaibanganeini pacengecenge, aparamaramau.

Tapelane Drekase 7:1

“Ku Tamatama ka Twaumase numi lri sangiluku numiane mudaane kwini ki adrikisane numi ka kadaengane; lri pakatwase kwidra ki taikalra ka laminzuku. Lu aru cucubungu numi, lri pakatwase ku taipitu ku sapupukwane numiane ka minzuku, amani kwini swa Hite, Giregasi, Amuri, Kanange, Perizi, Hivi si Yebuse.

Tapelane Drekase 9:5

kikai yai kaika ngwalai ki tharirane numi, mulecegane ku kakwakudhane numi, ku Tamatama ala pamwa numiane drikisi ki kadaengane lini. Ku pakatwase ki Twaumase liniane, amani sa ngilisiane kikai laumawmase, si la lrika pangimia ku palraingingaini ku vagaini ki cucungulane numi ka Aberahame, Isake si Yakubu.

Titu 1:2

kikai patengane ka sabulrwane yai arakai ku sasiadradrama ki palralrawthu ka niake tutangadrane. Kudra kai madraedrangelre ka Twaumase, sakaiyana ikai sanaka maneemane, palrainginga baai mitane kikai palralrawthu ka niake,

Hiburu 11:17

Ngwalai ki salrwane, ku Aberahame sa kilrialringau ku Twaumase iniane, wamalra ki lalakeini ka Isake patarumara, si tusapatarumarane ka waudriwdripi. Ku Aberahame amani ku tarwamara ku pinalrainganenga ki Twaumase, ai palraaingi malra ki beraberathane ka lalakeini tusapatarumarane si patarumara.

Hiburu 6:18

Kikai taidrusane kai lri maka tupelanga, asi lwiyane ku Twaumase kai lri kadraedrangelre. Lakamani, kuta ka yadringinga ikai iniane ka umawmase si kasulivalivate maadrau ku takipasapukwanane ta, ta magagemegeme kudra nipicucubungane mitane ku sasiadradrama.

Yesua 11:23

Ku Yesua singiakai ku drekase ki Tamatama ki Musi ku vaga rathudunga nguelre kwini ki kadaengane. La malra kwini kadaengane pavavala ki swa Iseraylri, savavaeva kwini lazuku. Ala kwini la kasulivalivatenga kwini lacekele si kadaengane, ka kadrwanga ku makaruruburu.

Yesua 11:3

Kwini lasu la sikawlu mwa pelaela kwini ki mababalrealreanane kadravane Yuredange ka swa Kanange, la mialri baai ki swa Amuri, swa Hite, swa Perizi, si swa tali lregelrege ka Yebuse, si kwini yakai lregelrege Heremunge ka kadaengane Mizepa ka swa Hivi.

Yesua 23:14

“Kaiasasane, kikai lri pacainga naku. Ku kidremedreme numi makitwa thingale numi, ku Tamatama ka Twaumase numi wamalranga baai numiane pakanaelre kudra puvagangaini ku akaesadhane baai numiane. Ku puvagangaini ngiamia patuelre, kadrwa ku navaevanga ku mwacilri kawlrau.

Yesua 9:1

Ku taakaciane lini ki swa Iseraylri kia mapelaelanga ki swa tali sapakalriwgu lregelrege kadravane Yuredange, swa kalregelregane, si swa tali dratane babiabila ki laveke Miditerania, padaarurwana kela kavai tali dradha ka Lebanungu; la mialri kimapelaela mwa ki calringa ki latalialalai kwini ki laumawmase ki swa Hite, swa Amuri, swa Kanange, swa Perizi, swa Hivi si swa Yebuse.

1 Yuhani 1:9

Lwiyasi papiata ki Twaumase ngipapelaela ku pasalrivaneta. Amani ku pangiamia ku patengatengane ka madringelrese, lri paacepe ki pasalrivaneta, pabanau bula kudra la makaelaeela ku pasalrivaneta.