Nihimi 9:7 - Ngudradreadrekadhane Ka Sisiu 魯凱語聖經

⁷ Tamatamasu, ka wapilri ki Aberame ka Twaumase, wasangilukusu iniane katwase Ure kavai Babilunia, la balrithi ku naganeini pasi Aberahame.

Nihimi 9:7 Iomraidhean Croise

Tabekacane 11:31

Ku Tera wailuku ki lalakeini ka Aberame, kwi aganeini ka lalake ki Harange ka Lute si kiathareve ka taelrelre ki Aberame ka Sarai matwase kwini ki cekele Babilunia ka cekele Ure, papia talikai Kanange. Kwini lalasu sa kelanga ka Harange, la ikainga kwini sutelrai cekecekele.

Tabekacane 15:7

Ku Tamatama la peelanga iya kai iniane, “Tamatamaku, waililukaku muswane katwase kavai Babilunia ka Ure. Lri baadhaku kikai kadaengane muswane, ka amani ku lrika tacekecekelanesu.”

Tabekacane 17:5

Twalainga kikai, kwi naganesu kai lri si Aberame, lri si Aberahame, asi lwiyane wacegecegaku muswane kaamani ku tama ki takaalra ka minzuku.

Tabekacane 18:19

Ku pilrili iniane yai, lri kamani kai lasu ku lri pelaela ki lalakeini si lamwabaibalrithi ku apasalaladhane nakwane, kamani ku marasiakai ku aparamaramavane, si paruswadrau ku dringelresane. Luka ngimiyaiya kai, lrika pangiamianga naku ku tapukawnanengali ki Aberahame.”

1 Lacaili 1:27

si Aberame (mialri ka sia Aberahame).

Isaiya 51:2

Kidremedreema ki cucungulane numi ka Aberahame; kidremedreema ki twalalake numiane ka Sara. Sa dawlaku ki Aberahame, kadrwa ku lalakeini; ai swabulrubulrwaku si baai iniane, ala ikainga ku kaika amaka asiasipane ku lagagane.

Tapelane Drekase 10:15

Ku Tamatama kialibake ki cucungulane numi, lakamani ku pilrini numiane, la kai pilri ki drumane ka minzuku, tukawkawluini. Pakeela kaikameane, kunumi thadaalraneana numi ka pilrini ka kawkawluini.