Nihimi 9:5 - Ngudradreadrekadhane Ka Sisiu 魯凱語聖經

⁵ Ku swa Lrivi ka Yesua, Kademile, Bani, Hasabenia, Serebia, Hudia, Sebania, si Pithahia la pasikai ki apathagilane sukubu pangidawlu, kwini lalasu amia kai: Acegecega, drengedrengere ki Tamatama ka Twaumase numi, kapalralrawtha senai lrigu iniane! Ku naganeini silrialribate ki sadrengedrengerane patuelre, sanaka umawmase ani drengedrengere ki lrigu ka naganeini.

Nihimi 9:5 Iomraidhean Croise

1 Latalialalai 8:14

Ku mapapangale ki swa Iseraylri la makitu acegecege ikai kwini. Ku talialalai ka Sulumungu la ngibangulu, cucubungu ki mapapangale, la pasikai liniane kitubi ki Twaumase.

1 Latalialalai 8:15

Kwini lasu amia kikai, “Tadrengedrengere ki Tamatama ka Twaumase ki swa Iseraylri! Pasusu ku pukawnungaini ki ama ka Davidi; napeaelaela ki Davidi iya kai,

1 Latalialalai 8:22

La pacungulu, ku Sulumungu yacucubungu ki mapapangale ka swa Iseraylri katwase mucucubungu ki tapatarumaramarane ki Tamatama si acegecege, la papia subelebelenge ciliki ku alrima.

1 Latalialalai 8:27

“Twaumase, patenganesu ka lri ikai kai ki kadaengane? Adravane ka kadrwa ku talikaiyane ka subelebelenge kai lri makakelrete lu ikaisu, sikamanianenga kikai tudaaneli kai daane ki Twaumase?

1 Lacaili 16:36

Drengedrengera ki Tamatama ka Twaumase ki swa Iseraylri! Kapalralrawthana drengedrengere iniane! La tarumara ku mapapangale si masiasilange karededele tubalre iya kai, “Amingi!” Kwi lalasu wadrengedrengere makanaelre ki Tamatama.

1 Lacaili 29:11

Madradrawngasu, yakai ku pukusu, lrigu, kiamathingathingale, matiasalru. Kai belenge kai kadaengane patuelrenga sanaka manemane muswane; talialalaisu, ka amani ka wagemegeme sanaka kiabekace.

1 Lacaili 29:13

Twaumase nai, kikaiasasane kiaseasene nai muswane, drengedrengere ku lrigu ka nimusakesakenane ka naganesu!

1 Lacaili 29:20

Ku Davidi la cunu ki mapapangale, “Drengedrengera ki Tamatama ka Twaumase numi!” Ku mapapangale la drengedrengere ki Tamatama ka Twaumase ki cucungulane lini. Ku mapapangale la guruthungane sukubu ki Tamatama, la mialri papia ki talialalai usakene.

2 Lacaili 20:13

Ku lasawvalai ki swa Yuda makanaelre, paelre ki lalabaibai si lalalake lini, acegecege icucubungu ki daane ki Twaumase.

2 Lacaili 20:19

Ku zuku ki Lrivi ka Kuhathe si zuku ki Kura la acegecege, akwadrau putariri senai drengedrengere ki Tamatama ka Twaumase ki swa Iseraylri.

Izera 3:11

Kwini lalasu matwabaebalre senai, kiaseasene ki Tamatama iya kai: Mathaithaariringa ka Tamatama; ku thalradhaneini ki swa Iseraylri lrika palralrawlrawthane ikai. Kwini laumawmase makitwa putariri, drengedrengere ki Tamatama, asi lwiyane kwini karwalai ki daane ki Tamatama pathagilinga ku awngane.

Nihimi 9:4

Yakai ku nitutaikaikaiyane ka nipasikaiyane ki swa Lrivi, la ibelenge acegecege ku Yesua, Bani, Kademile, Sebania, Buni, Serebia, Bani si Kinani. Kwini lalasu akwadrau papia ki Tamatama ka Twaumase lini inulri.

Nihimi 9:6

La pacungulu, ku swa Iseraylri iya kai inulri: Tamatama, kathanesu ka Tamatama! Wabekacesu subelebelenge si latariau. Wabekacesu kai kadaengane si lamaneemanenga, Kai laveke si yadringi panianianiake; wabaaisu ku niake sanaka maneemanenga. Ku kwapingi subelebelenge wasukusukubu muswane.

Yubu 1:21

la iya kai, “Kadrwa ku ilukuli kitulalake, lai lri mialriaku lu pacadhaku kadrwa ku ailukaneli siwlri; ku pakalreva ki Tamatama, ku Tamatama lri sawlri. Ku nagane ki Tamatama swadalepe kidrengedrengere!”

Lasenai 106:2

Aneane kulri dulru pelaela ku maadrau turamuru ku tapiane ki Tamatama? Aneane ku lri pakaelre drengedrengere iniane?

Lasenai 134:1

Lasasiakawlu ki Tamatama, drengedrengera ki Tamatama; sanaka yakai ki maungu marasikaikai ki daane ki Twaumase ka umawmase drengedrengera iniane makanaelre.

Lasenai 145:2

Lri kiaseasenaku muswane lukakaiyaiyaiya; lri pakelaku ki mwabaibalrithi drengedrengere muswane.

Lasenai 145:5

Kwi lalasu lri pelaelaela ku lrigusu, ku matiwsakenanesu; lri pakatwasaku pelaela ku matisamaliane ku tapianesu.

Lasenai 146:2

Ikai ki tapanianianiakaneli lri drengedrengeraku ki Tamatama; ku tapanianianiakaneli ikawmasane lri senadhaku drengedrengere ki Twaumaseli.

Lasenai 16:2

Amiaku kai ki Tamatama: Amanisu ku Tamatamali; amanisu ku tatwaladhane ki akaesadhaneli patueelre.

Lasenai 66:2

Senadha drengedrengere ku lriguini; papia iniane patarumara ku sadrengedrengerane ka vaga.

Lasenai 99:3

Sanaka umawmase lri drengedrengere ku saniange matiwsakene ka naganeini; ku Twaumase saniange matisalru!

Takatwasane Izipiti 15:11

Tamatama! Ikai ki latwaumase yakai ku miyaiya muswane? Aneane ku miyaiya muswane, ikai ku saniangane matisalru? Aneane ku miyaiya muswane, dulru pia ku pinangu Twaumasane ka puku ka matiasamali?

Takatwasane Izipiti 15:6

Tamatama, ku vanalesu yakai ku kaika akiramavane ka puku; Tamatama, wadulrusu tatithiri ki badha.

Daniele 2:20

Ku nagane ki Twaumase ani kidrengedrengere, kai kamwamudu palralrawthu! Asi lwiyane wathingale si dulru sanaka manemanenga.

Matai 11:25

Sakamani kwidra, ku Yesu la iya kai, “Ama ka yabelenge, ka Tamatama ki belenge si kawmasane! Kiaseasenaku muswane; asi lwiyane kudra balabalaisu papia ki malrigili, ki yakai ku thingalane ka umawmase, padrelengasu putaluvaivai papia kudra ki la kadrwa ku thingalane ka umawmase.

2 Kurintu 4:6

Kudra amani ku kawariva iya kai “Ani ikai ku ledra twalai kadradridrimitane kainganai paledra” ka Twaumase, ka amani kudra arakai ku ledra paledra ki kidremedreme nai ka Twaumase; pathingale naiane kudra paledraini pikai ki lringau ki Yesu Kirisitu ka ledra.

Tapelane Drekase 28:58

“Lwiyasi la kaisu pudriadringai pasusu kikai nipacasane pikai ki senate kai padradrekase ki Twaumase, kai sukubu musakene ki Tamatama ka Twaumase numi ka palrealrebane ka naganeini,

1 Pitiru 1:3

Maelanenga ki Twaumase ka Tama ki Tamatamata ka Yesu Kirisitu! Ngwalai ku kadrwa ku leketane ku thalradhane, si ngukai ku tasielane twalai ki wapacai ka Yesu Kirisitu, la malra ku bavane ku niake si baai mitane, ala ikai ku panianiake ku sasiadradramata,

Tamagarange 13:18

Ku sasiakawlu la tubalre, “Asu nau kivagalringa iya ku naganeli? Kwini yai palrealrebane ka nagane.”