Nihimi 9:16 - Ngudradreadrekadhane Ka Sisiu 魯凱語聖經

¹⁶ Ai ku cucungulane nai la aru ngikalrilrigu, aru kakeelrathe, kai mubangalre paluludu ku padradrekasesu.

Nihimi 9:16 Iomraidhean Croise

2 Latalialalai 17:14

Ai kwini lalasu kai kialalra; kwini lalasu mararaamau ki cucungulane lini ku kawlukulane, kai kasalru si satalu ki Tamatama ka Twaumase lini.

2 Lacaili 29:6

Ku cucungulaneta kai twakucingalre ki Tamatama ka Twaumaseta, paiya ku ngialisiane lu drele ku Tamatama, la cilri iniane, kai thengetenga ku taikaikaiyaneini.

2 Lacaili 30:8

Madha twalralrau liniane mia kwidra kakeelrathe, pasalaladha ki Tamatama. Kunumi mwa ki daane ki Twaumase ka Yerusalrime, kikai yai Tamatama ka Twaumase numi ka twapalralrawthunga iniane ka mabula ka taikaiyane. Lu kela numi sukubu iniane, kai lri papianga numiane kalisi.

2 Lacaili 36:13

Ku talialalai ka Nibukadenezere nawavutha ki Zidikia pangukai ku nagane ki Twaumase kiketekete ku asavaevane ku kidremedreme papia iniane, ai ku Zidikia wabalre iniane. Ku Zidikia makudrusulre kai mubangalre ngitatupela, kai ngiabangulu papia ki Tamatama ka Twaumase ki swa Iseraylri.

Nihimi 9:10

Paiyasu ku pinangu Twaumasane ka puku papia ki talialalai ki swa Izipiti, si kiaecebe ki kiacapilini si mapapangale ki kunini; asi lwiyane wathingalesu liniane ka amani ku wadredrepete ki kawkawlusu. Ngwalai kikai kiapunaganengasu pakelanga kaikameane.

Nihimi 9:29

La pakipapawlringausu liniane ku apaluludane ki hulricesu, ai kwini lalasu ngiakalrilrigu, kai kilalra ku drekasesu. Kwini lalasu wathingale lu paluludane ku hulricesu ka lrika amanisu ku wasangililuku ki kadadalranane ki niake, Kwini lalasu lakakeelratheana kiecebe kai kilalra si pasalaladha.

Lasenai 106:6

Mararamau nai ki cucungulane nai pasalriu makanaelre; manganganga nai makanaelre.

Lasenai 81:8

Kawkawluli, kilalra kai sapakipapawlringavaneli! Iseraylri, anatumane la kilalrasu pasalaladha nakwane!

Takatwasane Izipiti 15:26

La iya kai, “Tamatamaku ka Twaumase numi, lwiyasi la pakaelre numi pasalaladha nakwane, pia kudra pacengecenge iyali ku tatumanane, paluludu ku padradrekaseli, kainaku lri arakai kudra pathavunguli ki swa Izipiti ku lacaemane si pathavungu numiane. Amaniaku ku wasulrau pawdringai numiane ka Tamatama.”

Takatwasane Izipiti 32:9

Ku Tamatama la iyanga kai ki Musi, “Wathingalaku kikai mapapangale ka makeelrathe turamuru.

Kavagavagane 29:1

Lu aru kikaelaela si kipathavungu la aru kakawlukulu ka umawmase lri pangitutuluku pacai, si kai maka adulrwanenga palribulu.

Isaiya 48:18

“Anatumane la kilalrasu kai drekaseli amiaku! Alaiyasi kilalrasu kai drekaseli, ku sulivatane lri mia ki kadravane mwalwaludru kai kareteretege; ku dringelresane la mia ki bikabiki ngibawbawbalrulu kainganai.

Isaiya 48:4

Wathingalaku ka makelrathesu kai singikaikai ki palrapalra, ku kelrathane mia ki adreme, ku kawlukulane mia ki lriwlu.

Isaiya 63:10

ai kwi lalasu wabaebalre iniane, la pakwalri ki Sirini. Ngwalai kikai, ku Tamatama abadhanga liniane, si kiecebenga liniane.

Yerimia 19:15

Ku taiyane kawriva ki Tamatama ka abebeelengenga ki sanaka kwapingi, ka Twaumase ki swa Iseraylri. Ku Twaumase amia kai, “Lri singikaiyaku ku taiyanengali pulebe ku amatikurwane pikai kai ki cekele si ngiathalringulu ka lacekele, asi lwiyane makelrathe numi si kai kilalra paluludu kai vagali.”

Yerimia 2:31

Swa Iseraylri, kicacaligira kilalra kai aiyaneli! Ngiamiaku ki ubulane ki matiaukuludru ka kadradridrimitane? Anu kirimu lri ngisasingikaai nai ku takidremedreemane nai iya, si kai kainganai siwlri mwa nakwane kai?

Yerimia 7:26

ai kadrwa ku umawmase ku twamanemane, la ka kadrwa ku umawmase ku kialalra. Manganganga numi ki cucungulane numi, ka pakilrialringau baebalre.

Izikile 5:6

Ai kai Yerusalrime wabaebalre ki padradrekaseli, manganganga ki lakuni, maparawramuru ki ngwadadethe ka kuni ku tabaebalreane. Kai Yerusalrime kai paluludu ki padradrekaseli, wacilri ki hulriceli.

Nisikawlane 7:51

“Kunumi ka makelrathe ka laumawmase, nicelrepane kwini kidremedreme numi, yakai ku calringa numi, ai kai kialalra ku vaga ki Twaumase! Kunumi miyaiya numi ki cucungulane numi ka tara kiaecebe ki Siri!

Ruma 2:5

Ai, makawlukulunga kakelrathe turamuru kwi kidremedremesu, arwa dawlulringasu ku makaakalra ku elathane, ikai ki elathane si dringelresane ka sasaibangane ki Twaumase lu kelanga kudra vai lrika mateelrelrege ku akipathavungane.

Tapelane Drekase 31:27

Wathingalaku liniane ka makelrathe la baebalre. Sapanianianiakeana naku yai, kikai lalasu kai watelrai baebalre pasalriu ki Tamatama, lu pacainga naku, kai lalasu lrika sikuraranau baebalre.

Tapelane Drekase 32:15

Ku kawkawlu ki Tamatama mabucubucuku karicucuru, kwini lalasu sa ngiradhekanenga wabaebalre. Kwini lalasu wacilri ki wabekace liniane ka Twaumase, kwini lalasu wacilri ki sapupukwanenga ka tarapalribulu.

Tapelane Drekase 5:29

Anatumane la katapikaiyane ku miyaiya kai ku kidremedreme lini, ka sakamia ku musakenane lini nakwane, pasusu ku hulriceli, kwini lalasu si lagagane lini lani kasulivaliivate sanaka manemanenga.

Tapelane Drekase 9:13

“Ku Tamatama la kawriva nakwane, ‘Wathingalaku kikai lamapapangale makelrathe turamuru.

Tapelane Drekase 9:27

Kiatubiaku ngulringava ki sasiakawlusu ka Aberahame, Isake si Yakubu, si kai drele ki kelrathane ki ngilisianane si pasalrivane ki kawkawlusu.

Tapelane Drekase 9:6

Lakamani kwidra, lutuumane kaika ngwalai ku tapangitumanane numi, ku Tamatama la malra kikai mathariri turamuru ka kadaengane patarumara numiane, ku tangimiamiane, amani numi ku makelrathe turamuru ka kawkawlu.

Hiburu 3:13

Ai, sa ikaiyana kaikameane, mapasapukupukupukwana luka kaiyaiya, ikai numiane amani lu kipamama ki pasalrivane, lu kakawlukulu ku kidremedreme.

Hiburu 3:15

Kai Sisiu amia kikai: Kaikameane, alaiyasi kilalra numi ku lingau ki Twaumase, madha kakelrathe, ngialrau kunadruma baebalre ki Twaumase.