Nihimi 9:10 - Ngudradreadrekadhane Ka Sisiu 魯凱語聖經

¹⁰ Paiyasu ku pinangu Twaumasane ka puku papia ki talialalai ki swa Izipiti, si kiaecebe ki kiacapilini si mapapangale ki kunini; asi lwiyane wathingalesu liniane ka amani ku wadredrepete ki kawkawlusu. Ngwalai kikai kiapunaganengasu pakelanga kaikameane.

Nihimi 9:10 Iomraidhean Croise

Nihimi 9:16

Ai ku cucungulane nai la aru ngikalrilrigu, aru kakeelrathe, kai mubangalre paluludu ku padradrekasesu.

Nihimi 9:29

La pakipapawlringausu liniane ku apaluludane ki hulricesu, ai kwini lalasu ngiakalrilrigu, kai kilalra ku drekasesu. Kwini lalasu wathingale lu paluludane ku hulricesu ka lrika amanisu ku wasangililuku ki kadadalranane ki niake, Kwini lalasu lakakeelratheana kiecebe kai kilalra si pasalaladha.

Lasenai 83:18

Kwi lalasu ani thingale ala ka kathanesu ku Tamatama! Amanisu ku Abebeelengenga ka magagemegeme kai kawmasane!

Takatwasane Izipiti 18:11

Kikai wathingalenga naku ku Tamatama sanianiangenga ki sanaka lanitutwaumasane; asi lwiyane sapakwalrialri ki swa Iseraylri ku swa Izipiti, pangiamianga kikai patuelre.”

Takatwasane Izipiti 3:20

Ai lri arakaiyaku ku pukuli padredrele ku palrealrebane ku kakudhane si pathavungu ki swa Izipiti. Lukabilrilinga lri palraingi numiane pakatwase.

Takatwasane Izipiti 5:2

Ku talialalai ki swa Izipiti la iya kai, “Kwini Tamatama aneane? Manemane si lri tara kilalraku iniane? Manemane si pakatwasaku ki swa Iseraylri? Kainaku wathingale kwini ki Tamatama; lai kainaku lri pakatwase ki swa Iseraylri.”

Takatwasane Izipiti 7:1

Ku Tamatama amia kai, “Lu icucubungusu ki talialalai lri pangimiaku muswane ki Twaumase, ku taka ka Arungu la lri papia iniane kawriva, ka amani ku atalingikaiyane muswane avavaga.

Takatwasane Izipiti 9:16

Ai pakai ku apathingalaneli kikai pukuli, papanianiyakeana naku muswane, ku lrika apasalraelreane kai naganeli kawmasane.

Isaiya 42:20

Swa Iseraylri, makalranga ku drelesu, laka kadrwa ku takidremedremanesu; makalranga ku kilalralalrasu laka kadrwa ku tapulringavanesu.

Isaiya 63:12

Ku Twaumase naarakai ku pukuini, si pangukai ki Musi pia ku pinangu Twaumasane ka puku, la pawvagai ki acilai, si ililuku ki kawkawluini lribate ki laveke, ku laumawmase laka tangulringaavanenga ku naganeini. Kwini lasu yainunga kikai?” Ku Tamatama nawaililuku ki kawkawluini, kwi lalasu ala kapapedrenge ku tapudrapalane, mia ki rigi ka yakai ki dratane, kai ngwadreadreke.

Isaiya 63:14

Mia ki waililuku ki lalwange mwa valrwalru ki lregelrege, ku Ri ki Tamatama payasadra liniane. La ililuku liniane, si la kidrengedrengere ku naganeini.

Yerimia 32:20

Nayakaisu Izipiti pia ku pinangu Twaumasane ka puku ka matisamaimali; la mialrisu ikai Iseraylri si lakuni pia ku pinangu Twaumasane ka puku ka matisamaimali. Lakamani, kaikameane yakaisu ki laumawmase kimatikaikai.

Izikile 20:9

Ai kainaku paiya kikai. Kainaku madalame lu kitulilisi kai saniange ka naganeli; asi lwiyane nayakainga naku ki taikaiyane lini ki laumawmase cucubungu papia ki swa Iseraylri pelaela, lri ililukaku liniane katwase Izipiti.

Daniele 4:37

“Kaiasasane, kwaku ka Nibukadenezere wadrengedrengeraku, musakene, lrigu ki talialalai ka yabelenge. Ku takaunganeini madringelrese aparamaramau; ku Twaumase wadulru tutikiane ki ngiakalrilrigu ka umawmase.”

Daniele 5:23

ngiakalrilriigulringasu, si kitubadha ki Tamatama ka yabelenge. Wamalrasu salri putaluvaivai kudra ribicini patwalai ki daane ki Twaumase ku lakupu si lakisi, la arakaisu ungulu si paarakai ki latabebelengesu, lataelrelresu, si drumane ka lalabaibaisu, si drengedrengedrengere kwini ki laniarakaiyane ku kingi, gingi, lriwlu, adreme, angatu, si lrenege tu twaumase, ka amani kudra la kai maka wadulru drele, kai maka wadulru kilalra, ka kadrwa ku thingale ka samiamiange. Kaisu mwasakene kudra amani ka wakelrete ki apanianiakane si apacadhanesu, ka magagemegeme ki tangivelevelanesu ka Twaumase.

Daniele 9:15

“Tamatama ka Twaumase nai, napadrelengasu ku maadrau ka puku, si ililuku ki kawkawlusu katwase Izipiti, ku naganesu pakeelanga kaikameane kiamapelaelaelana; la piapia nai ku ngialisiane si pasalriu!

Nisikawlane 7:36

Kwini lasu wasangiluku ki mapapangale twalai Izipiti katwase, ikai Izipiti, ikai Suize ka laveke, si ikai ubulane ku tinaramasupatelane ka caili, paiya ku makaalra ku pinangu Twaumasane ka puku si matiasamali ka awngane.

Ruma 9:17

Ikai ki Sisiu, ku Twaumase amia kai ki talialalai ki swa Izipiti kawriva, “Ku pacegecegeli paatalialalai muswane, amani ku lrika aputaluvaivadhanesu ku pukuli, lani salraelre kawmasane kai naganeli.”

Tapelane Drekase 4:34

Yakai ku latwaumase ku paramia ku tamarasikaiyane numiane ki Tamatama ka Twaumase numi ikai Izipiti, lreme patwalai ki taingeane ka kuni si malra palribulu numiane, si akawkawlu iniane? La patakamacamaca numi drele sa arakai ku saniange ku puku, pulebe ku swalrubu si apwi, pia ku pinangu Twaumasane ka puku, putaluvaivai kikai la matiasamali ka takaungane.

Tapelane Drekase 7:19

Kunumi patakamacamaaca numi drele kwidra lasapapacai, ka pinangu Twaumasane ka puku, palrealrebane ku takaungane. Pulringava, ku Tamatama ka Twaumase numi arakai ku maadrau ku puku mukerenge palribulu numiane. Ku tapangimianeini amudu ki swa Izipiti, lri pangimia amudu kwini ki mukulukuludru numi ka laminzuku.

1 Pitiru 5:5

Laka thadaalrane, kunumi ka layacengecenge pasalaladha ki tarudrawdrange. Si arakaiya ku ngitatwalebeane ngiragelane makanaelre, si la mapasikaikai, asi lwiyane amia kikai kai Sisiu, “Ku Twaumase kiaecebe ku ngiakalrilrigu ku umawmase, la baai ku migemi ki ngiatatwalebe ku umawmase.”