Nihimi 8:10 - Ngudradreadrekadhane Ka Sisiu 魯凱語聖經

¹⁰ Kaiasasane tamutavanane la makitu padulru ku angitalekane! Malra ku akaneane si bava numi vala ki kai makakelrete ku umawmase. Kaikameane amani ku saniange ka vai ki Tamatamata, kunumi madha kipakwalrialri, asi lwiyane kudra patarumara numiane ki Tamatama ku akiragadhane amani ku puku numi.”

Nihimi 8:10 Iomraidhean Croise

1 Latalialalai 8:66

Saka samakavalrulu, ku Sulumungu la pasawvagavagai ki laumawmase mubalriu; kwini lalasu makanaelre la subulrubulru ki talialalai, makitu kiraragai siwlri mubalriu, asi lwiyane ku Tamatama swabulrubulru ki sasiakawluini ka Davidi si kawkawluini ka swa Iseraylri.

1 Lacaili 16:27

Ku draredrare si matisalrwane ngiathalringulu iniane; ku maadrau ku puku, sakiaragai swaeteane ki daaneini.

Nihimi 8:11

Ku swa Lrivi la sasa ki mapapangale, paisaselebane liniane, madha kwalri ku kidremedreme. Asi lwiyane kikai vai tinusaniangane.

Nihimi 8:12

Ku mapapangale la makitu mutavanane, kiraragai kane ungulu, si mapakisupisupilri ki druma kudra pikai lini, asi lwiyane kwini lalasu kialalra si pulringalringau kwini silrigu lini pakilalra liniane kwini hulrice.

Isetire 9:19

Lakamani kwidra, kwini yakai ki la tatitiki ki lacekele ku swa Yuda la pasusu ki dramare ki Adare ki mwasaka 14 ki vai, malranga kikai ka taisadrasadrane tangiakanekaneanane ka vai, si mababaai ku saceacebe.

Isetire 9:22

asi lwiyane kikai nimaka pusalane amani ku taamudane lini ki badha lini ka swa Yuda ka vai, kikai dramare amani ku tamalrane lini pakabalrithi kudra ki takwalriane tubi takasulriane amatiadadalame kiraragai ka dramare. Kwini lalasu lri pasusu kai ki lrisi, kiraragai tulrisisi, maceacebe, si palribulu ki matiakukuru.

Lasenai 149:2

Iseraylri, ngwaladha ki wabekace ka Tamatama numi kiraragai; lalalake ki Ziyungu, ngwaladha ki talialalai numi kiragai.

Lasenai 89:17

Ku puku ki lrigusu pakagarange naiane; ku migemisu pasenai naiane akwadrau putariri.

Kavagavagane 17:22

Kai akiragadhane maru mathariri ka sasulravane ka pakathariri ki kinawmasane; ku kwalriane ki kidremedreme maru caemane ka papacai ki umawmase.

Wabulru 11:2

Apakaelaela ku tapikaiyane, patalu kaalrale cukingi, asi lwiyane kaisu lri thingale kai kawmasane lu lrika manemane ku akipadradresengane ku amulisiane.

Wabulru 2:24

Kai umawmase lu dulru kane ungulu, si kisupisupilri ku takwalrianeini, ngiaesadhanenga turamuru. Ai, lu drelaku kikai mialri ka takidremedremane ki Twaumase.

Wabulru 3:13

Naika wakanekaneta si ungungulu, kisupisupilri ku paluludane ki takwalriane. Kikai yai patarumara ki Twaumase.

Wabulru 5:18

Ku tadrelaneli yai: Ku mathariri ku tapanianianiakane amani kudra yakai ki patarumara ki Twaumase kudra edreekane ku tapanianiakane si kanekane ungungulu, kisupisupilri ku nikwalriane ikai tailebe ki vai; kikai yai amani ku angimiane ki umawmase.

Wabulru 9:7

Lumwa, kirararagadha katwase kane; la kirararagai katwase ungungulu ku bava; asi lwiyane ku Twaumase tarwamaranga ku takaunganesu.

Senai 5:1

Kadalameli, ka rakeraketeli, mwadanaku ki mawivaivaili, si malra ku sasulravane si sangulrelreme, la kane ku valu, la ungulu ku bava si mirekeli. Lasiasilangane, kanea, ungula, pakeela ku takabusukane numi ikai ki dalamane!

Isaiya 49:5

Sa kainaku kitulalakeana, ku Tamatama siakawlunga nakwane asasiakawlu iniane; lri ililukaku pasiwlri ki kawkawluini ka Yakubu, lri malraku pasiwlriwlri ki ngiasarade ikai ki druanga ka laumawmase ki swa Iseraylri. Ku Tamatama patarwamara baai nakwane ku lrigu; ku Tamatama amani ku tatwaladhane ku pukuli.

Isaiya 61:10

Ngwaladhaku ki Tamatama si kiraraagai, kai kidremedremeli ngwalai ki Tamatama si kiraragai. Ku Tamatama pasialaimai nakwane ku sapalribulane si dringelresane ka sangiragelanane, mia ki warakerakete ka sawvalai ka siatalrupunu ngiragelane, mia ki kiarakerakete ka ababai ka siasangiragelanane.

Yuile 2:23

Laumawmase ki Ziyungu, kiraragadha! Pasikai ku takaungane ki Tamatama ka Twaumase numi kiraragai. Ku Twaumase patarwamara numiane ku mamwamwamwa ku udale; ku Twaumase pangiamia kunadruma tuudale ki kalarigarigane si kalalidrarane.

Zakaria 14:21

Sanaka yakaai Yerusalrime si Yuda ku palungu, lrika nitusanianganane si tu Tamatamane, tusaarakaiyane sukubu ki Tamatama ka abebeelengenga ki sanaka kwapingi. Ku amani ka patarwamara lri tusarakaiyane aga ku sapatarumarane ku beate. Ikai kwini ki vai, ku daane ki Tamatama ka abebeelengenga ki sanaka kwapingi lri kai ikainga ku pwatiatiame ku umawmase.

Luka 11:41

Sana malrane kwini yadringi ki kupu si usara kwi lamanemane si baai ki matiakukuru ka umawmase, papia numiane lu iyane mabulanga patueelre.

2 Kurintu 8:2

Kwi lalasu twalai ki tangilribatane lini ki sapapacai si tarumara ku pakialringau ku takituthiathingalane; ai kwi lalasu swaete ku sakiaragai, adravane ka yakai ki matikurwane turamuru wadulrwana katwabake si pakubulu paralubu.

Pilripi 3:4

Alaiyasi ikai ku umawmase ku lri maka satalwaku ki ngwakai ki beate ku tapangimiane ku lrisi amiamia, kunaku madudulrwaku pia kikai.

Nipadrelane 11:10

Kai kawmasane kai umawmase lri ngwalai ku tapacadhane lini si kiraragai. Lai akakadra si mabaibalrithi ku saaceacebe, asi lwiyane kikai tadrusa ka yuginsia napakwalringa ki yakawmasane ki umawmase.

1 Samuile 25:8

Kusu kivaga liniane, kwini lalasu lri pelaela muswane. La kela nai kai muswane ki kalalrisiane, ku Davidi kiatubi ku atuthariranesu pasudalru naiane. Manemane ku avalanesu naiane, badha naiane, la mialri baai ki talragisu ka Davidi.”