Nihimi 7:3 - Ngudradreadrekadhane Ka Sisiu 魯凱語聖經

³ Wacunaku liniane, luka mialrealre, lu kaiyana ledra, madha muelelebe ku lrawlrawdru ki cekele Yerusalrime; luka miauawbu lu kaiyana lriwgu ku vai, lu kaiyana katwase ki takadrekadrengane lini ku tarakadrenge, waelebe madu ku lrawlrawdru, si drukuru iya. La mialriaku cunu liniane ku apatwaladhane ki laumawmase Yerusalrime sikawlu ku wakadrenge ku umawmase, ku drumane ku umawmase la kadrenge ki nipawkalrivilane ka taikaiyane, ku drumane lri ikaai ki daane lini ngithalrilringulu dadadavace dredrele.

Nihimi 7:3 Iomraidhean Croise

Nihimi 13:19

La drekasaku, twalai ki sapathagili ki Taisadrasadrane ka vai, kwini ki sanaka miauawbunga, ku lrawlrawdru ki cekele lri elebe, pakeela lu ngilribatenga ku vai ki Taisadrasadrane ka vai lai lri muelebe. La sikawlaku ku tapia ku sasiakawlu kadrenge ikai ki lrawlrawdru ki cekele, luka Taisadrasadrane ka vai kai paudaane ki umawmase iluku ku lamanemanenga.

Nihimi 3:23

Ku Biniyamingi si Hasube waraedre ku salrawlrawdru, ikai kwini ki cucubungu ki daane lini. Ku agane ki Anania, lalake ki Masia ka Azaria waraedre ki salrawlrawdru, kwini ki cucubungu ki daane lini.

Nihimi 7:2

Ala patadrusaku ku umawmase ku wakadrenge marasikai ku awngane ki cekele Yerusalrime; Kwini lalasu yai betakaneli ka Hanani si Hanania ka abebeelengenga ikai ki nikepalane ka cekele. Kai Anania yai asudralrwalrwane madu, ka mwasakene ukuludru ki Twaumase ka umawmase, kadrwa ku lri maka kiramau iniane ku umawmase.

Nihimi 7:4

Maadrau kai cekele Yerusalrime, ai ku yakaikai ki cekele ku umawmase kai takalra, ku nitudaanane si tulrepenge la kai kakalra.

Lasenai 127:1

Ana kaika Tamatama ka twadaane, ku kaungu ki taratudadane naika kadrwaku paluludane; ana kaika Tamatama ka palakelakebe ki baiyu ki cekele, ku tadrangalrwane ki tarakadrekadrenge lri avuthaane.

Lasenai 147:13

Ku Twaumase pakakecenge ki lrawlrawdru ki cekelesu; la subulrubulru ki lalalakesu.

Matai 10:16

“Dradreela! Lri sikawlaku numiane pakatwase, mia kudra ki lri kisatedre pwa ki taikaikaiyane ki tawpungu ubulane ka kiu. Kunumi yai ngialrava ki sulrau kalrigili, la ngialrau ki tavagu kasulrapele.