Nihimi 7:1 - Ngudradreadrekadhane Ka Sisiu 魯凱語聖經

¹ Kikainga kai balingibingi ki alradre ki cekele nitupudriadringadhanenga pakathariri, laka niparaisanenga kai lrawlrawdru ki cekele; Ku latarakadrenge ki daane ki Twaumase, latarasenai, si ku awngane ki drumane ka swa Lrivi laka mialri ka niapadrudrulranenga tulrepenge.

Nihimi 7:1 Iomraidhean Croise

2 Latalialalai 7:10

Kwini lalasu la katwase ki takwapingane ki swa Siria, siwlri mwa Samaria, la papia kwini ki wadrangalrungalru ki lrawlrawdru ki cekele ka kwapingi akwadrau iya kai, “Wamwanga nai ki takwapingane ki swa Siria, la kakadrwa ku umawmase ku drele nai, la kai nai kilalra ku lingau ki umawmase. Ku rigi si ruba nipakerenganeana ikai kavai, ku balrawbau laka mialri ka sakamiana asuru ikai kavai.”

2 Lacaili 31:2

Ku Hezekia ka talialalai la tupela darepe ku tayelrelreane ki barakalai si swa Lrivi, ikai ki tatukakudhanane, ku tangeea yakaai ku kipawkalrivili lini ku akicapilane akipuawngane. Kwini awngane lini paelre ki apatarumarane ku Lama ka lrisi si Sulivatane ka lrisi, ikai ki daane ki Tamatama kipuawngane, ikai ki tamavalavalane lini ikai ki daane ki Tamatama patarumara ku sadrengedrengerane si sakiaseasenane.

Izera 3:8

Kwini sa siwlringa kudra mapapangale mu Yerusalrime kwini ki caili ki sakadrusa ki dramare, kwini lalasu yakai kwini ki sakwa ka taikaiyane ki daane ki Twaumase pathagili kaungu. Ku Zerubabele, Yesua si la drumane ka sakacekele, barakalai si swa Lrivi, ku patengatengane, kudra acaicali makanaelre si siwlringa mu Yerusalrime ku laumawmase kiapaelre makanaelre kikai ki awngane. Kwidra tara mapusalenga ka caili papubebelenge ka swa Lrivi la kisikawlu ka amani ku wadrangalru kikai awngane tupela tudaane ki daane ki Tamatama.

Nihimi 10:39

Ku mapapangale ki swa Iseraylri si swa Lrivi lalri malra kwini nipatarumarane ka lataleke, bava, lawlau ki ulrive mailuku si pikai ki taseketane ki la takaiyane ki daane ki Twaumase, ka amani kwidra taikaikaiyane ki yacengecenge kipuawawngane ka labarakalai, tarakadrenge ki daane ki Twaumase, si tarasenai ikai ki daane ki Twaumase. Kai nai lri dulru kai marasikai ki daane ki Twaumase nai.

Nihimi 11:3

Ku mapapangale ki swa Iseraylri, barakalai, swa Lrivi, tarakaungu ki daane ki Twaumase, si mwabaibalrithi ki sasiakawlu ki Sulumungu yakai ki drumane ki cekele, ka amani kudra kipawcungulu lini ka kadaengane. Kikai lebe nagane kwini ki yakai Yerusalrime ka la tarasangililuku ki swa Yuda ka siu:

Nihimi 12:24

Ku swa Lrivi ikai ki tabulrwane ki Hasabia, Serebia, Yesua, Binui si Kademile, la tuvavaeva ku kemi darepe. Singikai ku tapelaelane ki umawmase ki Twaumase ka talialalai ka Davidi, lu ngusivale laka taidrusadrusane, senasenai drengedrengere ki Twaumase, kiaseasene ki Twaumase.

Nihimi 6:1

Ku Sanabalate, Tubia, Giseme si drumane ka badha sa kilalra ka twalrepengenga nai ku alradre ki cekele, adravane ka takabulrutane kadruanga, (ku patengatengane kai nai paraisiana ku saelelebane ki lrawlrawdru ki samamwa daane ki cekele).

Nihimi 6:15

Samaka 52 ki vai ku takaungane, ku alradre ki cekele yakai ki dramare ki Ilule ki 25 ki vai tulrepenge ku awngane.

Nihimi 6:19

Ku mapapangale yacucubungu nakwane matikai kudra mathariri ku lakakwakudhane ki Tubia, la mialri malra kudra la vagali padaruru iniane. Kikwini kwidra, ku Tubia la kai telrai tigami si baai nakwane, kisanu kukuludru nakwane.