Nihimi 6:9 - Ngudradreadrekadhane Ka Sisiu 魯凱語聖經

⁹ Kwini lalasu kiadredreme ku wakukuludru naiane, ku apaidrengerane ki nikauawngane. La inulriaku iya kai, “Twaumase, kiatubiaku muswane pakagarangaili!”

Nihimi 6:9 Iomraidhean Croise

2 Lacaili 15:7

Ai, kunumi tara kagaranga kakecenge, madha kasulrisulri; kwini awngane numi lri tara kipakalreva.”

2 Lacaili 32:18

Ku la kiasikawlu la arakai ku vaga ki Hiburu akwadrau papia ki yabelenge ki alradre ki cekele ka mapapangale ki swa Yerusalrime tawtau, pakai ku akukuludrane, ku lrika amalremeane lini, si pakaduainga malra kai ki cekele.

Izera 1:6

Kwidra la pasiagiagisi makanaelre la paralubu liniane, malra ku gingi ka lawbubulu, kingi, lalawbubulu, lanilapulapwane, si drumane ka latakuciacingalre ka lamanemane baai liniane, ku drumane la patukudhana ngibabaai patarumara ku saceacebe ki daane ki Tamatama.

Nihimi 6:14

La inulriaku iya kai, “Twaumaseli, kiatubiaku muswane tara pulringava ki Tubia si Sanabalate kudra tapiane lini si pathavungu liniane. Kiatubiaku muswane tara pulringava ki yuginsia ka ababai ka Nuadia si drumane kudra kiadredredreme ku wakukuludru nakwane ka layuginsia.”

Lasenai 138:3

Lu kitubiaku muswane, twabalresu nakwane; arakaisu ku pukusu pakalrumale nakwane.

Lasenai 56:3

Sana ngitulukaku si mukulukuludru, satalwaku muswane.

Lasenai 68:35

Twaumase, lu ikaisu ki Alrivilrivi ka taikaikaiyane matiaukuludrusu turamuru! Ku Twaumase ki swa Iseraylri patarwamara baai ku puku si kindri ki kawkawluini. Kunumi makanaelre drengedrengera ki Twaumase!

Lasenai 71:1

Tamatama, kiatubiaku muswane ku akipalakebane; kiatubiaku muswane madha pamakimaki nakwane.

Isaiya 40:29

Ku Twaumase patarwamara baai ku puku ki kiadulru ku umawmase; Ku Twaumase patarwamara baai ku puku ki siacaemane ku umawmase.

Isaiya 41:10

Madha kakiwcu, yakaiyaku tapalra muswane; Twaumasaku muswane, lri mukuludrwananasu ki manemane? Lri pakakecengaku muswane, si paralubu muswane; lri palakebaku muswane, si palribulu muswane.

Yerimia 38:4

Ku latabebelenge ala katwase mwa kikawriva ki talialalai, amia kai iniane, “Kiatubi nai muswane papacadha kai ki umawmase; asi lwiyane kai lasu pakalrupi kai ki yakai ki cekele ka kwapingi si laumawmase ku akusangane, la amalremenga. Kai lasu kai kiadremedremedreme ku akaesadhane ki mapapangale, kiasanu papacapacai sikakathane liniane.”

Izikile 30:24

Ala lri pasapukwanaku ku alrima ki talialalai ki swa Babilunia, si baai pikai ki alrimaini ku dramuli. Ai, lri ngetelaku ku alrima ki talialalai ki swa Izipiti, kwi lasu lri ikai cucubungu ki badha dadange, si pacai.

Zakaria 10:12

Lri pangiradhekanaku ki kawkawluli; kwi lalasu lri sukubu nakwane, lai lri pasalaladha nakwane. Ku Tamatama amia kikai pelaela.

2 Kurintu 12:9

ai ku Tamatama twabalre nakwane, “Sana ikai muswane ku migemili makakelrete; asi lwiyane kai pukuli ikai ki taturamuranesu athingalane ka sapupukuanenga.” Ngwalai kikai, la pawkalrivilaku kadalame ngitatwadrau kai turamuraneli, ku lrika athingalaneli ala ka palribulribulu nakwane ku puku ki Kirisitu.

Ipisu 3:16

Kiatubiaku ki Twaumase, singikai kudra ngiradhekanane ku lriguini, la ngukai ku patarumara ki Siri ku puku numiane, ala kakeecenge sapukwane kwi bavane ka niake numi.

Ipisu 6:10

Bibiilrilinga, kunumi satalwa ku puku ki Tamatama si kakeecenge ka umawmase.

Pilripi 4:13

Satalu kwidra wabaai nakwane ku puku ka Kirisitu, wadulrwaku kitwalrau tunagame sanaka tangimiane.

Hiburu 12:12

Lakamani, kunumi cidinga kwini kadrwa ku puku ka alrima, la seege kwini twaramuru ka paculru!

1 Pitiru 5:10

Ai, lu kipakwalringa numi kwini edreekane, kwidra amani ku wabaai sanaka migemi ka Twaumase, amani kwidra wadawlu numiane si pangukai ku tamaelreane ki Yesu Kirisitu si mavalavala kisupilri ku palralrawthu ka lrigu ka Twaumase, lri kamani ka pangiamia pakitulrepenge numiane, pakapapedrenge numiane, baai ku puku si pakapapedrenge ku tangadrane baai numiane.

1 Samuile 30:6

Kaiasasane ku Davidi wamwa ki amatikurwane; asi lwiyane kwini lakwapingini sakawlraunga ki lalalake lini, la makitu kipakwalrialri ku kidremedreme, la kirimunga kukuludru papia ki Davidi, si lri arakai ku lrenege papacai iniane. Ai ku Davidi satalu ki Tamatama ka Twaumaseini, kapapedrenge si garangane.