Nihimi 3:3 - Ngudradreadrekadhane Ka Sisiu 魯凱語聖經

³ Ku zuku ki Hasena la raedre ki Kange ka lrawlrawdru. Kwini lalasu la malra ku bulri si saelelebane paraisinga, ala paraisi ku sadrukudrukurane ki lrawlrawdru si aipi, pakai ku sadrukurane ki saelelebane ki lrawlrawdru ki cekele.

Nihimi 3:3 Iomraidhean Croise

2 Lacaili 33:14

Sangilribatenga kikai, ku Manase la aru drima pabelenge ku alradre ki cekele ki Davidi kwini ki tali talrawane ka tali latadre ka balingibingi, twalai valrwalru Gihunge papia tali dradha ka Kange ka lrawlrawdru si talikai cekele Upile. Kwini lasu la mialri ikai ki latalepengane ki Yuda sikawlu ku lakwapingi, lakamani ku kiacapili ki kwapingi ku wasangililuku.

Nihimi 12:39

twalai kwini katwaseana, si ngukakai ki Iparaime ka lrawlrawdru, Yesana ka lrawlrawdru, Kange ka lrawlrawdru, maadrau ka daane Hananile si Bailu, daruru kavai Kiu ka lrawlrawdru. La ikai nai kwini ki lrawlrawdru ki takadrekadrengane ki daane ki Twaumase paliakai ku tadadavacane nai ngithalrilringulu.

Nihimi 2:8

La mialri kiatubiaku ku taingeane ku sapelaelane baai ki tarakadrenge ki angatungatu ki tinuhika ka Asape, kitubi iniane ku apatarumarane ku angatu, ku sapudriadringadhane ki lrawlrawdru ki kepale ki tasukusukubane, alradre ki cekele. Si arakaiyane ki daaneli. Ngwalai ku tatapalrane nakwane ki Twaumase, kudra la kitubili, ku tinuhika la patarumara nakwane.

Nihimi 3:4

Ku agane ki Hakuze, lalake ki Uria ka Meremuthe la pudriadringai ku taluvale. Ku agane ki Misezabile, ka lalake ki Berekia ka Misulame waraedre ki salrawlrawdru. Ku lalake ki Baana ka Zaduke la pudriadringai ki taluvale.

Nihimi 3:6

Ku lalake ki Pasia ka Yuiada si lalake ki Bisudia ka Misulame la tupela ku Yesana ka lrawlrawdru. Kwini lalasu wamalra ku bulri si saelelebane paraisinga, la malra ku sadrukudrukurane si aipi paraisi, pakai kwidra adrukurane ki lrawlrawdru ki cekele.

Nihimi 6:1

Ku Sanabalate, Tubia, Giseme si drumane ka badha sa kilalra ka twalrepengenga nai ku alradre ki cekele, adravane ka takabulrutane kadruanga, (ku patengatengane kai nai paraisiana ku saelelebane ki lrawlrawdru ki samamwa daane ki cekele).

Nihimi 7:1

Kikainga kai balingibingi ki alradre ki cekele nitupudriadringadhanenga pakathariri, laka niparaisanenga kai lrawlrawdru ki cekele; Ku latarakadrenge ki daane ki Twaumase, latarasenai, si ku awngane ki drumane ka swa Lrivi laka mialri ka niapadrudrulranenga tulrepenge.

Lasenai 147:13

Ku Twaumase pakakecenge ki lrawlrawdru ki cekelesu; la subulrubulru ki lalalakesu.

Zipania 1:10

Ku Tamatama amia kai, “Ikai Yerusalrime ki Kange ka lrawlrawdru, ikai cekele ka bavane ka taikaiyane yakai ku lingau ku wakaralealeale, ikai ki lrelrelrege yakai ku lingau ki maburuku.