Nihimi 2:7 - Ngudradreadrekadhane Ka Sisiu 魯凱語聖經

⁷ La kitubingaku ki tinuhika ku akakurwanane si baai nakwane ku pacase ka nidrekasane, sapelaelane ki siwciu ki kadaengane ki Sapakalriwgu Kadravane ka siu palraingi palribate nakwane, mwa kavai Yuda.

Nihimi 2:7 Iomraidhean Croise

Izera 6:6

Ku tinuhika ka Dariwse la patubalre iya kai, “Siwciu ki swa tali Sapakalriwgu kadravane ka siu ka Tatenai, Sethare Buzenai si lakiacapili ki swa Sapakalriwgu kadravane ka siu makanaelre, “Kunumi kidaila kwini ki daane ki Twaumase;

Izera 7:21

“Wadrekasaku pakanaelre ki kumuingi ka taramarasikai ki paisu ikai ki swa Sapakalriwgu kadravane ka siu, pakirarimu baai patarumara kai ki pwalringalringau ki hulrice ki yabelenge ka Twaumase ka tarakinkinkiu ka barakalai ka Izera kudra sanaka murikaini singibila ku lamanemane;

Izera 8:22

Lu kidredremaku, lu kitubiane ki tinuhika ku taingeane ku tarakikaruburu ku ngwarigi palakebe ki kadalranane nai palakebe naiane, ku kaika akikaruburane naiane ki badha yai, matialrumale turamuru; asi lwiyane naamiaku kai ki tinuhika, ku Twaumase nai lri subulrubulru sanaka swadralru iniane ka umawmase, ai kudra wacilri iniane, lri kalisi si pathavungu.

Izera 8:36

Kwini lalasu la mialri malra kudra baai ki tinuhika ku drekase baai ki siwciu ki Sapakalriwgu kadravane ka siu si lakiacapili; kwini lalasu la paralubu ki mapapangale si asukubane ikai ki daane ki Twaumase.

Nihimi 2:9

Ku tinuhika la sikawlu ki lakiacapili ki kwapingi si taingeane ku tara ngurigi ka kwapingi palakebe sateatedre nakwane, ala ngidrakalaku mwa kavai tali sapakalriwgu ki drakerale ka siu. Ikai kwini, la malra kwini pacase ki tinuhika baai ki siwciu.

Nihimi 3:7

Ku swa Gibiungu ka Milatia, swa Mirunuthe ka Yadunge si swakai Gibiungu si cekele Mizepa la raedre ki taluvale, pakela kavai daane ki siwciu ki swa tali Sapakalriwgu ki drakerale ka siu.