Nihimi 2:5 - Ngudradreadrekadhane Ka Sisiu 魯凱語聖經

⁵ ala pelaelaku ki tinuhika, “Lwiyasi la kikathalradhaku muswane, la palraingisu kudra kitubili, ala pasiwlriaili mwa ki kadaengane ki Yuda, mwa ki takidralrekane ki cucungulaneli ka cekele, la nau maka dulru tupela kwini cekele.”

Nihimi 2:5 Iomraidhean Croise

2 Samuile 14:22

Ku Yuabe la usaakene guruthungane icucubungu ki talialalai ka Davidi, kawriva, “Talialalai, ku Twaumase swabulrubulru muswane! Kikai wathingalaku ka kiakilibakaku muswane, asi lwiyane kikai pwakawnusu ku kitubili muswane.”

Izera 5:17

“Kaiasasane, kusu ka tinuhika mathariri luiyasu, ala sikawla ku umawmase lani drele kwini tapacasane ki talialalai ki swa Babilunia, drele ku tinuhika ka Sairuse luka yakai ku tadrekasane tupela tudaane kikai yakai Yerusalrime ka daane ki Twaumase, ala patubalrea, pelaela naiane kusu ka tinuhika kudra takidremedremanesu kikai awngane kai.”

Nihimi 2:4

Ku tinuhika la kivaga nakwane, “Manemane ku murikaisu?” La inulriaku ki yabelenge ka Twaumase,

Nihimi 2:6

Ku tinuhika la palraingi ku takitubianeli, kikwini kwidra, ku labaibai ki tinuhika la icengecenge ikai tapalra iniane. Ku tinuhika la kivaga nakwane lri tarathainusu iya? Lri siwlrisu luigane? La pelaelaku pudriadriingai iniane.

Isetire 1:19

Lwiyasi lu kidremedremesu ka talialalai laka mamamwa swadalepe, ala pulebea ku taingeane ku sadrekasane ki talialalai: Twalainga kikai, kai lri maka kikawrivarivanga ki talialalai kai Vaseti, si malra pacase kikai sadrekasane, tuhulrice ki Perisia si Media, kaika apelanenga palralrawthu. La kusu ka talialalai la malra kikai nagane ki labaibai ki talialalai niyane baai kwidra mathaithariri iniane ku ababai.

Isetire 5:8

“Alaiyasi ka kiapawkalrivilaku kikilibake ki talialalai, la palraingi ku kitubili, kusu ka talialalai si Hamange luiya kelaana kipaelre kudra pasikaili numiane padulru ku angitalekane. Ikai kwini, nau pelaelanga ki talialalai kudra murikaikaili.”

Isetire 7:3

Ku Isetire la tubalre, “Lwiyasi ka kiapawkalrivilaku kikilibake ki talialalai, ala palrainga ku taingeane ku akitubianeli. Kiatubiaku pacepa kai niakeli, la mialri pacepe ki niake ki lasakacekeleli.

Isetire 8:5

“Lwiyasi kipawkalrivilaku kikilibake ki talialalai, lakakalithi nakwane ku talialalai, pacengecenge la iya kai takitutubianeli, ala pulebea ku sadrekasane, la mwalra kwini drekase ki Hamange. Ku lalake ki Hamedatha ka swa Agage ka Hamange kudra pakatwaseini ku drekase lri amudu ki yakai ki kuni sanaka swa Yuda.

Kavagavagane 3:4

Lu piasu kikai, ku Twaumase si umawmase lri kadalame muswane.

Daniele 9:25

Thingala, si pulringalringau: Twalai ku tapelaelane ka drekase ku lrika atupelane ngiradhekane ki Yerusalrime pakeela ku tapilriane si mutaluvaivai ku tarasangililuku, ikai kwini ku angilribatane lri ka pitu ku pitu ka caili. Lri tupela tucekele Yerusalrime, yakai ku kadalranane ki cekele si makecenge ka kepale; lri kakeecenge ku 62 ka pitu ka caili, ai kwini amani ku lrika akwalriane.

Matai 23:27

“Kunumi ka sakaredelane ka ngiakathaithaithariri ka latarabulrubulru ki Sisiu si la swa Palrisai lri kipadradresenge numi ku amatikurwane! Maru amaaninga numi kudra nipaderavane ka tadralredralrekane, ku belenge mathariri lu drelane, ai ku adringi culrale ki wapacai ka umawmase si maburau ka lamanemane.

Ruthe 2:13

Ku Ruthe la tubalre, “Tawki, kialibakelringasu nakwane! Adravane ka asasiakawlane muswane kainaku swadalepe, la pianasu kai kielre si sasa nakwane.”