Nihimi 2:13 - Ngudradreadrekadhane Ka Sisiu 魯凱語聖經

¹³ La katwasaku sakamaungu mulatadre ki cekele, ngukakai ki tali sapakalriwgu ka Vaalru ka lrawlrawdru, la papia tali lrawdru ngukakai ki Berai ka baralebale, daruru ki Tabulubulwane ka lrawlrawdru. La takudadadavacaku, takudredrele kwini ki malalisinga ka alradre ki cekele si kialama kabebetethe ka lrawlrawdru ki cekele.

Nihimi 2:13 Iomraidhean Croise

2 Lacaili 26:9

Ku Uzia arwa pakakecenge ku awngane ku sapalakebane Yerusalrime, ikai ki Piyu ka lrawlrawdru, Valru ka lrawlrawdru si pikiu ki alradre ki cekele wacegecege ku palralramathane palraelre.

Nihimi 1:3

Kwini lalasu la pelaela nakwane: Kwidra laacaicali si panianianiyakeana la siwlri mubalriu ka laumawmase yacengecenge kipadradresenge ku maadrau ku kucingalrane, kiasidrekase ki ngwadadethe ki maelane ka zuku. Kwini lalasu la pelaela nakwane, ku alradre ka kepale Yerusalrime mababurukwana, ku lrawlrawdru ki cekele kaiyana pwadriadringai ku natakilamane.

Nihimi 12:31

Wasarubwaku ki tarasangililuku ki swa Yuda ikai belenge ki alradre, la pasangilukaku liniane tutai drusane ku mapapangale ngithalrilringulu ki cekele dadavace, kiaseasene ki Twaumase. Ku taingeane papia ki tali vanale, ikai belenge ki alradre papia ki Tabulubulwane ka lrawlrawdru si katwase papucucubungu.

Nihimi 2:12

la kainaku pelaela kinaneanenga kudra anipia kwini Yerusalrime iyaiya ki Twaumase nakwane. Saka samakatulrulu ki kabiceacelrakane la ngidrakalaku, mailuku ku tapia kudra papalrali mulatadre si katwase. Kudra mailuku nai ku nilapulapwane kathane kudra ngurigili ka ruba.

Nihimi 2:15

ala katwasaku papulrawlrawdru mwa kavai ki drakerale Kiderunge, la ngurigi luludu ki valrwalru ka drakerale, dredrele ki alradre ki cekele, ala siwlriwlri ngukakai ki natangukakaiyaneli, ngukakai ki Vaalru ka lrawlrawdru si siwlri mwa ki cekele.

Nihimi 2:17

Ai, kaiasasane la kawrivaku liniane; “Wathingale numi kai cubunguli kai makucingalre, ngwalai kikai aubulanenga kai Yerusalrime, la kilama si kalalisinga kai lrawlrawdru ki cekele. Bwala tatupela kai alradre ki cekele, amani lu peelangata kitusinalrelreme!”

Nihimi 2:3

si tubalre, “Kusu ka talialalai banzai! Kudra takidralrekane ki cucungulaneli ka cekele kiapakababuruku, ku lrawlrawdru ki cekele la kilamanga, tumanaku dulru kai kipakwalri?”

Yerimia 5:10

Lri dawlaku ki badha si amudu ku babudubudu ki kawkawluli, ai kainaku lri pakisalru kabebetethe. Lri pacalrigaku pulebe ku ricingi ki angatu ki budu, asi lwiyane kikai laricingi kaika nakwanenga.