Nihimi 2:12 - Ngudradreadrekadhane Ka Sisiu 魯凱語聖經

¹² la kainaku pelaela kinaneanenga kudra anipia kwini Yerusalrime iyaiya ki Twaumase nakwane. Saka samakatulrulu ki kabiceacelrakane la ngidrakalaku, mailuku ku tapia kudra papalrali mulatadre si katwase. Kudra mailuku nai ku nilapulapwane kathane kudra ngurigili ka ruba.

Nihimi 2:12 Iomraidhean Croise

Izera 7:27

Ku Izera amia kikai, “Ku Tamatama ka Twaumase ki cucungulaneta anikidrengedrengere! Pangiakakamani ki tinuhika arakai ku miyaiya kikai pangiragelane ka Yerusalrime ka daane ki Tamatama.

Nihimi 2:11

Sa daruraku Yerusalrime, ikai kwini makatulrulu,

Nihimi 2:13

La katwasaku sakamaungu mulatadre ki cekele, ngukakai ki tali sapakalriwgu ka Vaalru ka lrawlrawdru, la papia tali lrawdru ngukakai ki Berai ka baralebale, daruru ki Tabulubulwane ka lrawlrawdru. La takudadadavacaku, takudredrele kwini ki malalisinga ka alradre ki cekele si kialama kabebetethe ka lrawlrawdru ki cekele.

Lasenai 122:6

Pasikaiya Yerusalrime kitubi ku rathudane: Ku madalame muswane ku umawmase ani ngiradhekane makanaelre.

Lasenai 51:18

Twaumase, kiatubiaku muswane arakaiya ku thalradhane marasikai Ziyungu; kiatubiaku muswane tupela raedre ku balingibingi ki cekele Yerusalrime.

Kavagavagane 12:23

Ku saawlrwane ka umawmase kai paathingalane ku lrigilane; ai ku makukulrungu ka umawmase athingalane ku kulrungane.

Wabulru 3:7

yakai ku athiracane, la ikai ku acakupane; yakai ku aisaselebane, la ikai ku akawrivane;

Yerimia 31:33

Ku bavane ka samakaketeketaneli ki swa Iseraylri miyaiya kai: Ku hulriceli lri pikaiyaku ki tuku lini, pacase pikai ki belenge ki kidremedreme lini. Lri a Twaumasaku liniane, kwi lalasu lai lri akawkawlu nakwane.

Yerimia 32:40

Lri kiketeketaku liniane tupalralrawthu, si kai telrai pasikai ku angiesadhanane lini, kwi lalasu lani savaevanga ku kidremedreme lini musakene mukuludru nakwane, si kai baebalrenga nakwane.

Amuse 5:13

Ikai kai ki ngialisianenga ka zidai, tharepane kikai talrilrigili kai umawmase kai avavagavaganga.

Mika 7:5

Kunumi madha kasalrusalru ki pasiagiagisi numi, la madha kipawtengatenga ki talrailragi numi, adravane lu kawrivasu ki taelrelresu wadradrele madu.

Matai 10:16

“Dradreela! Lri sikawlaku numiane pakatwase, mia kudra ki lri kisatedre pwa ki taikaikaiyane ki tawpungu ubulane ka kiu. Kunumi yai ngialrava ki sulrau kalrigili, la ngialrau ki tavagu kasulrapele.

Matai 2:14

Ku Yusepe la katwase, takamaungane mailuku ki lamatina mwa Izipiti mubere, si ikai kwini,

2 Kurintu 8:16

Maelanenga ki Twaumase, pakiasamula ki Titu mia naiane parake turamuru paralubu numiane.

Yesua 10:9

Ku Yesua la mailuku kwini ki lakwapingi takamaungane twalai Gilegale kisaswarau mwa ka Gibiungu, kikaruburu kwini ki swa Amuri.

Nipadrelane 17:17

Asi lwiyane ku apiane ki Twaumase ku takidremedremaneini lri pikai kwini ki kidremedreme ki tamangeale ka talialalai, lai lri maramaraamau ku takidremedremane lini, ku sarathudane ku puku lini lri baai kwini ki waudriwdripi, pakela ku angimiane ku vaga ki Twaumase.”

Tamagarange 6:27

Ku Gidiunge la iluku ku tamangeale ku sasiakawlu, paluludu ku cunu ki Tamatama iniane katwase pia. Kwini lasu mwakuludru ki wacekecekeleini si laumawmase ki cekele, la kai lreme pia ikai ki vaiyane, lakamani sakamaungunga pangimia.

Tamagarange 9:32

Lakamani kwidra, kusu takamaungana sangiluku ki lakwapingisu si lepenge ikai lrilringulu cekele,