Nihimi 13:5 - Ngudradreadrekadhane Ka Sisiu 魯凱語聖經

⁵ Kwini lasu la palraingi ki Tubia pikai kwini ki swaadrau ka taikaikaiyane, kwini taikaikaiyane natapikaikaiyane ku saarakaikaiyane ku lataleke si sapasangulrelremane; lalawbubulu ki daane ki Twaumase, ka abaadhane ki barakalai ku sapatarumarane, abaadhane ki swa Lrivi, ki tarasenai ki daane ki Twaumase, tarakadrenge ki daane ki Twaumase ku nipatarumarane ka ziwbunuici (Amani kwidra ziwbunuici twalai ki lataleke, bava, lawlau ka ulrive).

Nihimi 13:5 Iomraidhean Croise

2 Lacaili 31:11

Kwini lalasu pasusu ku tadrekasane ki talialalai ikai ki daane ki Tamatama padulru ku drawsulu.

2 Lacaili 34:11

daikusange si taratudaane mwa langai ku lalrenege, angatu tupudriadringai ku takalisianenga ki daane ki Twaumase, amani kwidra kaika maka pakilibake ki latalialalai ki swa Yuda si kalalisi.

Nihimi 10:36

Kunai ka tangeea lri singikai nai ki hulrice ku takelretane malra kwini ki takatakanga ka sawvalai ka lalake iluku mwa ki daane ki Twaumase ki barakalai ka marasiakaikai kaungu ki Twaumase, si patarumara ki Twaumase, la mialri malra ku aswalalanga kitulalake ka lrulai ka lwange si nikiubawbalane ka kiu si kakiuane mailuku patarumara ki Twaumase.

Nihimi 10:37

Ki caicaili, lri malra nai kudra nilrevegane kudra aswalalanga ka lataleke mailuku mwa ki daane ki Twaumase kavai ki barakalai, la mialri malra ku bava, lawlau ki ulrive si makaelaela ka madru ki angatu patarumara. Lri malra nai ku nikitalekane ku ziwbunuici iluku baai ki tara malra ku nipatarumarane ku ziwbunuici ka swa Lrivi.

Nihimi 10:38

Lu malra ku ziwbunuici, ku lamwabaibalrithi ki Arungu ka labarakalai lri taelre ki swa Lrivi, kwini swa Lrivi ala lri malra ku ziwbunuici kwini ki nipatarumarane ka ziwbunuici, iluku mwa ki taseketane ki daane ki Twaumase, tusarakaiyane ki daane ki Twaumase.

Nihimi 12:44

Sakamani kwidra, yakai ku laumawmase ku kiasikawlu drangalru ki drawsulu, amani kudra tapikaikaiyane kudra aswalalanga kabea ka lataleke si madru si niziwbunuiciane. Kikai laumawmase kiacapili ku twalai ki ngwadadethe ki cekele ku umawma singikai ku takelretane ki hulrice sarubu ka abaadhane patarumara ki labarakalai si swa Lrivi. Ku mapapangale si swa Yuda makanaelre ngwalwadhane ki labarakalai si swa Lrivi ka umawmase.

Nihimi 13:7

siwlri mwa Yerusalrime. Ala thingalaku kikai ku Ilriasibe ala ka payakaikai ki Tubia kikai swadradrau ka taikaikaiyane ikai ki daane ki Twaumase ka ngialisiane ku tapianeini.

Izikile 40:38

Tali latadre ka kalatadrane yakai ku vaeva ku cakarane, mararaisi ki papia tali daane ka kalatadrane tali dradha lrawlrawdru ki lrawlrawdru ka ruka, ka tasinasinavane ki waudriwdripi ki Lama ka lrisi.