Nihimi 13:16 - Ngudradreadrekadhane Ka Sisiu 魯凱語聖經

¹⁶ La ikai ku twalai cekele Tayre ku yakaikai Yerusalrime, kwini lalasu la malra ku kange si lamanemanenga iluku mucekele, la ikai ki Taisadrasadrane ka vai kilangai ki mapapangale nai.

Nihimi 13:16 Iomraidhean Croise

Nihimi 13:15

Ikai kwini ki lavai, wadrelaku ikai Yuda saka Taisadrasadrane ka vai pepee ku budu, la ikai ku umawmase ku wamalra ku lataleke, bava, budu, icizike si drumane ka lamanemanenga pasiamece ki ruba, salri pwa kavai Yerusalrime. La pakipapawlringavaku liniane madha ikaikai ki Taisadrasadrane ka vai thathathakai iya.

Nihimi 13:17

La kaelaelaku ki lakiacapili ki swa Yuda iya kai, “Anu maka thuru pia kikai ngialisiane pasalriu ki Taisadrasadrane ka vai?

Takatwasane Izipiti 20:10

ku samakapitulu yai nipakitukudhane ka Taisadrasadrane ka vaili, ka nakwane ka Tamatama ka Twaumasesu. Kikai vai kai, adravane ka amanisu, ka lalakesu, ka durisu, ka lanilapulapwane, ku saliakaikai ka maelane ka zuku, kai lri maka kaungu.

Takatwasane Izipiti 23:12

“Kaunga makanemele. Luka samakapitulu madha kauawngu, kwini ki laduri si pasiakaikai muswane kaungu ka lasingibadhane, adravane kwini la nilapulapwane, lri isaadra makanaelre.

Tapelane Drekase 5:14

luka samakapitulu nipakitukudhane ka nakwane ka Tamatama ka Twaumasesu ka Taisadrasadrane ka vai. Kikai vai kai, adravane ka amanisu, ka lalakesu, ka durisu, ka lwange si rubasu, lanilapulapwane si la yakaikai kwini ka singibadhane ka umawmase, lri kai maka kaungu. Ku durisu lri mia muswane isadra.