Nihimi 13:10 - Ngudradreadrekadhane Ka Sisiu 魯凱語聖經

¹⁰ La kilalraku kudra tarasenasenai ikai ki daane ki Twaumase si drumane ka swa Lrivi ka matwasenga Yerusalrime, si siwlri mwa ki yaumawma ki daane lini, asi lwiyane ku mapapangale kai makakelrekelretenga ku babaai lini ku akaneane ku sacekecekelane lini.

Nihimi 13:10 Iomraidhean Croise

2 Lacaili 31:4

Ku drumane, ku talialalai wacunu ki mapapangale ki swa Yerusalrime mailuku kudra amalrane lini ku nipatarumarane ki barakalai si swa Lrivi, ku amaka dulrwane lini kipasavidhi kipuawngane ku kelrete ki hulrice ki Tamatama.

Nihimi 10:37

Ki caicaili, lri malra nai kudra nilrevegane kudra aswalalanga ka lataleke mailuku mwa ki daane ki Twaumase kavai ki barakalai, la mialri malra ku bava, lawlau ki ulrive si makaelaela ka madru ki angatu patarumara. Lri malra nai ku nikitalekane ku ziwbunuici iluku baai ki tara malra ku nipatarumarane ku ziwbunuici ka swa Lrivi.

Nihimi 10:39

Ku mapapangale ki swa Iseraylri si swa Lrivi lalri malra kwini nipatarumarane ka lataleke, bava, lawlau ki ulrive mailuku si pikai ki taseketane ki la takaiyane ki daane ki Twaumase, ka amani kwidra taikaikaiyane ki yacengecenge kipuawawngane ka labarakalai, tarakadrenge ki daane ki Twaumase, si tarasenai ikai ki daane ki Twaumase. Kai nai lri dulru kai marasikai ki daane ki Twaumase nai.

Nihimi 12:47

Saka zidai ki Zerubabele si zidai ki Nihimi, ku swa Iseraylri ki vaivai lri tara satedre ku saceacebe baai ki tarasenai ikai ki daane ki Twaumase si tarakadrenge ki daane ki Twaumase. Ku mapapangale wabaai ki swa Lrivi kudra naika talikaai lini ku nipatarumarane paka taingeane, ku swa Lrivi ala baainga ki labarakalai kudra naika talikaai lini ku taingeane.

Isaiya 43:23

Kaisu patarwamara nakwane ku Lama ka lrisi ka kiu, la kaisu patarumara ku usakenane nakwane ku sapatarumarane. Kainaku kiatubi ku sapatarumarane ku waudriwdripi, si padrima ku amecesu, la kainaku kitubi ku akibaadhane ku sangwalreme, si kaisu maka pangimia.

Malaki 3:8

Nau kivaga numiane: Kai umawmase lri dulru tavuvulrucu ki Twaumase? Lri kai maka dulru! Ai watavuvulrucu numi nakwane. La kivaga numi iya kai, ‘Watumane nai tavuvulrucu muswane?’ La iyaku kai, watavuvulrucu numi ikai ki apatarumarane ku ziwbunuici si sapatarumarane ka lamanemane.

Taasipane 35:2

“Kusu cuna ki swa Iseraylri, malra patwalai kwini ki cungulu lini, si vala ki swa Lrivi ku taipiane ku cekele si tapagwagwane lini.

Tapelane Drekase 12:19

Kunumi tara pulringava, ikai kwini ki taikaiyane ki kadaengane numi, madha karimurimuru ki la swa Lrivi.