Nihimi 11:16 - Ngudradreadrekadhane Ka Sisiu 魯凱語聖經

¹⁶ Sabithai si Yuzabade, kai lalasu amani ku mwakalrivili turamuru ka swa Lrivi, tarakadrenge ki ngwalalatadre ki daane ki Twaumase ka awngane.

Nihimi 11:16 Iomraidhean Croise

1 Lacaili 26:20

Ku drumanenga ku swa Lrivi wadrangalru ki tapikaikaiyane ku takuciacingalre ka lawbubulu si tapikaikaiyane ku lanipatarumarane ki daane ki Twaumase.

1 Lacaili 26:29

Ikai ki lamwabaibalrithi ki Izehare, ku Kinania si lalakeini kiasikawlu kicapili ki ngwakai ki lapacase ka awngane: Marasikai ki apudriadringadhane ku nipacasane, marasikai ku aturathudanane ki la makaririvu ki swa Iseraylri.

Izera 10:15

La palraingi makanaelre kikai apangimiane, la kakathane ku lalake ki Asahele ka Yunathange si lalake ki Tikeva ka Yahezi ka kai palraingi; kwini lalasu la ikai ku Misulame si swa Lrivi ka Sabithai ka paralubu liniane.

Izera 8:33

Saka samakasupatele, la mwa nai ki daane ki Twaumase, la tintingi ku lakingi, lagingi, si latakaiyane, ala malra si baai ki lalake ki Uria ka barakalai ka Meremuthe. Kudra taelre iniane, yakai ku lalake ki Pinehase ka Ilriazare si tadrusa ka swa Lrivi ka lalake ki Yesua ka Yuzabade si lalake ki Binui ka Nuadia.

Nihimi 11:15

Swa Lrivi: Simaia ka lalake ki Hasube, agane ki Azerikame. Ku cucungulaneini yakaiyana ku Hasabia si Buni.

Nihimi 11:17

Matania ka lalake ki Mika, agane ki Zabedi, mwabaibalrithi ki Asape. Kai lasu wasangiluku ki tarasenai ki daane ki Twaumase senai ku sakiaseasenane ka inulri. Bakebukia amani ku taraparalubu ki Matani. Abeda ka lalake ki Samwa, agane ki Galale, ka mwabaibalrithi ki Yedutune.

Nihimi 8:7

Sakabilrilinga, la ngidrakale ku mapapangale, si acegecege ikai ki aikaiyane lini, la ikai ku la swa Lrivi ku papia liniane swaceacenge ki hulrice. Kikai laumawmase amani ku Yesua, Bani, Serebia, Yamingi, Akube, Sabithai, Hudia, Masia, Kilrita, Azaria, Yuzabade, Hanange si Pilaia.