Nihimi 1:9 - Ngudradreadrekadhane Ka Sisiu 魯凱語聖經

⁹ ai lwiyasi la siwlri numi mwa kai nakwane si paluludu ku drekaseli, lri ililukaku numiane kainganai siwlri; adravane ka kiaravase numi mwa kidruanga kai kawmasane, lri mialriaku sangiluku numiane siwlri mwa kai ki kadaengane ka pilrili ka taikaiyane sukubu.’

Nihimi 1:9 Iomraidhean Croise

1 Latalialalai 8:48

Lwiyasi la ikai kwini si ka patengatengane pasingikidremedreme ngitatupela, la cubungu papia kikai ki kadaengane ka baaisu ki cucungulane nai papia muswane si inulri, cucubungu kai ki pilrisu kai cekele si pasikaili muswane tudaane ka daanesu inulri,

1 Latalialalai 9:3

Ku Tamatama la kawriva iniane, “Kialalranga naku ku inulrisu. La malraku kikai ki tudaanesu ka daane ki Tamatama pawkalrivili tusaniange, kamaninga ku akapalralrawthane ka taikaiyane sukubu nakwane; lrika tadrangalrwaneli iniane, palakebe iniane.

1 Lacaili 16:35

Papia inane iya kai, Twaumase ka Takipalribulribulane nai, kiatubi nai muswane palribula naiane! Kiatubi nai muswane patwaladha ki lakuni malra sangiluku pasiwlriwlri naiane, La nai maka kiaseasene muswane, nai drengedrengere ku saniange ka naganesu.

Izera 6:12

Lwiyasi ikai ku talialalai ku mapapangale ku twapela kikai nidrekasane, si kisanu kabebetethe kikai daane ki Twaumase, kudra amani ka wapilri Yerusalrime tutasukusukubane iniane ka Twaumase ani malra amudu kwini ki umawmase. Kunaku ka Dariuse peaelaelaku kikai drekase, tara pudriadringadha pasusu.”

Lasenai 106:47

Tamatama ka Twaumase nai, kiatubiaku muswane palribula naiane. Kiatubiaku muswane patwaladha ki lakuni ililuku naiane siwlri kainganai, la nai dulru drengedrengere ku saniange ka naganesu, lani ka lrigu nai kiaseasene muswane.

Lasenai 107:3

twalai tali talrawane, sapakalriwgu, tali lrawdru, tali dradha, twalai ki lakuni ililuku numiane kainganai.

Lasenai 147:2

Ku Tamatama twapela Yerusalrime; wasarubu kainganai ki matwase acaicali ka swa Iseraylri.

Isaiya 11:12

Ku Tamatama lri pubelenge ku kalralradha, ku lakuni lai lri thingale ala ka wasarubunga ki yakai kidruanga ki swa Iseraylri si swa Yuda, si ililuku liniane siwlri mubalriu.

Isaiya 27:12

Laumawmase ki swa Iseraylri, lu kelanga kwini ki vai, ku Tamatama lri twalai kadravane ka Yuparati mwa ka pagisane Izipiti nguvavaeeva alra sarubu numiane, mia lu malra apauvagai ki mugi si lrapi.

Isaiya 56:8

Kudra waililuku pasiaulri mubalriu ki acaicali ki swa Iseraylri ka abebeelengenga ka Tamatama napwakawnunga kudra ki drumane ka laumawmase kalri mialri kidrarulu kiredelane liniane.

Yerimia 12:15

Ai, lu akucunga naku liniane, lri pelana naku kakalithi liniane, ku lrika asiwlrianeana lini mubalriu.

Yerimia 3:14

“Kai saliakavaeva ku kidremedreme ka kawkawlu, bwala siwlria! Amaniaku ku tawki numi. Lri patwaladhaku ki sanaka cekele pilri ku tangea ku umawmase, patwalai ki lamaretetese pilri ku tadrusa ku umawmase, si ililuku siwlri mu Ziyungu lregelrege.

Yerimia 31:10

Ku Tamatama amia kai: Sanaka kuni, kunumi kiraraketa kilalra ku vagali, kunumi lri ikai numi adaaili ki kabicelrakane ki laveke ka kadaengane pelaela kai vagali. Pakatwasaku pasarau ki kawkawluli, ai lri pelanaku sarubu liniane; lri palakebaku liniane, mia ki taraagwagu lu palakebe ki lakiu.

Yerimia 32:37

Sa icengecengaku kalisilisi pakatwasaku ki kawkawluli pwa ki lakuni. Kikainga lri patwaladhaku ki lakikwini malra sarubu liniane, si ililuku liniane siwlri kainganai, lai lri ikai kai kasulivaliivate cekecekele.

Yerimia 6:22

Ku Tamatama amia kikai, “Yakai ku vaeva ka minzuku kulri twalai tali dradha kainganai; yakai adaili ka garagarange ka kuni padulrudulru ku akikaruburane.

Izikile 14:6

“Lakamani, lri pelaelasu ki swa Iseraylri, amiaku kaika abebeelengenga ka Tamatama: Bwala siwlriwlria! Cilria ki samiamiange numi, cilria kwini ki lamatiavalracevace ka lamanemane!

Izikile 36:24

Lri patwaladhaku ki lakuni si kidruanga malra sarubu pataelre numiane, si ililuku numiane siwlri mubalriu.

Lrivi 26:3

“Alaiyasi paluludu numi ku hulriceli, si paluludu ku padradrekaseli,

Zakaria 8:7

Ku Tamatama ka abebeelengenga ki sanaka kwapingi amia kai, “Lri patwaladhaku ki takiravasane ki lakawkawluli palribulu liniane,

Matai 24:31

Ku lingau ki rapa lri kwadrau elraelrange, kwini lasu lri sikawlu ki sasiakawlu belenge pamwa sanaka ininunga, lri patwalai ki talrawane kai kawmasane pakela ki talriwgane kai kawmasane, si sarubu ku pilrini ka laumawmase.”

Tapelane Drekase 12:21

Lwiyasi la itali adaili numiane kwini pilri ki Tamatama ka tapikaikaiyane sukubu, lri singikai numi kwini taiyaneli, malra kwini baai ki Tamatama numiane ka lwange si kiu culu, la ikai kwini ki taikaiyane numi ngisasingikai ku kadalame numi kane kwini beate ki lwange si kiu.

Tapelane Drekase 12:5

Patwalai kwini ki taikaiyane ki lazuku, ku Tamatama lri pilri ku taluvaale ku nipawkalrivilane ka taikaiyane, ku lrika aikaiyane kwini ki laumawmase sukubu iniane.

Tapelane Drekase 30:1

“Kaiasasane, lri papilriaku numiane ikai ki kiasubulrubulru si kiapusu. Sangilribatenga kikai laamatikurwane demedeme, sa ikai numi kudra tapacaicaliane numiane ki Tamatama ka Twaumase numi ka lakuni, lri ngulringau numi kudra baaili numiane ku apilriane.