Nihimi 1:7 - Ngudradreadrekadhane Ka Sisiu 魯凱語聖經

⁷ Waraanau nai aralisiane kieceecebe muswane, kai paluludu ku padradrekasesu, kai wakatheme kudra patarumarasu pangukai ki sasiakawlusu ka Musi si pelaela baai naiane ku hulrice si sabulrwane.

Nihimi 1:7 Iomraidhean Croise

1 Latalialalai 2:3

Kusu paluluda ku drekase ki Tamatama ka Twaumasesu, pasalaladha patuelre sanaka hulrice ka padradrekaseini, ka amani kwidra nipacasane ka drekase pikai ki hungu ki hulrice ki Musi. Lumia kikai, adravane lu papiasu inukidruanga, sanaka tatumananesu singibila lri tara pangiesaisu.

2 Lacaili 25:4

Ai kwini lasu kai papacai kwini ki lalalake lini, ai singiakaai ku drekase ki Tamatama pikai ki hulrice ki Musi, “Ku marudrawdrange kai lri ngwalai ki tapasalrivane ki lalalake si kipapacai; ku lalalake la mialri kai lri ngwalai ku tapasalrivane ki marudrawdrange si kipapacai. Ku tangeea lri ngisasiamece kudra tapasalrivaneini.”

2 Lacaili 27:2

Ku Yuthame twalralrau ki tamaini ku kakudhane, pia ku mathariri lu drele ku Tamatama, kwini lasu kai kiapaelrelre ku sukusukubu ikai ki daane ki Twaumase. Ku mapapangale thadaalrane pasalrisalriu.

Izera 7:6

Ku Izera amani kudra makalra turamuru ku thingaleini ku kibulruini, makapwalringalringau turamuru kudra baai ki Tamatama ka Twaumase ki swa Iseraylri ki Musi kudra hulrice. Asi lwiyane ku Tamatama ka Twaumaseini swabulrubulru ki Izera, kudra kitutubi ki Izera ki tinuhika sanaka manemanenga, ku tinuhika palraingi iniane.

Lasenai 106:6

Mararamau nai ki cucungulane nai pasalriu makanaelre; manganganga nai makanaelre.

Lasenai 89:31

kwi lalasu alaiyasi cilri kidaili ki sabulrwaneli, si kai paluludu ku padradrekaseli,

Lasenai 89:32

lri ngwaladhaku ki pasalrivane lini si pathavungu liniane; lri ngwaladhaku ku tapasalrivane lini si lrumai liniane.

Isaiya 1:4

Kikai manganga pasalrisalriu ka kuni, kikai ngialisiane kanganga ka laumawmase, lri matikuru numi! Wacilri numi ki Tamatama, si tudrekase ki saniange ka Twaumase ki swa Iseraylri, la lreme numi baebalre si cilri iniane.

Daniele 9:11

Sanaka swa Iseraylri wabaebalrenga ki hulricesu makanaelre, kadrwa ku kialalra paluludu muswane. Pasaalriwnga nai muswane. Ngwalai kikai, kudra nipacasane pikai ki hungu ka hulrice ki sasiakawlusu ka Musi ku sapuswane wamwanga ki kinawmasane nai patuelre.

Daniele 9:13

Wamalrasu kudra nipacasane ikai ki hulrice ka hungu ki Musi patuelre ku sapathavungane si pulebe pikai ki kinawmasane nai patuelre. Ai, Tamatama ka Twaumase nai, pakeela kaiasasane, kai nai matwaseana kidaili ki pasalrivane, si paluludu ki patengane ka sabulrwanesu, si pakiragai muswane.

Husia 9:9

Kilakikai umawmase maadrawnga turamuru ku pasalrivane, mia kunadruma kai lalasu sa ikai Gibia. Ku Twaumase lri tara pulringau ku pasalrivane lini, si pathavungu liniane.

Lrivi 27:34

Kikai lakakudhane amani ku Tamatama ka yakai lregelrege ka Sinai si baai ki Musi si papia ki swa Iseraylri pelaela liniane.

Zipania 3:7

Sakamani kwidra lu kidremedremaku lri tara usaakene nakwane kai lakawkawluli, si tarumara kai sakaelaelaneli, si kai karimurimuru kai sabulrwaneli liniane palralrawthu amiaku. Aneane ku wathingale kai tarathainu ku tangilribatane, la utaluvaiivainga kudra sakwa ka tangimiamiane lini.”

Malaki 4:4

“Pulringava ku bulru ki sasiakawluli ka Musi, kamani kudra baaili iniane ikai Hurebe lregelrege, ka apaluludane ki swa Iseraylri makanaelre ka padradrekase ka hulrice.

Tapelane Drekase 4:1

Sakabilrilinga, ku Musi pasapukwane ki swa Iseraylri iya kai, “Kunumi kilalra ku bulruli numiane ku tinukakudhanane si nikelretane, lu mia kikai, lri tara panianiake numi, si sakadaenganane ku patarumara baai numiane ki Tamatama ka Twaumase ki cucungulane numi.

Tapelane Drekase 4:5

“Pasuswaku ku drekase ki Tamatama ka Twaumaseli, si malra nguelre ku tinukakudhanane si lanikelretane si bulru numiane; ikai numi ki lrika adrikisane numi ka kadaengane tara pasusua.

Tapelane Drekase 5:1

Ku Musi la sarubu payelrelre ki mapapangale ki swa Iseraylri, si kawriva liniane, “Kunumi ka swa Iseraylri! Kiraraketa si pudriadringai kilalra kai apelaelaneli numiane kai hulrice si lanikelretane ka kakudhane. Kunumi kibulrua, si ka patengatengane pasusu.

Tapelane Drekase 6:1

“Ku Tamatama ka Twaumase numi wadrekase nakwane malra kikai lahulrice si ladrekase tusabulrwane numiane, lanu maka pasusu ikai kwini ki lrika adrikisane numi ka kadaengane.

Nipadrelane 19:2

Ku sasaibanganeini patengatengane ka madringelrese! Asi lwiyane wasaibangenga kwidra ki arakai ku takapairairanganeini si pangilisilisiane kawmasane ka ababai, si pathavungu ku pasalrivaneini ku tapapacadhane ki sasiakawlu ki Twaumase.”