Nihimi 1:4 - Ngudradreadrekadhane Ka Sisiu 魯凱語聖經

⁴ Sa kilalraku kilakikai, la neneaku si kipakwalri turamuru alralrese. Watubiaku maka kalrale, kai kane ku akaneane. La inulriaku ki Twaumase iya kai,

Nihimi 1:4 Iomraidhean Croise

2 Samuile 12:16

Ku Davidi la kitubi ki Twaumase ku apawdringadhane ki vavalake. Kwini lasu la laisi, lukamaungu la mudaane ki daaneini, taleare apece ikai daedae.

2 Latalialalai 22:19

la icucubungusu nakwane ngitatualebe ngitatupela. Sa kilalrasu sa pakipapawlringavaku kalri pathavungaku ki swa Yerusalrime si mapapangale, lai lri amatiukuludru ka takipuswane ka kadaengane, wathuriacesu ku laimai, si papia nakwane tubi, la kilalraku ku inulrisu.

2 Lacaili 6:13

(Ku Sulumungu napapia ki umawmase tutapikaikaiyane ka lriwlu si pikai kabicelrakane ki kalatadrane, ku lragiane drusa ka mituru si drusa ka kuncunge, ku ngulapane drusa ka mituru si drusa ka kuncunge, ku abelengane vaeva ka mituru si tulru ka kuncunge. Ku Sulumungu la acegecege ikai taibebelenge, yakai ki adulrwane kidrele ki laumawmase pidruru si papia belenge ciliki pakadrusa ku alrima.)

Izera 1:2

Kikai yai amani ku drekase ki tinuhika ki swa Perisia ka Sairuse: Ku Tamatama ka yabelenge ka Twaumase wabaai nakwane ku arathudaneli kai kawmasane; pakamani nakwane ku yakai Yerusalrime ka Yuda pasikai iniane cegecege ku taluvaale ku daane ki Twaumase.

Izera 10:1

Ku Izera sa ikai ki daane ki Twaumase cucubungu guruthungane icakena inulrinulri, si tubitubi, ngipapelaelaela kikai lapasalrivane, yakai ku twaredelane ku swa Iseraylri, matala sawvalai labaibai si lavavalake, isarubu ngithalringulu iniane, la tubitubi kwalrialri.

Izera 9:3

Sa kilalraku kikai, la tubiaku si thuriace ku laimai, la gucugucaku kai isiuli si ngisingisili, si nene kwalri tubitubi.

Izera 9:5

Sa patarumaramara ku maungane ku sapatarumarane, la ngidrakalaku twalai ki tatubianeli, si silaimaiyana kudra thuriaceli ku laimai, la pidruraku, sege ku alrima papia ki Tamatama ka Twaumaseli inulri.

Nihimi 2:20

La tubalreaku, “Ku yabelenge ka Twaumase lri pangimia kai awngane nai. Sasiakawlu nai iniane, lri pathagilinga nai kaungu. Kai numi ka swakai kai Yerusalrime, kadrwa ku tacekecekelane numi kai Yerusalrime.”

Nihimi 2:4

Ku tinuhika la kivaga nakwane, “Manemane ku murikaisu?” La inulriaku ki yabelenge ka Twaumase,

Lasenai 102:15

Sanaka kuni lri musakene mukuludru ki Tamatama; kai kawmasane sanaka talialalai lri mukuludru ku pukuini.

Lasenai 136:26

Kiaseasena ki Twaumase ka yabelenge; ku sakialibakeini lri ikai palralrawthu.

Lasenai 137:1

Lu nene nai ikai babiabila ki kadravane Babilunia, sana kidredreme nai Ziyungu twavasavase kai lrese nai tubitubi.

Daniele 10:2

Sakamani kwidra, kwaku ka Daniele watubiaku taratulru ka niciwbi.

Daniele 2:18

Kwi lasu kiatubi liniane ku apapiane ki yabelenge ka Twaumase inulri, kitubi iniane ku akakalithane, si pelaela ku kaika athingalane ka matiasamaimali kikai sipi, kwi lalasu lani kai karededele ki drumane ka latakivagane ki swa Babilunia kipapacai.

Daniele 9:3

Walaisaku, si silaimai ku kaimadhane, la nene ikai ki thuvugu, la cucubungu ki Tamatama ka Twaumase papiapia iniane inulri.

Yuna 1:9

Ku Yuna la tubalre iya kai, “Swa Hiburuaku. Mwasakenaku si mukuludru ki Tamatama, ka yasubelebelenge ka Twaumase, amani ku Twaumase ka wabekace ki laveke si kadaengane.”

Zipania 3:18

lri mia ki umawmase ka twalrisisisi ku sakiaragai. Ku Tamatama amia kai: Paliakainga naku ku amatikurwane ka sapapacai, si mwalranga kudra kiarubwananesu.

Ruma 12:15

Twapapalra madu kiraragai ku kiaragaragai ku umawmase, la tupapalra madu tubi ku watubitubi ku umawmase.