Nihimi 1:3 - Ngudradreadrekadhane Ka Sisiu 魯凱語聖經

³ Kwini lalasu la pelaela nakwane: Kwidra laacaicali si panianianiyakeana la siwlri mubalriu ka laumawmase yacengecenge kipadradresenge ku maadrau ku kucingalrane, kiasidrekase ki ngwadadethe ki maelane ka zuku. Kwini lalasu la pelaela nakwane, ku alradre ka kepale Yerusalrime mababurukwana, ku lrawlrawdru ki cekele kaiyana pwadriadringai ku natakilamane.

Nihimi 1:3 Iomraidhean Croise

1 Latalialalai 9:7

lri malraku ki kawkawluli ka swa Iseraylri patwalai ki baaili liniane ka kadaengane pakatwase liniane, si cilri kikai natusaniangeli, ka tasukusukubane nakwane ka daane ki Twaumase. Ku laumawmase lri makitu ulralrakai ki swa Iseraylri, si tudrekase liniane.

2 Latalialalai 25:10

Kwini lakwapingini la buruku ku alradre ki cekele.

2 Lacaili 36:19

Kwini lasu wapwa lama ki daane ki Twaumase si daane ki talialalai si yakai daane ku latinukucingalrane ku lawbubulu, la baburuku ku alradre ki cekele.

Izera 2:1

Takaalra ku acaicali ku umawmase ku matwasenga ka tali Babilunia, siaulri mwa ka Yerusalrime si Yuda, la katwase mwa ki cekele lini. Kikai laumawmase si lawacekecekele lini twalai ku taravasane si emenge liniane ki talialalai ka Nibukadenezere, yakaainga kavai Babilunia acaicaicali.

Izera 5:8

“Naika peaelaela nai muswane ka tinuhika, wamwa nai ka Yuda ka siu, la drele nai kwini daane ki sanianiangenga ka Twaumase la icengecenge tupelaela tudaane. Kikai daane ki Twaumase arakai ku tadradrau ku lrenege tupudriadringai, la ikai ku tadradrau ku bulri paraedre ki balingibingi. Kikai awngane ku tapiapiane tinupudriadringadhane turamuru, si kasulialialivate ku takaungane.

Nihimi 11:3

Ku mapapangale ki swa Iseraylri, barakalai, swa Lrivi, tarakaungu ki daane ki Twaumase, si mwabaibalrithi ki sasiakawlu ki Sulumungu yakai ki drumane ki cekele, ka amani kudra kipawcungulu lini ka kadaengane. Kikai lebe nagane kwini ki yakai Yerusalrime ka la tarasangililuku ki swa Yuda ka siu:

Nihimi 2:13

La katwasaku sakamaungu mulatadre ki cekele, ngukakai ki tali sapakalriwgu ka Vaalru ka lrawlrawdru, la papia tali lrawdru ngukakai ki Berai ka baralebale, daruru ki Tabulubulwane ka lrawlrawdru. La takudadadavacaku, takudredrele kwini ki malalisinga ka alradre ki cekele si kialama kabebetethe ka lrawlrawdru ki cekele.

Nihimi 2:17

Ai, kaiasasane la kawrivaku liniane; “Wathingale numi kai cubunguli kai makucingalre, ngwalai kikai aubulanenga kai Yerusalrime, la kilama si kalalisinga kai lrawlrawdru ki cekele. Bwala tatupela kai alradre ki cekele, amani lu peelangata kitusinalrelreme!”

Nihimi 2:3

si tubalre, “Kusu ka talialalai banzai! Kudra takidralrekane ki cucungulaneli ka cekele kiapakababuruku, ku lrawlrawdru ki cekele la kilamanga, tumanaku dulru kai kipakwalri?”

Nihimi 7:6

Takaalra kwidra acaicali ku umawmase ku matwasenga kavai Babilunia, kaiyanganai siwlri mu Yerusalrime si Yuda, siaulri makanaelre mwa ki cekele lini. Kikai laumawmase si lawacekecekele lini twalai ku takiravasane lini si kitupasalriu ki talialalai ka Nibukadenezere, yakaai Babilunia acaicaicali.

Isetire 1:1

Kikai lebe kai laabubulru amani saka zidai ki talialalai ki Perisia ka Ahasueruse. Ku Ahasueruse twalai Susa ka tangadrane ki cekele ka taetalaneini rathudu India, kela kavai Kuse ka talu 127 ka lakadaengane ki siu.

Lasenai 79:4

Ku ngiathalringulu naiane ku lakuni twameameamelrace naiane; kwi lalasu mwalralrakai naiane, si pusirararanau naiane.

Kavagavagane 25:28

Ku maupupungu kalilisi ku takaumawmasane mararaamau ki vaeva ka kadrwa ku kepale ka cekele, maduai kikabebetethe.

Isaiya 43:28

Ku tabebelengesu wakudrulrunga ki Alrivilrivi ka taikaikaiyaneli. Ngwalai kikai, lri pakisaalrwaku amudu ki Yakubu; lri pakitusinalrelremeaku ki swa Iseraylri.

Isaiya 5:5

“Drela! Lri tungimiyaiyaku kai marasikai ki babududuli; lri akucaku mwalra kai ngiathalringulu kai saravadrane, si buruku kai ngiathalringulu kai apalribulane kai raedre, lani kela ku lawaudriwdripi si kane kai ki lamadru ki ivai, si lralrangadre pakalisi.

Yerimia 24:9

Lri pakipadradresengaku liniane ku maadrau ka amatikurwane, kai yakawmasane kai umawmase lu drele lani ngituluku si mukuludru. Ikai kwini ki tapaacaicalianeli liniane ku laumawmase lri ulralrakai liniane, pakiangeange, tumeamelrace, pusu liniane.

Yerimia 29:18

Lri arakaiyaku ku amakaruruburane, ku silravane, si swalrubu amudu liniane. Adravane pakatwasaku liniane pamwa kidruanga, kai kawmasane sanaka kuni ka laumawmase akipuswane lri iya makanaelre liniane si kamaninga kudra tara kikakiwcu, kicilri, kitumeamelrace kaelaela.

Yerimia 39:8

Ku swa Babilunia walama ki daane ki talialalai si ladaane ki mapapangale, la buruku ku raedre ki cekele Yerusalrime.

Yerimia 42:18

“Ku Tamatama ka abebeelengenga ki sanaka kwapingi, ka Twaumase ki swa Iseraylri amia kai, ‘Kunadruma wagugwaku ku lisianeli pikai ki kinawmasane ki swa Yerusalrime; alaiyasi mwa numi ka Izipiti, lri mialriaku gugu ku lisianeli pikai ki kinawmasane numi. Lai lri ka amaninga numi kudra kiakavalracevace, kiaukuludru, kiapusu, kiatusinalrelreme ki laumawmase. Lri kai numi pelanga drele kikai.’ ”

Yerimia 5:10

Lri dawlaku ki badha si amudu ku babudubudu ki kawkawluli, ai kainaku lri pakisalru kabebetethe. Lri pacalrigaku pulebe ku ricingi ki angatu ki budu, asi lwiyane kikai laricingi kaika nakwanenga.

Yerimia 52:14

Ku kwapingini mabebetethe ki raedre ki cekele.

Silringau 1:7

Aubulanenga si acinilrianenga matisepele ka Yerusalrime, lu ngulrialringavane ku nangiradhekanane. Kai alisu sa ikai ki alrima ki badha, kadrwa ku umawmase kulri paralubu iniane. Ku pamaki iniane ku umawmase wadrele iniane, si ulralrakai ku taamakianeini.

Silringau 2:9

Ku lrawlrawdru ki cekele kiadralreke ki sangukaburukane; ku tadrukudrukurane ki lrawlrawdru matatithiri. Ku latalialalai kiapakatwase acaicali. Kadrwa ku umawmase ku wabulrubulru ku hulrice; ku yuginsia kai maka tarwamaranga ku twalai ki Tamatama ku maburusi.

Silringau 3:61

Tamatama, kialalrasu ku tatusinalremeane nakwane; la thingalesu ku kisanu piapia lini ku ngialisiane patuelre.

Silringau 5:1

Tamatama, ngulringava ku takipadradresengane nai, si maka drele ku takitusinalremeane nai.

Lrivi 26:31

Lri pulebeaku kwini ki cekele numi; lri kabebetethaku ki tasukusukubane numi, kai tarumara ku pasangulreme numi ku sapatarumarane.

Lrivi 26:33

Lri pakipadradresengaku ku amakaruruburane numiane, malra numiane pasarau mwa sakamaelanane ka kuni. Ku kadaengane numi lri acinilriane, ku cekele numi atawlrakavane.