Nihimi 1:2 - Ngudradreadrekadhane Ka Sisiu 魯凱語聖經

² Ku betakaneli ka Hanani la karedele kwidra ki laumawmase twalai Yuda kela cekele Susa. La kivavagaku liniane kudra ki twalai Babilunia ki taacaicaliane kainganai siwlri ka swa Yuda ka lasakacekele ku tangimiamianenga kavai Yerusalrime.

Nihimi 1:2 Iomraidhean Croise

Tabekacane 14:10

Kwini valrwalru Sidime yadrepele ka kurutange ka lalrubange. Sa mubere ku talialalai ki swa Sudume si swa Gumura la mulrubangane; kwini drumane ka tatulru ka talialalai la mubere papia tali lregelrege.

2 Latalialalai 24:14

Ku Nibukadenezere waravase ki laumawmase ki swa Yerusalrime, si wacekecekele ki talialalai si latarasangililuku makanaelre, elrelrenga takudrai ku umawmase. Kwini lasu la malra kwini ki taratudaane si taradaredarepe ku adreme ravase patuelre, kathaanenga ku matikukuru ku umawmase ku asuru.

2 Latalialalai 25:12

Ai kwini lasu wamalra kwini matikukurunga, ka kadrwa ku tacekecekelane suru pikai Yuda, pakauawngu liniane ikai ki babudwane si laumawma.

Izera 9:14

Lritumane nai kai maka kirarakete ku drekasesu naiane, si mathaethareve kavai ki ngialisiane ka laumawmase? Lwiyasi la pangimiane kikai, lri tara kalisisu naiane, si amudu naiane, la kakadrwanga ku naaneanenga ku abalu.

Nihimi 7:2

Ala patadrusaku ku umawmase ku wakadrenge marasikai ku awngane ki cekele Yerusalrime; Kwini lalasu yai betakaneli ka Hanani si Hanania ka abebeelengenga ikai ki nikepalane ka cekele. Kai Anania yai asudralrwalrwane madu, ka mwasakene ukuludru ki Twaumase ka umawmase, kadrwa ku lri maka kiramau iniane ku umawmase.

Yerimia 44:14

Ku mwabere mu Izipiti ku swa Yuda makanaelre, kadrwa kulri abalu. Kadrwa ku umawmase kulri dulru siwlriana mu Yuda, siwlri mwa kudra ki sidramadrama lini ikai ka cekele. Kathane kudra tabeekele ka lamwabebere ka laumawmase, kadrwa ku umawmase kulri dulru katwase siwlri.”

Izikile 6:9

lai acaicaicali ku tacekecekelane. Ikai kwini, kwi lalasu lri pulringau nakwane, si lai lri thingale ku pathavunguli liniane, ku pakiarubwaneli liniane, ka amani sacilringa nakwane ku kidremedreme lini, kai twakapatengatenganenga nakwane, ku madadalame ki samiamiange lribate ki dalamane nakwane. Kwi lalasu lri ngwalai ku tapiane ku ngialisiane si ngilisianane ki kakwakudhane si ngikakavalracevace.

Izikile 7:16

Yakai ku laumawmase ku lri mia ki tavagu ka yavalrwalru ka kiapangituluku si mubere mwa lregelrege. Kwi lalasu lri ngwalai ki pasalrivane lini dadange makanaelre.