Nihimi 1:11 - Ngudradreadrekadhane Ka Sisiu 魯凱語聖經

¹¹ Kiatubiaku kilalra kikai inulrili, la kilalra ku inulri ki sanaka mwasakene sukubu muswane ka sasiakawlusu. Kiatubiaku paralubaili kaikameane ku akasulivatane ngiesaesai, lani kakalithi nakwane ku tinuhika.” Sa icengecenge kamani kwidra, amaniaku kudra kiacapili ki taramarasikaikai ku bava ki tinuhika.

Nihimi 1:11 Iomraidhean Croise

Tabekacane 24:42

“Kaikameane, sa mwaku thili ki dralremedreme, la kitubiaku iya kai, ‘Tamatama ka Twaumase ki tawkili ka Aberahame! Kikai kiatubiaku muswane kaiasasane ku apangimianeli ku kisudralruli.

Tabekacane 32:11

Kiatubiaku muswane palribulaili pakidaili ki alrima ki kaka ka Isau. Mwakuludraku iniane lu kela kikaruburu nakwane, si papacai ki taelrelreli si lalalakeli.

Tabekacane 32:28

Kwini umawmase la iyanga kai, “Twalainga kai, kaisu lri si Yakubunga. Maulucusu ki Twaumase si umawmase, la taraakacisu, lakamani kwini naganesu lri pabalrithi si Iseraylri.”

Tabekacane 40:1

Sa ngilribatenga kikai, kwidra yakai ki daane ki talialalai ki swa Izipiti ka taramarasikaikai ki bava si taramarasikai ki akaneane pasalriu ki talialalai;

Tabekacane 40:2

ku talialalai la kalisi,

Tabekacane 40:21

Ku talialalai wasawlri kwidra naawngane ki taramarasikaikai ki bava.

Tabekacane 40:23

Ai ku taramarasikaikai ki bava la kai maka pulringaunga ki Yusepe, mariimurunga iniane.

Tabekacane 41:9

Kikai yai, kudra taramarasikaikai ki bava la iya kai ki talialalai, “Kaikameane ngwalringavaku ku tapasalrivaneli.

Tabekacane 43:14

Ku wadulru sanaka manemane ka Twaumase ani pakakalithi numiane ki lasu, lani tara pasiwlri ki Biniyamingi si tangea ka betakaneini. Ala kunaku, alaiyasi lri kaulrasaku ku lalake, kiavanga ku angimiane!”

2 Lacaili 6:40

“Twaumaseli, kaiasasane kiatubiaku masiasirara drele, la kicacaligiri kilalra kai inulri nai ikaikai patarumara kai kitubi nai.

Izera 1:1

Ku tinuhika ki swa Perisia ka Sairuse saka taracaili ku taatalialaladhane, ku Tamatama pakai ku apangimiane ku pangukaini ki Yerimia ka yuginsia ku takawrivaneini sakalai, si velevele ku kidremedreme ki Sairuse pulebe kwidra sadrekasane, la pacase si pasatedre mwa kidruanga kwini ki rathuduini ka kuni. Kudra sadrekasane ku lavaga ngimiyaiya kai:

Izera 7:6

Ku Izera amani kudra makalra turamuru ku thingaleini ku kibulruini, makapwalringalringau turamuru kudra baai ki Tamatama ka Twaumase ki swa Iseraylri ki Musi kudra hulrice. Asi lwiyane ku Tamatama ka Twaumaseini swabulrubulru ki Izera, kudra kitutubi ki Izera ki tinuhika sanaka manemanenga, ku tinuhika palraingi iniane.

Nihimi 1:6

Tamatama, sa kitubitubiaku pasikai ki sasiakawlusu ka kawkawlusu ka swa Iseraylri awngu si taleare. Drelaili, si kilalra kai inulrili! Wathingalaku ka pasalriu nai ka swa Iseraylri; ku cucungulaneli si kunaku makitwa pasalriu nai.

Nihimi 2:1

Sa ngilribatenga ku nitara supatane ka dramare, yakai saka minakavalane, la icengecenge ku tinuhika ka Aretasise tukwauawbu, la gugwaku ku bava si baai iniane. Kadrwana ku tadrelaneini nakwane lu angelrece kai lringauli,

Nihimi 2:8

La mialri kiatubiaku ku taingeane ku sapelaelane baai ki tarakadrenge ki angatungatu ki tinuhika ka Asape, kitubi iniane ku apatarumarane ku angatu, ku sapudriadringadhane ki lrawlrawdru ki kepale ki tasukusukubane, alradre ki cekele. Si arakaiyane ki daaneli. Ngwalai ku tatapalrane nakwane ki Twaumase, kudra la kitubili, ku tinuhika la patarumara nakwane.

Lasenai 106:46

Ku Twaumase pakakalithi liniane kudra ki waravase liniane ka umawmase.

Lasenai 130:2

Tamatama, kiatubiaku muswane kilalra kai tungawngauli; kiatubiaku muswane kilalra kai lingau ki kitubili ku akiparalubane.

Lasenai 61:5

Twaumase, kialalrangasu ku kiketeketeli; kudra naika amalrane ki mwasakene mukuludru muswane ka umawmase ku tacekecekelane wabaaisu nakwane.

Lasenai 86:6

Tamatama, kiatubiaku muswane kilalra kai inulrili; kiatubiaku muswane kilalra kai lingau ki kitubitubili ku akiparalubane.

Kavagavagane 1:29

Takalraasane numi ki lrigilane, si kai musakene mukuludru ki Tamatama.

Kavagavagane 21:1

Kai Tamatama ngiasasingikaai kelrete padrekadrekase ki kidremedreme ki talialalai, mia kudra lu palragau patalula ku tapapiane mwaludru ki kadravane.

Yerimia 42:12

Arakainga naku ku sakialibake marasikai numiane, lai lri mialriaku parakai ku sakialibake ki lasu marasikai numiane, ku lrika asiwlriane numi mubalriu.’

Malaki 3:16

Lukamaninga kwidra, ku mwasakene mukuludru ki Tamatama ku umawmase lri mapelaelaela; ku Tamatama kiararakete kilalra ku vaga lini. Ikai cucubungu iniane, yakai ku vaeva ku nibalrulane ku sangulringavane ka pacase la pacase ku ngwakai ki mwasakene mukuludru ki Tamatama ku umawmase.

Hiburu 13:18

Madha idrengedrengere ku apasikaiyane numi naiane inulri. Ngiaka kasalru naika mabula ku kidremedreme naika mwabangalre ka tangukakaiyane ki madringelrese ki kadalranane.