Luka 4:2 - Ngudradreadrekadhane Ka Sisiu 魯凱語聖經

² la ikai kwini maka masupatele ku vai, si kikituthiathingale ki Akema. Ikai kwini ki vai kwidra, kai lasu kadrwa ku manemanemane ku kaneini, sa tarathanga kwini ku vai, la kasilrawnga kai lasu.

Luka 4:2 Iomraidhean Croise

Tabekacane 3:15

Lri makakabadhasu kavai ki ababai, ku mwabaibalrithi numi lri makakabadha. Kwini lasu lri twithi ki awlrusu; ala lri kacesu pakadula ki alrudrudraneini.”

1 Latalialalai 19:8

Ku Ilria la ngidrakale, kane, ungulu. Sa kanenga la sapukuanenga, kwini lasu la dadavace makamasupatele ku vaiyane si maungu, la kela kavai lregelrege ki Twaumase ka Hurebe.

Isetire 4:16

“Lu dawla ki yakai Susa cekele sanaka swa Yuda, la palaisi liniane pasikai nakwane kitubi, makatulrulu ku vai makatulrulu ku awngane kai kanekane kai ungulu, kunaku si layadaane ki talialalai ka labaibai lri mialri pangimia kikai. Ala nau mwa kidrele ki talialalai, kikai yai unu wabalre ki kakudhane, ai lri tara muaku. Lwiyasi la piaku kikai lri tara pacadhaku, ai palraingi kai kidredremeli.”

Takatwasane Izipiti 24:18

Ku Musi la mubelenge, mwadringi ki ememe, la ikai kwini isadra makamasupatele ku vaiyane si awngane.

Takatwasane Izipiti 34:28

Ku Musi la ikai ki Tamatama isadra makamasupatele ku vai si awngane, kai kane kai ungulu. La malra kikai vaga ka taimangealane ka padradrekase pacase pikai ki drusa ka alibi ka lrenege.

Yuna 3:7

La papia ki swa Ninivi kawriva pasalraelre, amia kai, “Kikai yai drekase ki talialalai si latabebelenge ka mauawngu iniane: Ku umawmase, ku nilapulapwane ka waudriwdripi, si lwange kiu, madha kanekane makanaelre ku lamanemane, madha kanekane, la madha ungungulu.

Matai 21:18

Sakakaiyane ki mialrealre, sa siwlriwlri mucekele ikadalranane, la kasilrawnga ku Yesu.

Matai 4:2

Sa maka masupatelenga ku vaiyane si maungu ku talaisane, ku Yesu la kasilrawnga.

Luka 4:3

Ku Akema la iya kai iniane, “Alaiyasi ka amanisu ku Lalake ki Twaumase, drekasa kai ki lrenege lani apange!”

Yuhani 4:6

yakai kwini kudra dralremedreme ki Yakubu. Ku Yesu laka maracacaacange ki kadalranane si kidulrunga, la nene ikai thili ki dralremedreme; lri ikai kau mwalringedele.

Tapelane Drekase 9:18

La pelana naku guruthungane icucubungu ki Tamatama, maka masupatele ku vai ku maungane kai kane kai ungulu ku acilai. Kikai ngwalai sapia numi kwini ngialisiane si pasalriu ki Tamatama, pakagirimucu iniane.

Tapelane Drekase 9:25

“La guruthunganaku icucubungu ki Tamatama makamasupatele ku vai si maungane, asi lwiyane wathingalaku ka nau amudu amiamia numiane ku kidremedremeini.

Tapelane Drekase 9:9

Kwini kwidra la mwaku lregelrege tarumara kwidra drusa ka lrenege ka alibi ka nipacasane ku tamakaketeketane ki Tamatama numiane. La ikaiyaku lregelrege maka masupatele ku vai ku awngane, kai kane, kai ungulu ku acilai.

Hiburu 2:18

Asi lwiyane kai Yesu kialringaunga ku akikituthiathingalane, la kipakwalri turamuru, kikainga kai Yesu wadulrunga paralubu kudra ki kiatuthiathingale ka umawmase.

Hiburu 4:15

Ku abebeelengenga ki barakalaita kaika kailri dulru kakalithi ki turamuraneta; ngiabalre kamani, namiyaiya mitane ikai ki maneemanenga kipadradresenge ku akikituthiathingalane, ai kai pasalriu.

1 Samuile 17:16

Ku Gulriathe lukamialrealre la ngibwale papia ki swa Iseraylri lemethe, ikai kau makamasupatele ku vai.