Luka 10:3 - Ngudradreadrekadhane Ka Sisiu 魯凱語聖經

³ Lu katwasanga! Lri sikawlaku numiane pakatwase, mia kudra ki lri kisatedre pwa ki taikaikaiyane ki tawpungu ubulane ka lrulai ka kiu.

Luka 10:3 Iomraidhean Croise

Lasenai 22:21

Kiatubiaku muswane palribulaili patwalai ki ngudwi ki laraiyungu; lu ikaiyaku cucubungu ki yaubulane ka lalwange kadrwa ku paralubu nakwane!

Zipania 3:3

Ku latabebelenge lini mia ki raiyungu ka wagirigiringi; ku tarasaibaibange lini mia ki amaani kudra masilrau ka tawpungu ubulane, ku ravane adravane ka vaeva ka culrale kai maka padaruru ki mialrealre.

Matai 10:16

“Dradreela! Lri sikawlaku numiane pakatwase, mia kudra ki lri kisatedre pwa ki taikaikaiyane ki tawpungu ubulane ka kiu. Kunumi yai ngialrava ki sulrau kalrigili, la ngialrau ki tavagu kasulrapele.

Matai 10:22

Ngwalai nakwane kai laumawmase lri kalisi numiane; ai kudra maka kiadili patulrepenge ku umawmase lri tara kipalribulu.

Matai 7:15

“Kunumi padulrwa telenge ki kaika patengane ka yuginsia. Kwi lalasu lu kela mucucubungu numiane, ku belenge lu drelane mia ki nikiubawbalane ka kiu, ku adringi yai ala ka malilisi ka tawpungu ubulane.

Luka 10:4

Madha ililuku ku tapaiswane; madha iluiluku ku samubababadhanane ku kadrai; madha iluiluku ku kece; la madha isadrasadra ikadadalranane si kikawriva ki umawmase.

Yuhani 10:12

Kudra nipawlrawlravane kaika taraagwagu, ku kiu la kaika iniane. Kwini lasu sana drele ki tawpungu ubulane lu kaingananganai, wacilri ki kiu si ubere; ku tawpungu ubulane la pwalra ki kiu, si pathirakupu ki lakiu.

Yuhani 15:20

Pulringava kudra iyangali numiane kawriva, ‘Ku sasiakawlu kai lrika madradrau ki tawki.’ Kwini lalasu alaiyasi ka natwalilisinga nakwane, lri mialri tulilisi numiane; kwi lalasu alaiyasi paluludu ku vagali, lri mialri paluludu ku vaga numi.

Yuhani 16:2

Kwi lalasu lri pakatwase ki rarubwane ki swa Yuda numiane; si lai kelanga kudra vai, kudra papacai numiane lu pia kwini pasiakaikaita ki Twaumase lri iyalringa.

Nisikawlane 20:29

Wathingalaku, lu katwasenga naku, lri kela ku matiakiwcu ka tawpungu ubulane mwa kiibu numiane si pakadadula ki lakiu.

Nisikawlane 9:16

Lri ngikakamaniaku cunu iniane, lri tara ngwalai nakwane kipadradresenge ku makaelaela ku akwalriane.”

Nisikawlane 9:2

si kitubi ku abaadhane ku pacase ki lararubwane ki swa Yuda ikai ka Damasekuse, ku apalraingane iniane pwalra si ruthuku ki kiasusu tupapalra ki vaga ki Yesu, adravane ka sawvalai ka ababai, lri ruthuku si iluku mwa Yerusalrime.