Luka 1:2 - Ngudradreadrekadhane Ka Sisiu 魯凱語聖經

² Ku tapelaelane lini laka singikai kwidra ki wadrelenga sakapathagilane patakamacamaca ku tangimiane kilakikai, si kudra tapelaelane kwidra ki napasalraelrenga kai ki matiakiragai ka vaga.

Luka 1:2 Iomraidhean Croise

Maruku 1:1

Yesu Kirisitu ka Lalake ki Twaumase, ku hukuingini ku sapelaelane sapalribulane miyaiya kikai.

Maruku 16:20

Ku lasitu la katwase, mwa kidruanga pelaelaela ku hukuingi; ku Tamatama la taelre liniane kawaungu, la pangukai ki pinangu Twaumasane ka puku, akasi ku pelaelaela lini ku vaga ka patengane.] [Kudra lalabaibai la katwase kikawriva ki Pitiru si latalragilragini, pelaela liniane ku takilalrane lini patueelre. Sangilribatenga kikai, ku Yesu la ngikakamani sikawlu ki lasituini, twalai talrawane pekela talriwgane, pelaelaela kwini tinusaniangane, ka kai lri kamudu, ka atarumarane ki umawmase ku palralrawthu ka akipalribulane ka vaga.]

Maruku 4:14

Kwini tarasabwabulu ku sapaivai ka umawmase kudra sabwabuluini vaga ki Twaumase.

Luka 24:48

Kunumi amani numi kudra lri akasi pasikai kilakikai.

Yuhani 15:27

Lakamiyaiya numi, lri pasikai numi nakwane pelaela, asi lwiyane singipathagili numi ikai taelre nakwane.”

Yuhani 16:4

Kudra pelaelali numiane kilakikai, pakaiyaku lu kelanga kudra vai ku lrika apulringavane numi ala ka peaelaelanga naku numiane.” “Sakapathagilane ku kaika pelaelali numiane kilakikai, amani sa ikaiyaku taelre numiane.

Nisikawlane 1:3

Sa kipapacainga si ikai ki tinara masupatelane ka vai, nakingikalrale mutaluvaivai adrelane liniane, arakai ku makaelaela ku tapangimiane ngipapelaela ala ka panianiake, la pelaela matikai liniane ku patharukai ki kuni ki Twaumase.

Nisikawlane 1:8

Ai ku Siri lu mulebe mwa numiane, lri kisuete numi ku puku, si ikai Yerusalrime, Yuda kidruanga, si Samaria palraelre, pakela sanaka ininiinunga kai kawmasane, pasikaikai nakwane akasi.”

Nisikawlane 14:25

Sa ikai Perega pelaelaela ku vaga ki Twaumase, ala katwase mwa Atalia,

Nisikawlane 16:6

Kwini lalasu la katwase ngukakai lribate Peregia si Galatia ki lacekele, asi lwiyane, ku Siri kai palraingi liniane paikai talikai Asia pelaela ku vaga ki Twaumase.

Nisikawlane 17:11

Kikai laumawmase, mathiathingale ki swa Tisaruniki. Takisamwamula kilalalra kai sabulrwane, kivaivai dredredrele ki Sisiu, pakai ku athingalane ku takawrivane ki Pawru luka patengatengane.

Nisikawlane 26:16

Ngidrakala, si acegecege! Kai adrelaneli muswane, lri tusasiakawlaku muswane si sikawlu muswane. Lri akasisu kaikameane sanaka drelesu kai la pangwakai nakwane si lubibilrili ku lrika apelaelaneli muswane ku awngane.

Nisikawlane 4:20

Ku drele nai ku kilalra nai, kai nai lri dulru kai kawriva putaluvaivai.”

Nisikawlane 8:4

Kwidra la masawvagavagai ka lasinzia wamwa kidruanga pelaelaela ku hukuingi.

Ruma 15:16

la asasiakawlaku ki Yesu Kirisitu, si ikai ki lasakamaelanane ka umawmase kawaungu. Mararaamavaku ki barakalai pelaelaela ku hukuingi ki Twaumase, pakai ki lasakamaelanane ka umawmase ku lrika akamaniane lini ku sarakaiyane ki Siri tusapatarumarane ka waudriwdripi baai ki Twaumase, kamani ku kiragai ki Twaumase tarumara.

1 Kurintu 4:1

Lu drele numi naiane naika twasasiakawlu numi naiane ki Kirisitu, ka kiapasudalepe ka taramarasikaikai ku kaika athingalane ka matiasamaimali ki Twaumase.

Hiburu 2:3

Lukamiyaiya kai, alaiyasi tudrekaseta kikai maadrau turamuru ka sapalribulane, tumane maka mubere ku sapathavungane? Ku Tamatama amani ka aswalanga pelaela kikai sapalribulane, kudra la kialalranga ku umawmase, la papia mitane patengane iya.

1 Pitiru 5:1

Lri sakaiyaku ku takaciwraneli kitubi numiane ka laciwru. Amaniaku ku peaelaelaela ku takwalriane ki Kirisitu, ku amavalavalane kisupilri lukabibilrili ku autaluvaivadhane ku lrigu. Kiatubiaku numiane,

2 Pitiru 1:16

Kudra pelaela nai numiane ku pangukai ki puku si akelane ngusela ki Tamatamata ka Yesu Kirisitu, kaika nipatwaladhane kwidra ki nitubeabekacane ka la kaika patengane kwidra nipatululane ka vaga, patakamacamaaca nai drele ku takasanianganeini.