Lrivi 6:2 - Ngudradreadrekadhane Ka Sisiu 魯凱語聖經

^2-3 Lwiyasi ikai ku umawmase la ngwalai ku kai mwabangalre sawlri baai ki sakacekele ka swa Iseraylri ku nipaswalane baai ku sapadrepetane ku paisu, ku kwaupa ku lamanemane ki palrapalra, ku wamalra vutha ki umawmase, ku wadraedrangelre maulrau ku lamanemane iya, si kiketeketeana kainaku kiadringai iya ku kidringaingaini ku lamanemane, la pasalriunga ki Tamatama, kwini lasu lri tara patarumara ku sapatarumarane.

Lrivi 6:2 Iomraidhean Croise

Tabekacane 26:7

Ku swakai kwini lu kivaga ki lasu ku ngwakai ki taelrelreini, kwi lasu agili amia ki Rebeka, makiwcu taelrelreli iya; asi lwiyane mathariri turamuru ku tacebeane ki Rebeka, kwi lasu mwakuludru ki swakai kwini ku papacai iniane, si malra ribici ki Rebeka.

Lasenai 51:4

Pasalrivaku muswane, ku pasalriwli yai amanisu; paiyaku ku ngialisiane iyasu. Ngwalai kikai, lu saibangesu nakwane mamamwa ki kakudhane; lu pathavungusu nakwane naika akipianeli.

Kavagavagane 24:28

Madha caapange siwmi si pangilisiane ki pasiagiagisi; la madha tavuvuvulrucu.

Isaiya 21:2

Wadrelaku ku waedede ku matiangeange ku tangimiane, ku watavuvuvulrucu sakamiya tavuvuvulrucu; ku mabebebetethe la pacungucungulu kabebetethe. Kwapingi ki swa Ilame, aswala kikaruburu! Kwapingi ki Media, ucekela! Ku Twaumase lri palikainga ki swa Babilunia ku tapakwalrialriane ki umawmase.

Isaiya 24:16

Kialalra nai ku lingau ka senai ku twalai ki adaidaailinga kai kawmasane sanaka inunga ku wadrengedrengedrengere ki madringelrese ka kuni Iseraylri. Ai kiapadradresengaku ki amatikurwane, kadrwanga naku! Kadrwanga naku! Ku madraedrangelre ku umawmase pacungucungulu draedrangelre; ku kakwakudhane lini kadrwa ku miyaiya ku matiukuludrane.

Isaiya 33:1

Ku badhata lri kipadradresengenga ku amatikurwane! Kwi lalasu tararavaravase ku palrapalrane, ai kaiyana kiaravase ki umawmase; kwi lalasu watavuvulrucu ki umawmase, ai kaiyana kiatavuvulrucu ki umawmase. Ai lu kelanga ku kaika adulrwanenga lini ravase tavuvulrucu, kwi lalasu lri ki bilringa kiravase kitavuvulrucu ki palrapalra.

Yerimia 9:5

Watavuvuvulrucu ki talrailragi makanaelre; kadrwa ku umawmase ku twakapatengatengane lu kawriva; sanaka umawmase wabulrubulru ku atavuvulrucane ki lridame. Kwi lalasu pacungucungulu pasalriu;

Izikile 40:46

Kwini wacubungu tali dradha kwi daane yai taikaikaiyane ki yacucubungu ki tapatarumaramarane kauawngu ka labarakalai. Ku labarakalai mwabaibalrithi ki Zaduke makanaelre. Ikai ki zuku ki Lrivi, kathane kwi lalasu ku lri maka mucucubungu ki Tamatama pasikai kaungu.

Lrivi 1:3

Lwiyasi patarumara ku lwange tu Lama ka lrisi, lri tara arakaai ku kadrwa ku takatumanane ku sawvalai ka lwange, la iluku mwa ki lrawlrawdru ki Alrivilrivi ka balrawbau ki Tamatama, la lri tarumaraku Tamatama.

Lrivi 19:11

“Madha kupawpa; madha lrilrilrigili; madha tavuvuvulrucu.

Lrivi 5:15

Lwiyasi la ikai ku umawmase ku kaika waranau si kai baai ku naika apatarumarane ki Tamatama ku mabula niyane patarumara, kwini lasu lri tara thavungu ki pasalrivaneini si iluku ku vaeva ku mwadringadringai ku balase ka nikiubawbalane ka kiu, si patarumara ki Tamatama tu Samupasalrivanane ka lrisi. Ku luludane ki kiu lri singikai ku takelretane ki Alrivilrivi ka taikaikaiyane.

Lrivi 5:19

Kikai yai pasiakai ku tapasalrivane thaele ki Tamatama si patarumara ku Samupasalrivanane ka lrisi.

Lrivi 6:1

Ku Tamatama wabaai pelaela ki Musi kilakikai kakudhane.

Amuse 8:5

Ngiaiya numi kai, “Saniange ka lrisi ka vai kirimwa ngilribate! La nai sarakatwase kilangai kai taleke nai. Kirimwa ngilribate ka Taisadrasadrane ka vai! La nai sarakatwase siwbai. Lri dulrunga nai aru tukucingalre kai lawbubulu, si arakai ku kaika patengane ku lekete, si sabungubungane lrilrigili ki lawalangai.

Habakuke 1:13

Ai, asu dulru maka kiadili kilakikai wabaebalre, manganga ka laumawmase? Mabula si alrivilrivi turamuru kwi macasu; lutumane kaisu lri lreme drele ki pasalrivane, lai kaisu lri maka kiadili pacepe ki laumawmase lu pia ku ngialisiane ku laawngane. Alaiyasi ka ngiamia kikai, kai lalasu sa pakamudu ki mulelecege liniane ka umawmase, asu kai kawriva?

Yuhani 8:44

Sakwa ka lalalake numi ki Akema, ka kiadredreedreme ku apasalaladhane pia ku piapia ki tama numi. Twalai ki sapathagili amani ku papacai, kai sakaikai ki patengane ka sabulrwane, asi lwiyane kadrwa iniane ku patengane ka sabulrwane. Takaumawmasaneini ki atavuvulrucane; asi lwiyane amani ku taratavuvuvulrucu, laka tangadrane ki atavuvulrucane.

Nisikawlane 5:4

Sa kaisu kilangayana kwini kadaengane, muswane, sa kilangaingasu, maiyalri ka muswane kwini langadhane ka paisu. Asu kirimu sikidremedreme nawpiyalringa iya ki kikai? Kaisu ka wadraedrangelre ki umawmase, wadraedrangelresu ki Twaumase!”

Ipisu 4:25

Lakamani, kunumi madha kadraedraedrangelrenga! Sanaka tangea tara tukapatengana kawriva ki laretesane, asi lwiyane kinawmasaneta ki Kirisitu makanaelre.

Kulusia 3:9

Madha matavuvuvulrucu, asi lwiyane mwalranga numi kudra takasupilraneli si supilri ka kakwakudhane,

Nipadrelane 22:15

Ai kwidra la kiaparu tawpungu ku kakwakudhane, twalrisilrisi, wacapange ki sawvalai si ababai, papacai ki umawmase, wasukubu ki samiamiange, ku kaika patengane ku vaga si kakwakudhane, lri asuru ilatadre ki cekele makanaelre.