Lrivi 3:5 - Ngudradreadrekadhane Ka Sisiu 魯凱語聖經

⁵ Ku barakalai lri malra kikai pubelenge ki tapatarumaramarane, paelre ki Lama ka lrisi patarumara. Kikai tasangulremane ki Apwi ka lrisi amani ku kiragai ki Tamatama.

Lrivi 3:5 Iomraidhean Croise

1 Latalialalai 8:64

Kwini sakavai, kwini lasu la mialri malra kwini kalatadrane, kamani kwidra cucubungu ki daane ki Twaumase ka kalatadrane, pakitukudha tumabulane, ikai kwini patarumara ku Lama ka lrisi, Taleke ka lrisi, si sima ki nilapulapwane ka sarakaiyane tulrisi ki Sulivatane ka lrisi. Ku pia kikai ki Sulumungu amani saka tikiane turamuru kwini lriwlu ka sapatarumaramarane, kai maka wamwa kwini thathatha ka lasapatarumarane.

2 Lacaili 35:14

Satulrepengenga kikai, ku swa Lrivi ala ngipapasikai si barakalai ki lamwabaibalrithi ki Arungu padulru ku labeate, asi lwiyane ku barakalai walamalama ku apatarumarane patuelre si lamace ki niculwane, pakela ki maungu.

Takatwasane Izipiti 29:13

Ala malra kwini nicabwane arakai ku lamace ka taliadriadringi, si kwini takatharirane ki athai, si masasialamace ka drusa ka pede, la pikai ki tapatarumaramarane lama patarumara nakwane.

Izikile 44:15

Ku abebeelengenga ka Tamatama amia kai, “Lu cilri nakwane si katwase kudra drumane ku swa Iseraylri, ku labarakalai ka Lrivi ka zuku, mwabaibalrithi ki Zaduke lri pacungucungulu kapatengatengane ku kidremedreme ikai ki daane ki Twaumase pasikaikai nakwane. Lakamani, kaiasasane kathane kwi lalasu kalri dulru deethe nakwane, pasikaikai nakwane twatumane. Kwi lalasu lri ikai cucubungu nakwane patarumara ku lamace si erai ki sapatarumarane.

Izikile 44:7

Kwi lalasu lu papia nakwane patarumara ku erai si lamace ki sapatarumarane, pwadaane ki daane ki Twaumase kwidra ki lakai kiagelregelre tulrisi, kai pasalaladha nakwane ka maelane ka zuku, ngwalai kikai wakudrulrunga ki daaneli. Ku kawkawluli paiya kilakikai ngialisiane, si baebalre ki takiketeketaneli.

Lrivi 1:13

Lri tara arakai ku acilai sinau kwini ki sapatarumarane ku tali adringi si vagisi; ku barakalai lri pubelenge ki tapatarumaramarane lama patarumara. Kikai sangulremane ki Apwi ka lrisi amani ku kiragai ki Tamatama.

Lrivi 1:17

Lri malra ku drusa ku sapakepake ki adhadhame, si lalita kwini ki adhadhame, ai kai lri lalita kwini ki sapakepake, ala lri malra kwini sapatarumarane pubelenge ki tapatarumaramarane patarumara. Kikai sangulremane ki Apwi ka lrisi amani ku kiragai ki Tamatama.

Lrivi 1:9

Kwini lasu lri tara arakai ku acilai sinau kwini tali adringi si vagisi; ku barakalai lri tara malra patuelre kwini sapatarumarane pubelenge ki tapatarumaramarane si lama patarumara. Kikai sangulremane ki Apwi ka lrisi amani ku kiragai ki Tamatama.

Lrivi 3:11

Ku barakalai lri malra kilakikai pubelenge ki tapatarumaramarane lama, tu Apwi ka lrisi patarumara ki Tamatama.

Lrivi 4:31

Ala, kwi lasu lri malra kwini lamace ki tina ka kiu patuelre, pangimia ku tapangimianeini ki Sulivatane ka lrisi malra gelregelre. Ku barakalai lri malra demedeme kwini lamace pubelenge ki tapatarumaramarane si lama, pasangulreme ka sapatarumarane patarumara ki Tamatama. Ku barakalai lri arakai kikai kakudhane pasikai ki pasalrivane ki langumawmase patarumara ku Balrithane ki pasalrivane ka lrisi, kwini lasu lri kipacepe.

Lrivi 4:35

Ala, kwi lasu lri malra kwini lamace ki nikubawbalane ka tina ka kiu nguelre, mararaamau ku tamalraneini ku lamace ki lrulai ka nikubawbalane ka kiu ki sapatarumarane ki Sulivatane ka lrisi. Ku barakalai lri malra pakanaelre kwini lamace pwa ki tapatarumaramarane, si pakarededele kwini ki sapatarumarane ki Tamatama lama. Ku barakalai lri arakai kikai tapangimiane pasikai ki pasalrivane ki langumawmase patarumara ku Balrithane ki pasalrivane ka lrisi, kwini lasu lai lri kipacepenga.

Lrivi 6:12

Kwini apwi ki tapatarumaramarane lri pakudaladaalai, kai pakaedrepe. Luka mialrealre, ku barakalai lri drima pwa ku angatu, ku Lama ka lrisi lai lri patilibi pikai belenge, si lama ku Sulivatane ka lrisi ka lamace.

Lrivi 7:28

Ku Tamatama wacunu ki Musi baai pelaela kikai lebe kai kakudhane

Lrivi 9:17

Kwi lasu la mialri patarumara ku Taleke ka lrisi, wamalra ku milrikinku pubelenge ki tapatarumaramarane si lama patarumara. (Ki vaivai ki mialrealre patarwamara ku Lama ka lrisi, la padrima patarumara kikai ki lrisi.)

Taasipane 15:8

Lu patarumara ku sawvalai ku lwange ki Tamatama tu Lama ka lrisi, pangiamia ku vaga ka lrisi, si Sulivatane ka lrisi,

Taasipane 18:17

Ai ku aswalalanga ku lwange, nikiubawbalane ka kiu si kiu madha sawlriwlringa langai; ki lakwini lri kitulreepengenga ka nakwane, tusapatarumarane. Kusu malra kwini erai lini si ubu pubelenge ki tapatarumaramarane, si lama kwini lamace lini, tusangwalreme ka Apwi ka lrisi patarumara nakwane ka Tamatama.

Taasipane 28:12

Lri arakai ku Taleke ka lrisi apamamwa ki Lama ka lrisi, ku vaeva ku sawvalai ka lwange lri pamamwa ku tulru ka kukingi ku nilreveganenga apaelre ku lawlau ki ulrive si malaelamenge ka milrikinku si patarumara; ku vaeva ku balase ka nikiubawbalane ka kiu lri apamamwa ki drusa ka kukingi ka niapaelreane ku lawlau ki ulrive si malaelamenge ka milrikinku si pakaredele patarumara;

Taasipane 28:3

Kikai lebenga amani ku lrika atara patarumarane ki Tamatama ka Apwi ka lrisi, ki vaivai ku Lama ka lrisi lri patarumara ku drusa ku taracailinga, kadrwa ku takatwatumanane ka lrulai ka balase ka kiu,

1 Pitiru 2:5

Kunumi la ngimia ki panianianiake ka lrenege, arakai tudaane ku ngwakai ki daane ki abake, ikai kwini kamania kwidra mabula ka barakalai, ngukai ki Yesu Kirisitu patarumara ku kiragai tarumara ki Twaumase ka ngukai ki abake ka sapatarumarane.