Lrivi 3:1 - Ngudradreadrekadhane Ka Sisiu 魯凱語聖經

¹ Lwiyasi la ikai ku umawmase ku lri patarumara ku Sulivatane ka lrisi, lri tara pilri ku kadrwa ku takatumanane ku sawvalai ka lwange ku tina ka lwange, la iluku pucucubungu ki Tamatama.

Lrivi 3:1 Iomraidhean Croise

1 Lacaili 21:26

Kwini lasu ala ikai kwini pasikai ki Tamatama cegecege ku taluvale ku tapatarumaramarane, la patarumara ku Lama ka lrisi si Sulivatane ka lrisi. Ku Davidi la inulri papia ki Tamatama, ku Tamatama la kilalra ku kitubini, la twalai belenge ku apwi mulebe, la lama kwini ki yakai ki tapatarumaramarane.

Takatwasane Izipiti 20:24

Kunumi anu pasikai nakwane arakai ku dae si darepe ku taluvaale ku tapatarumaramarane, ikai ki tapatarumaramarane patarumara ku lwange ku kiu, ka amani ku Lama ka lrisi si Sulivatane ka lrisi. Ikai kwidra ki kelreteli ku lrika taikaikaiyane numi si sukubu nakwane, lri tara keelaku, si subulrubulru numiane.

Takatwasane Izipiti 24:5

Ala sikawlu ku tapiya ku langukathabarane papia ki Tamatama patarumara ku nilapulapwane, tu Lama ka lrisi si Sulivatane ka lrisi.

Takatwasane Izipiti 29:28

Kwidra kaika atupelaneli ku tinukakudhanane yai: Ku kawkawluli lu patarumaramara ku Sulivatane ka lrisi, ku beate ki tuku si vagisi ki nilapulapwane baadha ki labarakalai; kwini yai, amani ku patarumara ki kawkawluli nakwane ka Tamatama ka nipawkalrivilane ka sapatarumarane.

Kavagavagane 7:14

“Kaikameane patarwamaraku ku Sulivatane ka lrisi, ku sapatarumarane ku beate yakai tavanane,

Izikile 43:27

Luka samakavalrulu, ku labarakalai lri ikai ki tapatarumaramarane pasikai ki laumawmase patarumara ku Lama ka lrisi si Sulivatane ka lrisi. Lukamiyaiya kai, lri tarumaraku numiane. Amiaku kikai pelaela ka abebeelengenga ka Tamatama.”

Lrivi 1:10

Lwiyasi arakai ku nikiubawbalane ku kakiuane tu Lama ka lrisi patarumara, lri tara pilri ku kadrwa ku takatumanane ka sawvalai ka kiu.

Lrivi 1:3

Lwiyasi patarumara ku lwange tu Lama ka lrisi, lri tara arakaai ku kadrwa ku takatumanane ku sawvalai ka lwange, la iluku mwa ki lrawlrawdru ki Alrivilrivi ka balrawbau ki Tamatama, la lri tarumaraku Tamatama.

Lrivi 17:5

Ku makuciacingalrenga ku patharevane kai ki kakudhane ani iluku ku lanilapulapwane si patarumara ki Tamatama amia ki swa Iseraylri. Ku paswalala waculu ki waudriwdripi ikai ubulane, kaiasasanenga lri iluku kwini aculwane mwa ki lrawlrawdru ki Alrivilrivi ka balrawbau si baai ki barakalai tu Sulivatane ka lrisi si patarumara.

Lrivi 3:6

Lwiyasi ikai ku lri patarumara ku nikiubawbalane ka kiu ku kakiuane baai ki Tamatama tu Sulivatane ka lrisi, lri tara pilri ku mwadringadringai ku balase ka kiu si tina ka kiu.

Lrivi 9:18

La culu ku sawvalai ku lwange si balase ka nikiubawbalane ka kiu, pasikai ki mapapangale patarumara ku Sulivatane ka lrisi. Ku lalalakeini la malra ku erai mucucubungu iniane, la malra kwini erai gugu thalringulu ki tapatarumaramarane.

Lrivi 9:4

vaeva ku lrulai ka sawvalai ka lwange si vaeva ka balase ka nikiubawbalane ka kiu tu Sulivatane ka lrisi. Kwi lalasu lri malra kilakikai nipaibwane ku lawlau ki ulrive ka Taleke ka lrisi patarumara ki Tamatama. Kwini lalasu lri tara pangimia kikai patueelre, asi lwiyane kaikameane ku Tamatama lri adrelane ikai liniane.”

Amuse 5:22

Kainaku lri tarumara ku sapatarumarane numi ku Lama ka lrisi si Taleke ka lrisi, kainaku lri tumanemanenga kudra patarumara numi ku maricuru ka waudriwdripi tu Sulivatane ka lrisi.

Malaki 1:14

Kudra kiaketekete ku amalrane patwalai ki lakiu ku mathariri ka balase ka kiu si baai patarumara nakwane, la baailringa patarumara ku caecaemane, kudra paiya kikai tavuvulrucu nakwane ku umawmase lri kipusu. Asi lwiyane amaniaku ku madraadrawnga ka talialalai, kai kawmasane sanaka kuni ka umawmase lri musaakene ukuludru nakwane makanaelre. Tamatamaku ka abebeelengenga ki sanaka kwapingi ka amia kikai pelaela.”

Malaki 1:8

Wamalra numi kudra mukimukici, pilapilai, macaeme ka waudriwdripi si iluku patarumara nakwane; kikai kaika ngialisiane? Ala palalava malra kikai miyaiya kaika waudriwdripi si baai ki siwciu, la dredrele iniane lulri kadalame, lulri tarumara numiane?” Kikai vaga ki Tamatama ka abebeelengenga ki sanaka kwapingi.

Taasipane 15:8

Lu patarumara ku sawvalai ku lwange ki Tamatama tu Lama ka lrisi, pangiamia ku vaga ka lrisi, si Sulivatane ka lrisi,

Taasipane 6:14

malra ku tulru ku mwadringadringai ku nilapulapwane patarumara ki Tamatama: Ku vaeva ka taracailinga ka lrulai ka balase ka kiu tu Lama ka lrisi, ku vaeva ka taracailinga ka lrulai ka tina ka kiu tu Balrithane ki pasalrivane ka lrisi, ku vaeva ka balase ka nikiubawbalane ka kiu tu Sulivatane ka lrisi.

Tapelane Drekase 12:27

ikai kwini si patarumara ku Lama ka lrisi, patala beate si erai pubelenge ki tapatarumaramarane si lama. Kunumi lalri ikai numi kwini si patarumara ku drumane ku sapatarumarane, la malra kwini erai gugu pubelenge ki tapatarumarane ki Tamatama, la kane ku beate lini.

Kulusia 1:20

ngwakai ki Lalake, ku Twaumase malrithethenga ku apelaneini makakathariri patuelre kai lepawngane. Ku Twaumase ngwakai ki tapacadhane ki Lalakeini ibelenge ki ziwzika si pangimia ku rathudane, lu dulru kai belenge kai kawmasane siwlriana peela papia iniane.

Hiburu 10:22

ala kuta tatara arakai ku patengane ka kidremedreme si mapapedrenge ka salrwane, arakai ku nibulanenga, ka kadrwa ku pwalane ku kidremedreme, si nisinavanenga arakai ku acilai ka kinawmasane, kainganai aru adeethe ki Twaumase.

1 Yuhani 1:3

Kudra dreelenga nai, kilalranga nai lri padarurunga nai baai numiane, lanu mialri kisupilri ku tayelrelreane nai, kikai tayelrelreane nai amani kwidra tataelreane nai ki Tama ka yabelenge si Lalakeini ka Yesu Kirisitu.

Tamagarange 20:26

La makanaelre ku swa Iseraylri mwa ka Bithele tubitubi, si nene icucubungu ki Tamatama, pakela ki maungu kai kane ku namanemanenga. Kwini lalasu la icucubungu ki Tamatama patarumara ku Sulivatane ka lrisi si Lama ka lrisi.

Tamagarange 21:4

Sakakaiyane ki mialrealre, ku mapapangale la ngidrakalenga, la pikai kwini cegecege ku taluvale ku tapatarumaramarane, si patarumara ku Lama ka lrisi si Sulivatane ka lrisi.