Lrivi 24:9 - Ngudradreadrekadhane Ka Sisiu 魯凱語聖經

⁹ Kikai pange abaadhane ki Arungu si mwabaibalrithi iniane. Lri ikai ki saniange ka taikaiyane kane kikai pange; asi lwiyane amani kai ku sapatarumarane baai ki Tamatama ka Apwi ka lrisi ka sanianiangenga, ka barakaladhane.”

Lrivi 24:9 Iomraidhean Croise

Lrivi 8:31

Ku Musi la pelaela ki Arungu si lalalakeini, “Kunumi pasuswa ku drekase ki Tamatama iluku ku beate mwa ki lrawlrawdru ki Alrivilrivi ka balrawbau, ikai kwini si aga, la ikai kwini kane, si la kane kwini yakai ki cepenge ku pange ki sapacegecegane.

Luka 6:4

Kwini lasu la mudaane ki daane ki Twaumase, la malra ku nipatarumaranenga ki Twaumase ku pange si kane, la baaiyana pakane ki papalraini; kikai pange, kathane ku barakalai ku lri dulru kane, sanaka wakanenga ku umawmase lri kitupasalrivane makanaelre.”

Maruku 2:26

la mudaane ki daane ki Twaumase, si kane ku nipatarumaranenga ki Twaumase ku pange. Kikai amani sa icengecenge ka abebeelengenga ki barakalai ku Abiathare. Singikai ki hulriceta, kathane ku barakalai ku lri maka dulru kane kikai pange; ai ku Davidi ngiakakamani kane, si la apavalavala pakane ki latwapapalra iniane.”

Matai 12:4

Kwini lasu la mudaane ki daane ki Twaumase, kwi lasu si kudra twapapalra iniane wakane ku nipatarumaranenga ki Twaumase ku pange, ki kwini pasalriu ki tinukakudhanane (asi lwiyane kwini pange kathane ku barakalai ku lri maka dulru kane).

Lrivi 10:17

“Anu kai ikai ki saniange ka taikaiyane kane kikai Balrithane ki pasalrivane ka lrisi,? Kwini tinusaniangane turamuru. Ku Tamatama lri baai kwini kiu numiane, pakai ku amwalrane ku pasalrivane ki mapapangale.

Lrivi 6:16

Ku barakalai lri kane ku tedrane ku sangu patarumarane. Kilakikai sapatarumarane lri tu kaika nipawsemakane ka pange, ikai ki Alrivilrivi ka taikaikaiyane, kane ikai cucubungu ki Alrivilrivi ka balrawbau kalatadrane. Ku Tamatama wabaainga ki barakalai ku drumane ka nilamane ka taleke; kikai yai mararaamau ki Balrithane ki pasalrivane ka lrisi Samupasalrivanane ka lrisi ka sanianganane.

1 Samuile 21:6

Ku barakalai la malra ku Alrivilrivi ka pange si baai ki Davidi; asi lwiyane kathane kwini sapatarumarane ki Tamatama ka pange, ka tawmalramalrane patwalai ki Alrivilrivi ka cukwi pawbalrithi.

Lrivi 21:22

Ku miyaiya kai ku umawmase lri maka kane ku patarumara baai nakwane ku sapatarumarane ka akaneane, adravane ka saniange ka sanianiangenga lri kane makanaelre.

Malaki 1:12

Ai kai numi mwasakene nakwane. Kukudrulrane amia numi ki tapatarumaramaraneli; la baai numi patarumara ku kalrase numi ku akaneane.

Lrivi 8:3

ala dawlu ki mapapangale makanaelre mwa kwini isarubu.”

Lrivi 24:10

Yakai ku tangea ku umawmase, ku tamaini swa Izipiti, ku tinaini swa Iseraylri ka zuku ki Dange ka lalake ki Dibiri, ku naganeini sia Silumithe. Yakai saka minakavalane, kikai umawmase la ikai ki tasuladhane makakarivu ki tangea ka swa Iseraylri. Sa karivurivu, kai lasu la pusu ki Tamatama, kwi lalasu la malra iniane iluku mwa ki Musi,

Takatwasane Izipiti 27:21

Ku Arungu si lamwabaibalrithi iniane lri ikai daane ki Alrivilrivi ka balrawbau si icucubungu ki Langiane ki Twaumase ki tali latadre padalai ku tinaki. Kikai tinaki lrika taicucubungane nakwane twalai ki maungu pakela ki mialrealre ka taledrane. Ku mapapangale ki swa Iseraylri si lamwabaibalrithi liniane lri tara kapalralrawthu pasusu kikai drekase.”

Lrivi 3:17

Kunumi ka swa Iseraylri, adravane ka yakai inu, madha kanekane ki lamace si erai. Kikai lrika palralrawthu ka apasuswane numi ka kaika nipalraingane ka padradrekase.

Lrivi 6:9

baadha ki Arungu si lalalakeini pelaela ku kakudhane ki Lama ka lrisi. Kwini Lama ka lrisi lri pubelenga ki tapatarumaramarane, twalai ki maungu pakela ki mialrealre, pataleare lama.

Lrivi 6:11

Ala pacungulu kipabalrithi ku laimai, la iluku kwini abu mwa kwidra nikelretane ki kakudhane ka mabula ka taikaiyane.

Lrivi 10:12

Ku Musi la pelaela ki Arungu si kwini asurwana ka tadrusa ka lalakeini ka Ilriazare si Ithamare, “Kunumi arakaiya kwini tedrane ku nilamane patarumara ki Tamatama ka Taleke ka lrisi tu kaika nipawsemakane ka pange, la ithili ki tapatarumaramarane kane, asi lwiyane kikai sapatarumarane tinusaniange turamuru.