Lrivi 24:2 - Ngudradreadrekadhane Ka Sisiu 魯凱語聖經

² “Drekasa ki swa Iseraylri malra ku alrivilrivi ku lawlau ki ulrive, tusapadaladhane ki tatinakiane ki daane ki Alrivilrivi ka balrawbau, lani ka taledrane kwini apwi ki tatinakiane.

Lrivi 24:2 Iomraidhean Croise

2 Lacaili 13:11

Kwini lalasu lukamialrealre lukamiauawbu papia iniane padalai ku sangwalreme, patarumara ku Lama ka lrisi, la pikai belenge ki mabula ka cukwi patarumara ku sapatarumarane ka pange. Lukamaungu la padalai ku apwi ki kingi ka tatinakiane. Pasusu nai kudra padradrekase ki Tamatama ka Twaumase nai, kunumi la kidaili numi cilri numi iniane.

Lasenai 119:105

Ku vagasu tinakili ka waililuku ki tapudrapalaneli, si ka ledra ki kadalranane ki tapanianianiakaneli.

Lasenai 119:130

Kwi bulrubulrusu sana lalrwai waledra, ku makulrungu ka umawmase la kalrigili.

Takatwasane Izipiti 39:37

kakingiane ka tatinakiane, tinaki, si sarakaikaiyane, si sapakudaladaladhane ka lawlau;

Takatwasane Izipiti 40:24

Kwini lasu la malra ku tapikaikaiyane ki tinaki pikai tali lrawdru ki Alrivilrivi ka balrawbau, macacucubungu ki tapikaikaiyane ki pange ka cukwi,

Kavagavagane 6:23

Ku lasabulrwane lini yai ledra; ku takaelaelane lini sabulrwane muswane ku apangimianesu panianiake,

Isaiya 11:2

Ku Ri ki Tamatama lri mulebe ikai ki kinawmasaneini, si patarumara baai iniane ku thingalane si lrigilane, lri patarumara baai iniane ku thingalane kikake si puku, lri patarumara baai iniane ku tathingalane si usakenane ukuludrane ki Tamatama ku kidremedreme.

Isaiya 8:20

Kunumi amia madu kai tubalre liniane, “Kilalra ku sabulrwane si hulrice ki Twaumase! Maadha kilalralalra si patupapalra ki taraivigi si silrilrigu; kudra lakawrivariva lini kadrwa ku apakaesadhane numiane.”

Lrivi 24:1

Ku Tamatama wacunu ki Musi,

Lrivi 24:3

Luka maungu, ku Arungu lri pikai cucubungu ki taikaiyane ki Langiane ki Twaumase ka Alrivilriviilrivinga ka taikaikaiyane kwini ki makalrilau latadre padalai ku apwi, kikai apwi ani twalai ki maungu pakela ki mialrealre icucubungu ki Tamatama ledraledra. Kikai kakudhane amani ku apasuswane ki mwabaibalrithi iniane apalralraawthunga.

Matai 4:16

Ku yakai kadradridrimitane ku umawmase lri drele ku maadrau ku ledra; ku kiakabungu ki apacadhane ku umawmase yakai ku ledra kulri paledra liniane.

Matai 5:16

Laka thadaalrane, kudra ledra numi mialria paledra pikai cucubungu ki umawmase, lani drele ku mathariri ku kakwakudhane numi, si drengedrengere ki Tama numi ka yabelenge.”

Luka 1:79

la patwalai subelebelenge paledra kwidra ki sanaka panianianiake itailebe ki alalingu ki apacadhane ka umawmase, si arake naiane dadavace ikai ki masulivate ka kadalranane.

Luka 12:35

“Kunumi katangipapadulrwana tupudriadringai, lrithethe silakete si padalai ku tinaki,

Yuhani 1:4

Kai Vaga amani ku tatwaladhane ki niake, kikai niake wabaai ki umawmase ku ledra.

Yuhani 1:9

Kwini ledra amani ku patengane ka ledra, ka kaiyanganai mukawmasane si paledra ki sanaka umawmase.

Yuhani 5:35

Ku Yuhani maru nipadaladhane ka tinaki, la palraingi numi padaalru kisupilri ku ledraini.

Yuhani 8:12

Ku Yesu la iya kai ki laumawmase, “Ledraku ki yakawmasane; ku twapapalra nakwane, lri malra ku ledra ki niake, kai lri ikainga ki dradrimitane dadavace.”

Nisikawlane 26:18

Lri pamanumacasu ku maca lini, ku lrika atwaladhane lini ki kadradridrimitane ngibangulu papia ki kalealedrane, twalai ki puku ki Satange papia ki Twaumase, ku angukaiyane ki salrwane lini nakwane si kipacepe ku pasalrivane, lalri ikainga ku tasakaiyane lini ikai kudra ki pinilriane ki Twaumase ka laumawmase.’ ”

2 Kurintu 4:6

Kudra amani ku kawariva iya kai “Ani ikai ku ledra twalai kadradridrimitane kainganai paledra” ka Twaumase, ka amani kudra arakai ku ledra paledra ki kidremedreme nai ka Twaumase; pathingale naiane kudra paledraini pikai ki lringau ki Yesu Kirisitu ka ledra.