Lrivi 22:2 - Ngudradreadrekadhane Ka Sisiu 魯凱語聖經

² ki Arungu si lalalakeini, “Kunumi madha kudrukudrulru ki saniange ka naganeli, dradrela tukucingalre marasikai kwini sapatarumarane nakwane ki swa Iseraylri. Kunaku Tamatamaku.

Lrivi 22:2 Iomraidhean Croise

Izera 8:28

La kawrivaku liniane iya kai, “Ikai ki maca ki Tamatama ka Twaumase ki cucungulane numi yai, mabula numi; kwini ningipapatarumarane baai iniane ku kingi ka lawbubulu, gingi ka lawbubulu mialri ka mabula.

Takatwasane Izipiti 13:12

kunumi tara patarumara ki Tamatama kwini takataakanga ka sawvalai ka lalake. Sanaka takataakanga ka sawvalai ka lalake si aswalaalanga kitulalake ka nilapulapwane patarumara ki Tamatama patuelre.

Takatwasane Izipiti 28:38

Ku Arungu lri kelrai kikai pacase pwa ki punu. Lu mia kai, kunaku ka Tamatama lri kiragadhaku tarumara sanaka patarumara nakwane ki swa Iseraylri; adravane ku mapapangale la pasamali patarumara, lri kiraagadhaku si tarumara.

Isaiya 52:11

Katwasa, kirarimwa katwase Babilunia! Ku wangeale ku lalawbubulu ki daane ki Tamatama ku laumawmase, madha pungupungupungu ki kaika mabula ku lamanemane; lu katwase numi katakabulana.

Izikile 44:8

Kwi lalasu kai ngiakakamani ikai ki daaneli kaungu ku saniange ka tatulrisilrisiane, swadraalrulringa pasiamece ki maelane ka zuku.

Lrivi 15:31

Ku Tamatama wacunu ki Musi arakaiyanga kikai ki swa Iseraylri ani kai pasalriu ki kakudhane ki kaika mabula, amani lu kudrulru kwini ki yakai ki tasuladhane lini ka Alrivilrivi ka balrawbau. Kwini lalasu lu kudrulru ki Alrivilrivi ka balrawbau lri tara paacai.

Lrivi 18:21

“Madha malramalra ki lalakesu si lama tusapatarumaramarane ka lrisi patarumara ki ngialisiane ka twaumase ka Muleke, la ngwalai kwini si tusinalreme ki Twaumasesu. Tamatamaku.

Lrivi 19:12

Lu kaika akalrithethane pasusu ku takiketeketane, kunumi madha papiapia ki naganeli kiketekete, si tusinalreme ki naganeli. Tamatamaku ka Twaumase numi.

Lrivi 20:3

Adravane ka aneane ku wabaai ki lalakeini ki Muleke, wakudrulru ki Alrivilrivi ka taikaikaiyaneli, tusinalreme sidrekase ki saniange ka naganeli, lri kiecebaku iniane, patwalai ki kawkawluli mwalra iniane.

Lrivi 21:6

Kwi lasu lri tara kabula, madha sidrekadrekase ki saniange ka naganeli; asi lwiyane kwini lasu papia nakwane ka Tamatama patarumara ku Apwi ka lrisi, amani kwidra wabaai ki Twaumaseini ku akaneane.

Lrivi 22:1

Ku Tamatama wacunu ki Musi pelaela

Lrivi 22:32

Kunumi madha tusinalremelreme ku saniange ka naganeli; ku mapapangale ki swa Iseraylri lri tara musakene nakwane tumabula. Amaniaku ka twasaniange numiane ka Tamatama;

Taasipane 18:32

Lu maka patarumaranga numi kwini takatharirane baai ki Tamatama, ala kane kwini tedranenga kadrwa ku pasalrivane; ai lu kaiyana patarumara kwidra taka tharirane si kane sanaka patarumara, amani ku wakudrulru ki tinu saniangane ki swa Iseraylri, lri tara kipapacai.”

Tapelane Drekase 15:19

“Malra kwini aswalaalanga kitulalake ka sawvalai ka lwange, balase ka kiu pakitukudha, si patarumara ki Tamatama ka Twaumase numi; madha arakaikai pakaungu, la madha kaciaciane ku ubale kikai ki kiu.